Мавзу: Андазалар юзасини ўлчаш, газламаларни тўшаш машиналари. Қўлда бошқарилиб тўшамани қирқувчи ва кесиб бўлакларга бўлувчи машиналар

Бичиш машиналари. Газламани бичишда ме­ханикавий, ток манбаи, кимёвий ва иссиқлик энергияларидан фой­даланилади. Ҳозирги вақтда тикувчилик корхоналарида газламаларни бичишнинг турли усуллари қўлланилади. Кесиш механизми механикавий, термик ва термомеханик харак­терга эга бўлиши учун материалга таъсир кўрсатиш жараёнига қараб бичиш усулларини 3 та асосий турга ажратиш мумкин: механикавий, термофизикавий ва термомеханикавий. Газламаларни механикавий бичиш усулида материал махсус ишчи асбоблар (катоклар, валиклар, кескичлар ва қўзғалувчан пичоқлар) ёрдамида кетма-кет деформаци­яланиб қирқилади.Термофизикавий усулда бир хил кўринишдаги энергия ёрдамида таъсир кўрсатилиб материал қирқилади. Термоме­ханик усулда бир нечта энергиялар қўлланилиб, материалга таъсир кўрсатилади. Тикувчилик саноатида ишлатиладиган газламалар хусусияти ва тузилиши жиҳатидан хилма-хил бўлади. Тайёрланаётган тикув маҳсулотлари ассортименти турли-туман бўлганлиги сабаб­ли, уларнинг газламаларни бичиш усули ҳам бир хил бўлмайди. Ҳозирги вақтда тикувчилик ишлаб чиқариш корхоналарида юпқа ва тўқимачилик материалларини универсал усулда қирқишда қуйидаги машиналар иш­латилади: кўчма бичиш машиналари (ЭЗМ-3, СS-529 типидаги тик пластинасимон пичоқли, ЭЗДМ-3, ЭЗДМ-2 типидаги дисксимон пичоқли машиналар), қўзғалмас машиналар (РЛ-4, РЛ-5, РЛ-6 ва ШВН-03 ти­пидаги лента пичоқли машиналар).
СS-529 типидаги ("Паннония" фирмаси ,Венгрия) тик пичоқли кўчма бичиш машинаси. Тик пичокли CS-529 типидаги кўчма бичиш машинасининг қирқиш органи қалинлиги 0,5 мм., узунлиги 15 мм. ва кенг­лиги 22 мм.ли пичоқдан иборат. Тик тутқичнинг устида 3500 марта айланадиган электрюритгич ўрнатил­ган.
Тажриба ишини бажариш тартиби:
1. Бичувчининг ишини ташкиллаштиришда керакли жиҳозларни танлай билиш.
2. Бичиш машиналарида учрайдиган нуқсонларни вақтида аниқлаш.


Тажриба ишини топшириш шакли:
Талаба тажриба иши бўйича материал ва жиҳозларни тўғри танлашни ўрганиб, асосий маълумотларни гапириб бериши керак.
Уйга вазифа: ўқитувчи томонидан берилган саволларга жавоб бериб дарсда фаол қатнашиш.