Mavzu: nutk va muloqot

Fizika F-18-03 gurux talabasi Abduraxmonova Nargizaning psixologiya fanidan

10- Seminari.

MAVZU: NUTK VA MULOQOT

1. Muloqot va uning koʻp rejali xarakteri.
Muloqot inson hayoti va faoliyatining muhim shartidir. Aynan muloqot yordamida insonlar tabiatini oʻzlashtirish va oʻz individual ehtiyojlarini qondirish uchun birgalikda harakat qilish imkoniyatiga ega boʻladilar. Muloqot jarayonida inson xulq-atvorining muayyan obraz va modellari shakllanib, keyinchalik ular insonning ichiga kiradi. Shaxsning tafakkuri, olamni va oʻzining obrazini tahlil qilish hamda baholash qobiliyati muloqot jarayonida shakllanadi. Mazkur muammoga atroflicha baho bergan polshalik psixolog Ye.Melibruda quyidagilarni taʼkidlaydi: “Muloqot shaxslararo munosabatlarda biz uchun havodek ahamiyatga egadir”.

Muloqot oʻta murakkab jarayon boʻlganligi sababli unga yagona toʻgʻri taʼrifni berish juda mushkul. Shuning uchun odatda muloqot tushunchasining mazmuni uning ayrim tomonlariga urgʻu berish orqali taʼriflanadi.

muloqot – hamkorlikda faoliyat ehtiyoji bilan taqazolangan aloqa oʻrnatish va uni rivojlantirish jarayoni .

muloqot – subyektlarning belgilar tizimi orqali oʻzaro taʼsirlanishuvi.

Muloqot tushunchasini kommunikatsiya tushunchasidan farqlash lozim. Kommunikatsiya-tirik va oʻlik tabiatdagi tizimlar oʻrtasida axborot almashinuvini anglatadi. Hayvonlar oʻrtasidagi signallar almashinuvi, insonning texnik vositalar bilan aloqa qilishi, bularning barchasi kommunikatsiyaga misol boʻladi. Muloqot faqat insonlar oʻrtasida amalga oshirilishi mumkin. Muloqotning inson hayotidagi ahamiyati beqiyosdir. Inson bolasi aynan boshqalar bilan muloqotda, munosabatda boʻlish jarayonida shaxsga aylanib boradi. Muloqot orqali inson ijtimoiy tajriba va madaniyatni egallab boradi. Yangi tugʻilgan inson boshqalar bilan muloqotda boʻlish imkoniyatidan mahrum boʻlsa, u hech qachon shaxsga aylana olmaydi, yaʼni u oʻz psixik taraqqiyoti boʻyicha orqada qolib ketadi. Zero, inson psixik taraqqiyoti muloqotdan boshlanadi.

Chunki muloqot jarayonida axborot nafaqat uzatiladi, balki shakllan-tiriladi, aniqlashtiriladi, rivojlantiriladi. Demak, inson muloqotni shunchaki axborot almashinuvidan iborat jarayon deb hisoblashi mumkin emas. Zero, birinchidan muloqot jarayonida axborot bir tomondan ikkinchi tomonga shunchaki harakatlanmaydi, balki faol almashinadi, ikkinchidan muloqot jarayonida axborot almasha turib kishilar belgilar orqali bir-biriga taʼsir etishi mumkin, uchinchidan muloqot jarayonida kommunikator (axborot yuboryotgan odam) va retsipiyent (axborotni qabul qilayotgan odam) bir xil kodlashtirish tizimiga ega boʻlishi kerak, toʻrtinchidan muloqot jarayonida faqat insonlararo kommunikatsiyaga xos toʻsiqlar vujudga kelishi mumkin.

Kommunikativ jarayonda qoʻllaniladigan bir necha belgilar tizimi mavjud. Ular verbal kommunikatsiya (nutq orqali) va noverbal (nutq bilan bogʻliq boʻlmaydigan belgilar orqali) kommunikatsiyadir.

Verbal kommunikatsiya. Inson nutqi belgilar tizimi sifatida qoʻllaniladi. Nutq – inson tomonidan qoʻllaniladigan tovush signallari yoki yozma belgilardan iborat boʻlib, ular orqali muloqotdan olingan maʼlumot qayta ishlanadi, saqlanadi va uzatiladi. U jarayon til orqali amalga oshiriladi. Til soʻz belgilari tizimi boʻlib, u muloqot jarayonida psixik faoliyat mahsuli boʻlib yuzaga keladi.

