Мавзу: Карбюраторли двигателларнинг таъминлаш тизими Карбюраторли двигателларни таъминлаш тизими вазифаси

Инжекторли двигателлар таъминлаш тизимининг ўзига хос хусусиятлари
Қишлоқ хўжалик ишлаб чиқаришида фойдаланиладиган юк автомобилларида инжекторли двигателлар қўлланилмайди, аммо Ўзбекистонда ишлаб чиқарилаётган ДЭУ русумли енгил автомобилларда инжекторлар қўлланилган ва улар электрон тизим ёрдамида бошқарилади.
Ёқилғи билан таъминлашнинг электрон тизимларини бошқариш блоки интеграл схемалар қўллашни тақазо этади. Энг мухими–инжекторли двигателларда ёқилғини дозалаш ҳавони сарфлаш миқдорига қараб амалга оширилади. Шуни айтиш керакки тизимни барча форсункалари (инжекторлари) бир вақтда одатдаги частотадан икки баробар тазроқ ишлайди, аммо бериладиган ёқилғи миқдорини икки баробар камроқ етказади. Бу тадбир ёқилғини ҳаво билан тўйинтиришини яхшилаб цилиндрларга тенг тақсимланишига имкон беради.
Двигател цилиндрларини карбюратордан ҳар хил масофада жойлашганлиги, ёнувчи аралашма цилиндрларга етиб боргунча турли қаршиликларга учраши, двигателни турли цилиндрларига турли таркибдаги ёнувчи аралашма етиб келиши ва натижада ёқилғи сарфини ошиши карбюраторли двигателларни камчиликлари саналади. Инжекторли таъминлаш тизимини қўллаш карбюраторли таъминлаш тизимини юқорида санаб ўтилган камчиликларини бартараф қилади. Келтирилган камчиликларни бартараф қилиш учун ёнувчи аралашма ҳар бир цилиндрни олдида тайёрланиши лозим.
Двигателларнинг таъминлаш тизимида ёнувчи аралашма тайёрлаш сифати двигателларнинг қувватига, олинаётган буровчи момент миқдорига ва ёниб бўлган газларнинг таркибига таъсир этади.
Замонавий енгил автомобил двигателларида ҳар бир цилиндрнинг киритиш клапанлари яқинида ёнувчи аралашма тайёрлайдиган инжекторли электрон ёқилғи пуркаш тизими қўлланилади.
Электрон ёқилғи пураш тизимининг қуйидаги афзалликлари мавжуд:

• 
  пуркашни рақамли микропроцессор бошқарганлиги сабабли жараён жуда тезкор амалга оширилади;
  
• 
  ёнувчи аралашма барча цилиндрлар учун бир хил ва аниқ таркибга эга бўлади;
  
• 
  ёнувчи аралашмани таркибини узоқ муддат бир хилда ушлаб туриш мумкин;
  
• 
  юқори ёқилғи тежамкорлиги таъминланади;
  
• 
  ёниб бўлган газларни атроф муҳитга зарарли таъсири камаяди.