Mavzu: Islom Abdug’aniyevich Karimov O’zbekistonning birinchi prezidenti. Reja

MAVZU: Islom Abdug’aniyevich Karimov O’zbekistonning birinchi prezidenti.

REJA:

1.Muhtaram birinchi prezidentimiz I.A.Karimov tarjimai holi.
2.I.A.Karimovning siyosiy faoliyati.
3. I.A.Karimovning bizga meros asarlari.
4. Muhtaram birinchi prezidentimizning O’zbekiston va chet davlatlarning faxriy unvon va mukofotlari.
5. Muhtaram birinchi prezidentimiz I.A.Karimovning xotirasi doimo xalqimiz qalbida mangu barhayot.

Islom Abdugʻaniyevich Karimov (1938-yil 30-yanvar, Samarqand shahri — 2016-yil 2-sentyabr, Toshkent shahri^[2]) — davlat va siyosat arbobi, Oʻzbekiston Respublikasining birinchi prezidenti. Oʻzbekiston Qahramoni (1994). Oʻzbekiston Qurolli Kuchlari Oliy Bosh Qoʻmondoni va 2007-yilgi prezidentlik saylovlari gʻolibi, 2015-yilgi prezidentlik saylovlari gʻolibi. Oʻzbekiston mustaqilligi eʼlon qilingunga qadar OʻzSSR kommunistik partiyasi birinchi kotibi. 1991-yildan umrining oxiriga qadar Oʻzbekiston Prezidenti. Islom Karimov boshchiligida Oʻzbekiston oʻzining Konstitutsiyasiga ega boʻldi, BMTda tan olindi va MDH davlatlari bilan teng huquqli aloqalarni olib borgan.

Oilasi

• 
  Otasi — Abdugʻani Karimov, (1894—1967) Samarqand shahridagi fabrikada ishchi boʻlgan^[8].
  
• 
  Onasi — Sanobar Karimova, (1902—1982) Samarqand shahridagi fabrikada ishchi boʻlgan.
  
• 
  1965-yilda millati ukrain boʻlgan Natalya Petrovna Kuchmaga uylangan. 1970-yilda ajrashgan. Bu nikohdan Pyor ismli oʻgʻli bor^[9].
  
• 
  Opasi — Karimova Mexriniso Abduganievna (1920-yil tugʻilgan).
  
• 
  Akasi — Karimov Omonullo Abduganievich (1922-yil tugʻilgan).
  
• 
  Akasi — Karimov Ibod Gʻaniyevich (1926—2015), professor.
  
• 
  Akasi — Karimov Arslon Abduganievich (1931—1989).
  
• 
  Akasi — Karimov Ikrom Abduganievich (1933—1976).
  
• 
  Akasi — Karimov Quddus Gʻaniyevich, (1934—1995), professor.
  
• 
  Ukasi — Karimov Xurshid Abduganievich (1941—2009).
  
• 
  1971-yildan Tatyana Akbarovna Karimova bilan nikohda.
  
• 
  Qizi — Gulnora Karimova, diplomat. 2015-yilda moliyaviy jinoyatlarda ayblanib, 5 yilga qamalgan. Turmush oʻrtogʻi Mansur Maqsudiy, tadbirkor. 2 nafar farzandi bor: oʻgʻli Islom va qizi Imon.
  
• 
  Qizi — Lola Karimova-Tillayeva, diplomat. Oʻzbekistonning UNESCOdagi doimiy vakili sifatida ishlagan. Turmush oʻrtogʻi — Tillayev Timur Hakimovich, tadbirkor. 3 nafar farzandi bor: oʻgʻli Umar, qizlari Maryam va Safiya.
  