2. Turli tipdagi mulokat va kishi tafakkuri.
Til muomala vositasidir. Til muomalaga kirishuvchilar oʻrtasidagi kommunikatsiyani taʼminlaydi, chunki uni axborot beruvchi ham, uni qabul qiluvchi ham birday tushunadi. Boshqa kishiga axborot beruvchi (kommunikator) va uni qabul qiluvchi (retsipiyent) muloqot jarayonida bir xil tildan foydalanishi kerak, aks holda bir-birini toʻgʻri tushunolmaydi. Axborot almashish muomala qatnashuvchilariga tushunarli belgi va mazmunga ega boʻlishi kerak. Til soʻz belgilari yigʻindisidan iboratdir. Soʻzning maʼnosi uning mazmuniy tomonidir. Har bir alohida odamning harakatlari va faoliyatlarini boshqa odamning harakati va faoliyatlarini 3 ta muhim omil belgilaydi.

Birinchidan, butun insoniyatning yoki bir muncha tor doiradagi kishilar jamoasining ijtimoiy-tarixiy tajribasini belgilaydi. Kichkina bola dunyoni mustaqil ravishda bilib olmaydi. U ota-onasiga savollar beradi va ular unga javob beradilar, bu javoblardan bola oʻz faoliyatini keyinchalik foydalanadigan umumiy bilimlarning faqat ozgina qismini oladi. Umumiy bilimlarning bu ozginagina qismini bola til shaklida, til yordamida soʻz belgilari tizimida hosil qila oladi. Maktabda ham xuddi shunday boʻladi, oʻquvchi olam haqida barcha bilimlarni oʻqituvchining tushuntirishidan yoki darslikdan, yaʼni til yordamida oʻzlashtiradi. Bu yerda til oʻzining muhim vazifalaridan birini bajaradigan, yaʼni yashash vositasi, ijtimoiy-tarixiy tajribani berish va oʻzlashtirish vositasi tarzida namoyon boʻladi.

Ikkinchidan, har bir alohida odamning ish-harakati va faoliyatini koʻpincha ijtimoiy qiymatga ega boʻlmagan oʻzga kishilarning bevosita tajribalarini belgilaydi. Masalan, men oshxona tomon yoʻl olaman. Yoʻlda oʻrtogʻim uchrab menga: “oshxona yopilgan”, deydi. Shu paytda bu xabar mening faoliyatimni maʼlum bir tarzda boshqaradi: men qayrilib, boshqa oshxona tomon joʻnayman. Bu yerda til oʻzining boshqa muhim vazifasi bilan, yaʼni vosita yoki kommunikatsiya usuli yoki olamning xatti-harakatlarini boshqaruvchi bir vosita sifatida namoyon boʻladi. Natijada har qanday kommunikatsiya, har qanday munosabat suhbatdoshiga taʼsir qilishdan iboratdir.

Uchinchidan, har bir alohida odamning ish-harakatlari va faoliyatlarini har bir ayrim kishilarning shaxsiy tajribasi belgilaydi. Odamning “shaxsiy” oʻz individual tajribasi boshqa kishilarning tajribalari va ijtimoiy tajribaning oʻziga xos aralashmasidan iborat. Odam hayvondan farqli oʻlaroq, oʻz harakatlarini rejalashtira oladi. Bunday rejalashtirish va umumiy fikriy masalalarni hal qilishning asosiy quroli tildir. Bu yerda biz tilning uchinchi vazifasi aqliy faoliyatning (idrok, xotira, tafakkur, xayol) quroli sifatidagi vazifasiga toʻqnash keldik. Soʻz belgilari tizimi sifatida tildan nutq faoliyatida foydalaniladi.

