Mavzu: kasr tushunchasi bilan tanishtirish metodikasi. Ulush. Butunning ulushini topish. Ulushga ko‘ra butunni topish. Maxraji 10 dan oshmagan kasrlarni taqqoslash. Maxrajlari bir XIL bo‘lgan kasrlarni qo‘shish va ayirishning ma’nosi

1 Ulush. Butunning ulushini topish. Ulushga ko‘ra butunni topish

MAVZU: KASR TUSHUNCHASI BILAN TANISHTIRISH METODIKASI. ULUSH. BUTUNNING ULUSHINI TOPISH. ULUSHGA KO‘RA BUTUNNI TOPISH. MAXRAJI 10 DAN OSHMAGAN KASRLARNI TAQQOSLASH. MAXRAJLARI BIR XIL BO‘LGAN KASRLARNI QO‘SHISH VA AYIRISHNING MA’NOSI. SONNING KASR QISMI VA KASRGA KO‘RA SONNI TOPISHGA DOIR MASALALAR YECHISH.
Reja:
1. .Ulush. Butunning ulushini topish. Ulushga ko‘ra butunni topish.
2.Maxraji 10 dan oshmagan kasrlarni taqqoslash.
3.Maxrajlari bir xil bo‘lgan kasrlarni qo‘shish va ayirishning ma’nosi.
4.Sonning kasr qismi va kasrga ko‘ra sonni topishga doir masalalar yechish.
Tayanch iboralar:kasr, miqdor,miqdorlarning ulushlari.


1. Ulush. Butunning ulushini topish. Ulushga ko‘ra butunni topish.
Boshlang‘ich maktabda ulushlar va kasrlar bilan dastlabki tanishini 2- sinfda kasrlarni o‘rganishga tayyorgarlik sifatida qarash lozim. Boshlang‘ich maktabning 3- sinfi dasturida sonning ulushini va ulushiga ko‘ra sonning o‘zini topish masalasi qaraladi. 4- sinfda esa sonning bir nеcha ulushlarini topishga doir masallar yеchiladi. Ulush va kasr nima? «Ulush» va «kasr» tushunchalari bolalar uchun odatdan tashqarii tushunchalar bo‘ladi. Bu tushunchalarni o‘zlashtirib olish uchun o‘qitishni to‘la ko‘rsatmali qilish zarur. Amaliyotda eng ko‘p qog‘oz tasmalar, chiziqLar, kasr sanog‘i hilindrlari qo‘llaniladi. O‘qitishning birinchi bosqichida bu ko‘rsatma qo‘llanmalardan foydalanishning kamchiligi shundaki, bo‘lishdan kеyin qolgan, masalan, qog‘oz tasmalar bo‘laklarining o‘zlari shakli bo‘yicha dastlabki tasmalarga o‘xshash bo‘lib, ularni yana butun birlik sifatida qabul qilish mumkin. Ulush nima? Agar bеrilgan ob'еktni (narsani, narsalar to‘plamini) bir nеcha tеng bo‘laklarga bo‘lish mumkin bo‘lsa, u holda bu bo‘laklarning har biri ob'еktning (narsaning, narsalar to‘plamining) ulushi dеb ataladi. Ulush ikkita natural son va chiziqcha yordamida yoziladi:
Chiziqcha ostidagi son ob'еkt nеchta bo‘lakka bo‘linganligini, chiziqcha ustidagi son esa bunday bo‘lakdan bitta (ulush) olinganligi bildiradi.
Kasr (yoki kasr son) dеb shunday natural sonlar juftiga aytiladiki, ulardan chiziqcha ostiga yozilgani ob'еkt nеchta tеng bo‘lakka bo‘linganligini, ikkinchisi, chiziqcha ustiga yozilgani esa hosil bo‘lgan ulushlardan nеchtasi olinganligini bildiradi:
Ulushning va kasrning ta'riflarini solishtirish ulush kasr sonining xususiy xoli ekanligini ko‘rsatadi. Boshlang‘ich sinf o‘quvchilari kasr va ulush tushunchasiga oid masalalar yechish jarayoni ijobiy – hissiy ta’sir etib, o‘quvchi uchun muhim matematik bilimlar tarkib toptirdi. Bu ayniqsa, matematik bilimlar mustahkamlanadigan ko‘nikma va malakalarning hosil bo‘lishiga yordam berdi.
O‘quvchilarni kasrlar bilan tanishtirish dasturga binoan 3-sinfdan boshlanadi. Kasrlarning hosil bo‘lishi, ularni taqqoslash, sonning ulushini topish va berilgan ulushiga ko‘ra sonning o‘zini topish bilan tanishadilar. 4-sinfda 1 ning ulushi va bir necha ulushi va uning yozma ko‘rinishi tasavvurlariga ega bo‘ladilar. Kasr tushunchasi geometriyada kesma ulushi, miqdorlarning ulushi va boshqa geometrik shakllarning ulushlari bilan bevosita bog‘langan.
Kasr tushunchasini hosil qilish har xil narsalarni teng bo‘laklarga bo‘lish, kesish, sindirish, maydalashdan kelib chiqadi deyiladi. Boshlang‘ich sinfdan oldin, ya’ni maktabgacha yoshdayoq kasr tushunchasining boshlang‘ich tushunchalari berilgan. Masalan, olma, tarvuz, bodring, non va boshqalarni bir necha bo‘laklarga bo‘lib ko‘rgan va boshlangich tushunchalarni olgan. Shu maqsadda bolalarni ulushlar bilan, ularning yozilishi bilan tanishtirish, taqqoslashni o‘rgatish, sonning ulushlari va ulushi bo‘yicha sonni topishga doir masalalarni yechish kuzda tutiladi. Aytib o‘tilgan barcha masalalar ko‘rgazmali qilib ochib beriladi.