Мавзу: Логистик тизимлар

Мамлакатдаги логистика тизими ривожланишидан иштирокчи томонларнинг манфаатдорлиги

№	манфаатдор томонлар	ТЛТ яратилишидан манфаатдор томонларнинг қизиқишлари
1	Марказий ҳокимият, ҳукумат	мамлакат иқтисодиётининг умумий ривожланиши; давлатнинг стратегик манфаатлари; ташқи савдони ривожлантириш; ҳар хил турдаги транспорт турларини ўзаро мувофиқлаштириш; бюджетга солиқ тушумларининг ўсиши;
2	Маҳаллий ҳокимият органлари	минтақанинг инвестицион жозибадорлигини ошириш; янги иш ўринларини яратиш; маҳаллий бюджетга солиқ тушумларини ошириш.
3	Хизматларнинг потенциал истеъмолчилари (тармоқ савдо корхоналари, улгуржи савдо компаниялари, ишлаб чиқариш корхоналари)	логистик аутсорсингни ривожлантириш; логистика соҳасида хизмат кўрсатиш сифатини ошириш; логистика харажатларини камайтириш
4	Логистик воситачилар	хизматлар бозорини кенгайтириш; бизнесни юритиш учун шароит яратиш.
5	Инвесторлар	риск даражасининг пастлиги ва мақбул қайтариш муддати мавжуд бўлган инвестицион жозибали лойиҳаларни яратиш.
6	Девелоперлар	логистик операторларга кейинчалик лизинг ёки сотиш учун йирик логистика лойиҳаларини қуриш учун шарт-шароитлар яратиш.
7	Аҳоли	янги иш ўринларини яратиш; транспорт инфратузилмасини ривожлантириш; чакана хизмат кўрсатиш сифатини ошириш; халқаро тармоқ компанияларининг бозорига кириш; экологик вазиятни яхшилаш.

Ҳар хил транспорт-логистика корхоналари ўз фаолиятини мувофиқлаштиришни яхшилаш ва транспорт тизимини тизимли хусусиятга эга бўлиш учун логистика тамойилларини ўзларининг амалиётига киритиш керак. Логистикани тадқиқ этишда икки ёндашув мавжуд: анъанавий ва тизимли
Бу икки илмий ёндашув ўртасидаги фарқларни кўриб чиқсак: анъанавий ва тизимли ёндашувлар, шунингдек, уларнинг афзалликлари. Ҳар иккала ёндашувда ҳам таҳлил ва синтез усуллари қўлланилади. Уларнинг орасидаги фарқ бу усулларнинг кетма-кетлигини бирлаштиради. Анъанавий ёндашув қуйидаги кетма-кетликларни ўз ичига олади:
- таҳлил қилиш;
- элементларнинг хатти-ҳаракатлари ёки алоҳида-алоҳида олинган хусусиятларини тушунтириш;
- бу тушунтиришларнинг барчасини синтез қилиш.