Mavzu: Ijtimoiy-iqtisodiy hodisalarni o’rganishda o’rtacha miqdorlarni ahamiyati. Reja

Mavzu: Ijtimoiy-iqtisodiy hodisalarni o’rganishda o’rtacha miqdorlarni ahamiyati.


Reja:
1.Ijtimoiy ishda statistikaning nazariy asoslari
2. Ijtimoiy statistikada o’rtacha miqdorlar va variatsiya ko’rsatkichlari
3. Ijtimoiy ishda aholi statistikasi

Ijtimoiy ishda «Ijtimoiy statistika» fanini o’zlashtirish jarayonida amalga oshiriladigan masalalar doirasida bakalavr: ijtimoiy statistika fanining ob`ekti, ijtimoiy statistikaning nazariy asoslari, ijtimoiy statistikada vujudga keluvchi muammolar, statistik tahlildan foydalanish muammolari tasnifi, statistik masalalarni tuzish muammolari, ijtimoiy statistika tushunchasini aniqlashdagi yondashuvlar, statistik ko’rsatkichlar tizimini, ko’rsatkichlarni turlari va klassifikatsiyalarini, statistik kuzatish va uning bosqichlarini, svodkalash va guruhlashni, variatsion katorlarda o’rtacha miqdorni hisoblash usullarini, o’rtacha miqdorlar ko’rsatkichlarini aniqlashni, ijtimoiy statistika fanining o’ziga xos tushunchalari, ijtimoiy statistika atamalari, shakllanish va rivojlanish yo’nalishlari, har xil daromadli oilalar iste`moli hajmi va tarkibini hisoblashni, bugungi ahvoli va istiqboli xususida statistik tahlil qilish, ijtimoiy hodisalar bilan bog’liq statistik muammolar va jarayonlarni bilishi hamda mustaqil tahlil qila olish, ijtimoiy hodisalar o’rtasidagi bog’liqlikni statistik tahlil qila olish ko’nikmalariga ega bo’lishi kerak.

Ijtimoiy statistika statistikaning muhim tarkibiy elementi hisoblanib, ommaviy ijtimoiy hodisa va jarayonlarni tadqiqot ob`ekti sifatida tahlil qiladi. Natijada mazkur fan bo’yicha tizimli bilimlarga ega bo’lish; ijtimoiy hodisa va jarayonlar to’g’risida tasavvurlarga ega bo’lish; ijtimoiy statistika usullarini o’zlashtirish; aholi soni, tarkibi, harakati, ahol turmush darajasi, mehnat resurslari, ishsizlik kabi ijtimoiy hodisalar haqida tasavvurga ega bo’lish va tahlil eta olish; mamlakatimiz ijtimoiy ish sohasida ijtimoiy statistika sohasi bo’yicha yangi ilmiy natijalarga erishish va mavjudlarini esa takomillashtirish uchun bilim va ko’nikma ega bo’lish mumkin.