Mavzu: ipo operatsiyalarini tashkil etish,o’tkazish va samaradorligini oshirish

Xulosa o’rnida ta’kidlab o’tish joizki, so’ngi 3 yilda o’tkazilayotgan islohotlar aynan fond bozorini rivojlantirishni, davlat ulushini kamaytirib, xususiylashtirishni oshirish masalalariga katta e’tibor berilayotgani ham aksiyadorlik jamiyatlarining qimmatli qog’ozlarni IPO tarzida ommaviy joylashtirishga keng yo’l ochilayotganidan dalolat beradi. Ayniqsa, aksiyadorlik jamiyatlari uchun huquqiy jihatdan soddalashtirilgan tartib bo’lgani, ya’ni qonunchilikdagi o’zgarishlar hamda ularni optimizatsiya qilingani katta yutuq bo’ldi desak bejiz emas. Mamlakat iqtisodiyotining raqobatbardoshligini oshirish va iqtisodiyot tarmoqlarini modernizatsiya qilish moliya-bank tizimi, shu jumladan kapital bozori imkoniyatlaridan to‘liq foydalanishni hamda ushbu tizimni sifat jihatdan yangi bosqichga ko‘tarishni talab qiladi.  Aksiyalar qiymatining pasayishi yoki muvaffaqiyatli joylashtirilishi natijasida kapitalni olishning murakkabligi va xavfiga qaramay, kompaniyalarning ijtimoiy mavqeiga ega bo'lishiga olib keladigan ko'plab afzalliklar mavjud.