3. Nutk tugrisida tushuncha.

Nutq faoliyati – odam tomonidan ijtimoiy-tarixiy tajribani oʻzlashtirish va avlodlarga berish yoki kommunikatsiya oʻrnatish, oʻz harakatlarini rejalashtirish maqsadida tildan foydalanish jarayonidir. Til aloqa vositasi yoxud quroldir, nutq faoliyati yoki nutq esa aloqa jarayonining oʻzidir. Bu jarayonda nutq faoliyatining faol va passiv turlari farqlanadi. Soʻzlovchining nutqi faol nutq, tinglovchining nutqi passiv nutq hisoblanadi. Nutq ichki va tashqi nutqqa boʻlinadi. Tashqi nutq – yozma va ogʻzaki nutqqa, ogʻzaki nutq esa monolog va dialogik nutqqa boʻlinadi. Monolog – bir kishining oʻziga yoki boshqalarga qaratilgan nutqidir. Bu oʻqituvchining bayoni, oʻquvchining toʻlaroq javobi, maʼruza va boshqalardir. Monologik nutq maʼlum qiyinchiliklarga ega. Monologda gapirayotgan kishi fikrlarning aniqligiga, grammatik qoidalarning saqlanishiga, mantiq va aytilayotgan fikrlarning izchilligiga eʼtibor berishi kerak. Dialogik nutqqa nisbatan monologik nutq kechroq shakllanadi. Maktabda oʻqituvchilar oʻquvchilarda monologik nutqni rivojlantirishga alohida eʼtibor berishlari kerak. Ikki yoki undan ortiq kishilar oʻrtasidagi nutq – dialog deyiladi. Dialogik nutqda bayon qilinayotgan fikr koʻp jihatdan undan oldingi fikrga bogʻliq boʻladi. Dialogik nutqda suhbatdoshlarga maʼlum boʻlgan ayrim soʻzlar tushirib qoldiriladi. Shuning uchun yozib olingan dialog boshqalarga unchalik tushunarli boʻlmasligi mumkin: Dialogik nutqda har xil turdagi shablonlar, yaʼni odatlanib qolingan soʻz birikmasi koʻp uchraydi (qoyil, marhamat qilib aytingchi). Nutqning ichki nutq deb atalgan turi nutq faoliyatining alohida turi hisoblanadi. Ichki nutq amaliy va nazariy faoliyatni rejalashtirish fazasi sifatida namoyon boʻladi. Biz soʻzni chala-yarim aytishimiz bilanoq tushunaveramiz. Ichki nutq ayrim ogʻzaki nutq aktlaridan ilgariroq, xususan ixtiyoriylik darajasi ancha yuksakroq boʻlgan ogʻzaki nutqdan ilgariroq sodir boʻlishi mumkin. Yozma nutq monologik nutqning turlaridan biri boʻlib, yozma nutq monologik nutqqa nisbatan batafsilroqdir.

Kommunikativ jarayon aksial (bunda axborot ayrim aniq odamlarga yoʻnaltiriladi) yoki retial (bunda axborot bir qancha ehtimol qilinayotgan retsipiyentlarga yoʻnaltiriladi) xarakterda boʻlishi mumkin.

Kommunikativ jarayonda oʻzaro munosabatga kirishuvchilarni bir-birlarini tushunishlari juda muhimdir. Bunda nutqning quyidagi muhim xususiyatlari paydo boʻladi, yaʼni mazmundorlik, tushunarlilik, ifodalilik, taʼsirchanlik koʻrsatiladi.

Buyuk fransuz yozuvchisi Antuan Sent Ekzyuperi “Muloqot – shunday neʼmatki, u orqali inson lazzatlanadi”, deb yozgan edi.

Soʻzning mohiyati haqida Saʼdiy “Aqllimisan yoki ahmoq kattamisan yoki kichik buni bir soʻz aytmaguncha bila olmaymiz” degan edi.

Xalqimizda shunday ibratli ibora bor “inson aql farosati uning nutqining aniqligida namoyon boʻladi”.

Noverbal kommunikatsiya vositalariga yuz ifodasi, mimika, ohang, pauza, poza (holat), koʻz yosh, kulgu va boshqalar kiradi. Bu vositalar verbal kommunikatsiya – soʻzni toʻldiradi, kuchaytiradi va baʼzan uning oʻrnini bosadi. Bolgarlarda boshni qimirlatish yoʻq degani, ruslarniki teskarisi boʻladi. Turli yosh guruhlarida noverbal kommunikatsiya vositasi turlicha boʻladi. Masalan, bolalar koʻpincha kattalarga taʼsir etish, ularga oʻz hohish va kayfiyatlarini oʻtkazishda yigʻidan vosita sifatida foydalanadilar. Axborotni soʻz bilan bayon etishning mazmuni va maqsadiga noverbal kommunikatsiya vositalarining mos kelishi muomala madaniyatining bir turidir.

Noverbal kommunikatsiyaga belgilarning optik-kinetik tizimi kirib, ularga jestlar (qoʻl harakatlari), mimika (yuz harakatlari) va pantomimika (qoʻl, oyoq, tana harakatlari) kiradi.

