Mavzu: Andozalarni pardozlash,saklash va tamirlash. Reja: Zakrovli birikmalar

Eshik bloklari detallarini yog‘och materiallardan tayyorlash va yig‘ish.

Eshik kesakidan va kesakining vertikal taxtasiga oshiq moshiqlarda osib qo‘yiladigan eshik tavaqasidan tashkil topadi.

Vazifasiga ko‘ra eshiklar ichki, shu jumladan zinadan kvartiraga va boshqa xonalarga kirish eshiklari, sanitariya texnikasi uzellariga kirish eshiklari, tashqi eshiklar (binoga kirish eshiklari), dahliz eshiklari hamda maxsus (tovush o‘tkazmaydigan, yong‘inga qarshi, tutundan himoyalovchi va b.) eshiklarga ajratiladi. Ichki eshiklar xonalararo, oshxona, sanitariya uzellari, yordamchi (omborxonalar, ichki javonlar) eshiklar va balkonga chiqish (balkon) eshiklariga bo‘linadi.
Tuzilishiga ko‘ra ramkali (dilali) eshiklar, yaxlit yoki mayda bo‘shliqlar bilan to‘ldirilgan shchitli eshiklar, ostonali va ostonasiz eshiklar, piramonli hamda piramonsiz eshiklar bo‘ladi.

76-rasm. Xonalar eshiklari namunalari.

Eshiklar tavaqalarining soniga qarab bir va ikki tavaqali hamda tavaqalarining eni turlicha eshiklarga ajratiladi.

Ochilish yo‘nalishi va usuliga ko‘ra ikki tavaqali, tebranma, kerilma eshiklar, oynasi bor-yo‘qligiga ko‘ra esa oynavand hamda oynasiz eshiklar bo‘ladi (76-rasm).

Namga chidamliligiga qarab eshiklar havosining nisbiy namiigi 60% dan yuqori bo‘lgan xonalar uchun mo‘jallangan yuqori darajada namga chidamli eshiklar (dahliz eshiklari va binolarning tashqi devorlariga o‘rnatiladigan eshiklar) hamda havosining nisbiy namligi 60% dan oshmaydigan xonalarga mo‘ljallangan eshiklarga bo‘linadi.

Pardoziga ko‘ra, emallar, bo‘yoqlar bilan pardozlangan yoki dekorativ list yoxud plyonka materiallar bilan qoplangan noshaffof pordoz qoplamali eshiklar va shaffof loklar bilan qoplangan shaffof pardoz qoplamali eshiklar bo‘ladi.