Islom Karimov xizmatchi oilasida tugʻilgan. Oʻrta Osiyo politexnika instituti (1960), Toshkent xalq xoʻjaligi institutini (1967) tugatgan.
Mehnat faoliyatini 1960-yilda Toshkent qishloq xoʻjaligi mashinasozligi („Tashselmash“) zavodida master yordamchiligidan boshladi. Soʻng mazkur korxonada master, texnolog. 1961-yildan 1966-yilgacha V. P. Chkalov nomidagi Toshkent aviatsiya ishlab chiqarish birlashmasida muhandis, yetakchi muhandis-konstruktor boʻlib ishladi. 1966-yilda Oʻzbekiston Davlat plan komitetiga ishga oʻtib, bosh mutaxassislikdan respublika Davlat plan komiteti raisining birinchi oʻrinbosarigacha boʻlgan yoʻlni bosib oʻtdi. 1983-yildan Oʻzbekiston SSR Moliya vaziri, 1986-yildan Oʻzbekiston SSR Ministrlar Soveti raisining oʻrinbosari — respublika Davlat plan komitetining raisi. 1986—1989-yillarda Oʻzbekiston KP Qashqadaryo viloyat komitetining birinchi kotibi, 1989-yil iyunidan Oʻzbekiston KP MK birinchi kotibi. 1990-yil 24-martda Oʻzbekiston SSR Oliy Kengashining sessiyasida Islom Karimov Oʻzbekiston SSR Prezidenti etib saylandi.
1991-yil 31-avgustda Karimov tarixiy voqea — Oʻzbekiston Respublikasining davlat mustaqilligini eʼlon qildi. 1991-yil 29-dekabrda muqobillik asosida oʻtkazilgan umumxalq saylovida Karimov Oʻzbekiston Respublikasi Prezidenti etib saylandi. 1995-yil 26-martda boʻlib oʻtgan umumxalq referendumi yakunlariga koʻra, Karimovning Prezidentlik vakolati 2000-yilga qadar uzaytirildi. 2000-yil 9-yanvarda u muqobillik asosida Oʻzbekiston Respublikasining Prezidenti etib qayta saylandi. Oʻzbekiston Respublikasi Konstitutsiyasining 89- va 93-moddalariga muvofiq, Karimov ayni vaqtda, Oʻzbekiston Respublikasi Vazirlar Mahkamasining Raisi (1990—1992), Oʻzbekiston Respublikasi Qurolli Kuchlarining Oliy Bosh qoʻmondonidir.

Karimov Oʻzbekiston Fanlar Akademiyasi (1994), shuningdek, iqtisod, fan, taʼlimni rivojlantirishga qoʻshgan ulkan hissasi uchun oʻndan ortiq xorijiy mamlakat universitet va akademiyalarining faxriy fan doktori, professor hamda akademikligiga saylangan. Uning

1. 
   „Oʻzbekistonning oʻz istiqlol va taraqqiyot yoʻli“ (1992),
   
2. 
   „Yangi uy qurmay turib, eskisini buzmang“ (1993),
   
3. 
   „Oʻzbekiston — bozor munosabatlariga oʻtishning oʻziga xos yoʻli“ (1993),
   
4. 
   „Bizdan ozod va obod Vatan qolsin“ (1994),
   
5. 
   „Istiqlol va maʼnaviyat“ (1994),
   
6. 
   „Vatan sajdagoh kabi muqaddasdir“ (1995),
   
7. 
   „Oʻzbekiston XXI asr boʻsagʻasida: xavfsizlikka tahdid, barqarorlik shartlari va taraqqiyot kafolatlari“ (1997),
   
8. 
   „Barkamol avlod orzusi“ (1998),
   
9. 
   „Kuchli davlatdan kuchli jamiyat sari“ (1998),
   
10. 
    „Tarixiy xotirasiz kelajak yoʻq“ (1998),
    
11. 
    „Olloh qalbimizda, yuragimizda“ (1999),
    
12. 
    „Ozod va obod vatan, erkin va farovon hayot — pirovard maqsadimiz“ (2000),
    
13. 
    „Tinchlik uchun kurashmoq kerak“ (2001),
    
14. 
    „Oʻzbekistonda demokratik oʻzgarishlarni yanada chuqurlashtirish va fuqarolik jamiyati asoslarini shakllantirishning asosiy yoʻnalishlari“ (2002)
    
15. 
    Yuksak ma'naviyat–yengilmas kuch (2008)
    

va boshqa asarlarida iqtisodiyot, ijtimoiy-siyosiy taraqqiyotning dolzarb masalalari tadqiq qilingan, Oʻzbekistonning ichki va tashqi siyosati ilmiy asoslab berilgan, hozirgi va istiqboldagi vazifalar koʻrsatib oʻtilgan. Uning asarlari ingliz, rus, fransuz, ispan, nemis, hind, xitoy, arab, koreys, turk va boshqa xorijiy tillarga tarjima qilinib, bir necha bor nashr etilgan.

.
Muhtaram birinchi prezidentimizning O’zbekiston va chet davlatlarning faxriy unvon va mukofotlari

1	„Oʻzbekiston Qahramoni“ unvoni, „Oltin Yulduz“ medali	05.05.1994	Oʻzbekiston Respublikasi Oliy Kengashining 1048-XP-qarori asosida
2	„Mustaqillik“ ordeni	29.08.1996	Oʻzbekiston Respublikasi Oliy Majlisining 269-I-qarori asosida
3	„Amir Temur“ ordeni	26.12.1997	Oʻzbekiston Respublikasi Oliy Majlisining qarori asosida