Jestlar – insonning qoʻl harakatlari boʻlib, u orqali insonning ichki holati, biror bir obyektga munosabati va tashqi olamga yoʻnalganligi ifodalanadi. U yoki bu xalqlarda jestlar turlicha qabul qilinadi. Italyan va fransuzlar oʻz muloqotlarini jestlarsiz tavsavvur eta olmaydilar. Oʻzbek xalqida nutqda jestlardan foydalanish yaxshi odat sifatida qabul qilinmaydi. Lekin shuni ham taʼkidlash lozimki, noverbal kommunikatsiya ogʻzaki nutqda aytilmay qolgan fikrlarni ifoda etish imkonini beradi.

Mimika – inson yuz harakatlarining bir qismi boʻlib, u orqali insonning oʻylari, xatti-harakatlari, tasavvurlari, xotirlashi, taajjubi va hokazolarda namoyon boʻladi.

Pantomimika – inson tanasi yoki uning qismlari yordamida ifodalanadigan harakatlar tizimidir.

Tadqiqotlar shuni koʻrsatadiki, kundalik muloqot jarayonida soʻzlar 7% ni, tovushlar va intonatsiya 38% ni, nutqsiz muloqot esa 55% ni, tashkil qiladi.

Publitsiy aytganidek, biz “Ovoz bilan gapiramiz tana bilan suhbatlashamiz”. Noverbal kommunikatsiyaning boshqa belgilar tizimini koʻrib chiqaylik.

Paralingivistik va ekstralingvistik belgilar tizimi – bu lokalizatsiya tizimi boʻlib, u ovoz sifatida diapozonini nutqdagi pauzalar, yoʻtal, yigʻi, kulgu, nutq tempida namoyon boʻladi.

Muloqot jarayonida muloqotga kirishuvchilarni bir-birlariga nisbatan joylashishlari ham muhim ahamiyatga ega. Masalan, auditoriyadagi stollar joylashishi muloqot uchun juda noqulaydir. Ayniqsa, seminar mashgʻulotlari jarayonida oʻqituvchi, maʼruzachi muloqoti vaqtida qolganlari munozarada faol ishtirok etish imkoniyatiga ega emasdirlar.

Seminarlarni yoki shu kabi suhbatlarni “T” shaklida joylashgan stol stullarda oʻtkazish ham foydali, lekin dumaloq shaklda joylashtirilgan stol, stullarda muloqot juda samaralidir.

Vizual muloqotda “koʻz kontakti” belgilar tizimi ham qoʻllaniladi. Ushbu tizim pedagoglar, rahbarlar ish faoliyatida muhim ahamiyatga egadir.

Qiziqarli belgilar tizimi sifatida muloqot jarayonida gul, fotorasm va boshqalardan foydalanish mumkin. Ehtimol gullar orqali insonlar maʼlum bir maʼlumotni uzatish imkoniyatiga egalar. Shu bois gullar tarixi haqida ayrim maʼlumotlarni keltiramiz. Gullar tili qadimda Sharqda paydo boʻlgan. Uni ayollar yaratishgan. Oʻz yuzlarini ochish imkoniyatiga ega boʻlmagan ayollar oʻz hislarini va kayfiyatlarini gullar orqali ifodalashga harakat qilganlar. Assotsiatsiya sifatida paydo boʻlgan belgilar qatʼiy odatlarga aylangan. Masalan, azaliya guli sogʻinch, yolgʻizlik, gnatsint gʻunchalarining soni uchrashuv kunini, qoʻngʻiroq gullar soni uchrashuv vaqtini anglatadi.
4. Nutqning vujudga kelishi va uni idrok qilish

Kishilar muloqotga kirishar ekan, savol berish, buyruq, iltimos qilish, biror narsani tushuntirish bilan birga oʻz oldiga boshqalarga taʼsir etish, shu narsani ularga tushuntirish maqsadini qoʻyadi.

Muloqotning maqsadi kishilarning birgalikdagi faoliyatiga ehtiyojini aks ettiradi. Bunda muloqot shaxslararo oʻzaro taʼsiri sifatida namoyon boʻladi, yaʼni kishilarning birgalikdagi faoliyati jarayonida paydo boʻluvchi aloqa va oʻzaro taʼsirlar yigʻindisidir. Birgalikdagi faoliyat va muloqot ijtimoiy nazorat sharoitida roʻy beradi. Jamiyat ijtimoiy normalar sifatida maxsus hulq-atvor namunalari tuzilishini ishlab chiqqan. Ijtimoiy normalar koʻlami nihoyat keng – mehnat intizomi harbiy burch va vatanparvarlik, xushmuomalalik qoidalari ana shular jumlasidandir. Ijtimoiy psixologiya nuqtai nazaridan muloqotga kirishuvchilar bajaradigan rolning “repertuar”iga mos holda namoyon boʻladi. Psixologiyada “rol” deganda ijtimoiy (sotsial) mavqeni egallab turuvchi har bir kishidan atrofdagilardan kutadigan, normativ tomonidan maʼqullangan hulq-atvor namunasi tushuniladi. (Yosh, mansab, jins va oiladagi, oʻqituvchi va oʻquvchi shifokor va bemor, katta kishi yoki bola, boshliq yoki xodim, ona yoki buvi, erkak yoki ayol, mehmon yoki mezbon rolida namoyon boʻlishi mumkin). Oʻz navbatida har bir rol oʻziga mos talablarga javob berishi kerak.

Bir kishi turli muloqot vazifalarida turli rollarni bajarishi mumkin. Masalan, xizmat joyida direktor, kasal boʻlsa shifokor koʻrsatmalariga itoat etuvchi bemor, oilada keksa ota-onasining qobil farzandi, mehmondoʻst oila boshligʻi boʻladi. Turli rollarni bajaruvchi kishilarning oʻzaro munosabati rol kutishlari bilan boshqariladi. Xohlaydimi yoki yoʻqmi atrofdagilar undan maʼlum namunaga mos keluvchi xulq-atvorni kutadilar. Agar rol yaxshi bajarilmasa, ijtimoiy nazorat tomonidan baholanadi, ozmi-koʻpmi cheklanishlar qilinadi. Muloqotning bevosita muvaffaqiyatining sharti oʻzaro taʼsir etuvchi kishilarning har biridan kutilayotgan harakatlarga mos keluvchi xulk-atvor namunasini qoʻllanishidadir. Kishining boshqalar undan nimani kutayotganini, nimani eshitishga va unda nimani koʻrishga tayyor ekanligini toʻgʻri, aniq, xatosiz koʻchira olish qobiliyati takt deb ataladi.

Maʼlumki takt pedagogik faoliyatda muhim komponent hisoblanadi. Ayniqsa, pedagogik jarayon oʻqituvchi va oʻquvchilarning uyushgan faoliyatlari asosida tuzilgan. Shu bois oʻqituvchi pedagogik jarayonni oʻquvchilar jamoasidan tashkil topganligini unutmasligi har bir oʻquvchi shaxsini eʼtibordan chetda qoldirmasligi kerak. Oʻquvchilar bilan psixologik aloqaning qisqa muddatga boʻlsada yoʻqolishi, ogʻir oqibatlarni vujudga keltiradi.

Muloqotning interaktiv tomoni deganda, birgalikdagi faoliyatni tashkil etish va amalga oshirishda muloqot ishtirokchilarining bir-biriga taʼsir oʻtkazishi tushuniladi.

Kommunikatsiya orqali odamlar birgalikdagi faoliyatni tashkil etadilar. Umumiy faoliyatda ishtirok etar ekan, odamlar bir-birlariga taʼsir koʻrsatadi. Shuning uchun oʻzaro taʼsir birgalikdagi faoliyatning tashkil etilishi sifatida tushuniladi.

Birgalikdagi faoliyatning uch xil modeli mavjud.

har bir ishtirokchi boshqalardan mustaqil ravishda ishning oʻziga tegishli qismini bajarishi (masalan shanbalikdagi ish)

umumiy vazifani bosqichma-bosqich har bir ishtirokchi tomonidan bajarilishi (masalan konveyerdagi ish)

har bir ishtirokchi boshqalar bilan birgalikda bir vaqtning oʻzida umumiy faoliyat bilan mashgʻul boʻlishi (masalan, futbol jamoasidagi ish).

Odatda muloqot jarayonidagi oʻzaro taʼsirning ikki xil turi ajratiladi.

a) kooperatsiyaga asoslangan oʻzaro taʼsir – kommunikativ jarayon ishtirokchilarinng umumiy maqsad yoʻlida oʻz kuchlarini birlashtirishdan iborat. Kooperatsiyalarning bir necha turi farqlanadi.

avtomatik (instinktiv- biologik darajada mavjud boʻladi),

avtomatik (tarkib topgan ijtimoiy meʼyorlar bilan anʼana va urf odatlar bilan

taqozolangan boʻladi)

spontan (doʻstlik, muhabbat va shu kabi munosabatlar bilan taqozolangan boʻladi)

direktiv (majburiy hamkorlik hukm suruvchi joylarda mavjud boʻladi)

shartnomaviy (rasmiy kelishuvlar bilan taqazolangan boʻladi).

koorperatsiya- birgalikdagi faoliyatning zaruriy elementi.

b) Raqobatga asoslangan oʻzaro taʼsir – kommunikativ jarayon ishtirokchilarining shaxsiy yoki guruhiy maqsadlarga erishish uchun oʻzaro kurash sharoitida bir-biriga taʼsir koʻrsatishdan iborat. Bunday oʻzaro taʼsirda tomonlarning shaxsiy faolligi odatda yuqori boʻladi. Shunday boʻlsa-da u koopersiya bilan maʼlum darajada bogʻliqdir. Chunki raqobat davomida ham muayyan qoidalar oʻrnatilishi talab etiladi. Aks holda oʻzaro kurash urushga aylanib ketishi mumkin. Raqobatning eng yorqin shakli nizodir. Nizo – muloqot ishtirokchilarining har biri muhim boʻlgan muammoni hal etish vaqtida ular oʻrtasida vujudga kelgan qarama-qarshilik va kurashning keskin kuchayib ketish jarayonidir.

Muloqot jarayonida nizoning odatda ikki xil turi farqlanadi.

a) Destruktiv nizo. Uning kelib chiqish sabablari quyidagilardan iborat;

shaxsiy xususiyatlarni bir-biriga mos kelmasligi tufayli vujudga keladi

munosabatlarning buzilishiga olib keladi

ishtirokchilar soni ortib boradi

qarama-qarshi tomonga nisbatan negativ baholar kuchayib boradi

nizo jarayonidagi obyektning shaxsga koʻchishi oson yuz beradi

b) Produktiv nizoning kelib chiqish sabablari quyidagilardan iborat

nuqtai - nazarlarning bir-biriga mos kelmasligi sababli vujudga keladi;

muammoni kengroq qarshi olishga olib keladi;

optimal yechimning topilishiga yordam beradi;

shaxsga koʻchirilmaydi.
5. Nutqning oʻsishi

Birgalikdagi faoliyatning muvaffaqiyatli roʻy berishi koʻp jihatdan kommunikativ jarayon ishtirokchilari bir-birini qanday idrok etayotganini, har bir ishtirokchida boshqa ishtirokchi haqida qanday tasavvurlar shakllanayotganligiga bogʻliq. Bu esa muloqotning perseptiv tomoninij oʻrganish zaruratini vujudga keltiradi.

Kishilarning bir-birini idrok etish jarayoni muloqotning ajralmas qismi boʻlib, u muloqotning perseptiv tomonini tashkil etadi.

Insonning inson tomonidan idrok etilishi “ijtimoiy persepsiya” deyiladi. Dastlab bu atama Dj.Bruner tomonidan 1947 yil ishlatilgan boʻlib, u perseptiv jarayonlarning ijtimoiy determinatsiyasini anglatgan. Keyinchalik bu atama boshqacharoq maʼnoga ega boʻlib, u ijtimoiy obyektlarni, yaʼni odamlar ijtimoiy guruhlar, katta ijtimoiy tuzilmalarni idrok etish jarayonini anglata boshlagan.

Insonni inson tomonidan idrok etilishida eng kamida ikki kishi jalb qilingan boʻlishi lozim boʻlib, ularning ikkalovi ham faol subyektdir. Demakki oʻzaro idrok jarayonida ikkala tomon bir-birlarining ehtiyojlari, motivlari va yoʻnalishlarini bilishlari va oʻzlarini qarama-qarshi tomon oʻrniga qoʻya olishlari lozim. Muloqot jarayonida bir-birini idrok etayotgan odamlar bir-birini tushunishga harakat qiladilar. Buning uchun quyidagi mexanizm ishga solinadi.

identifikatsiya;

refleksiya;

stereotipizatsiya.

empatiya

Identifikatsiya (lotincha tenglashtirish) –u kishiga tenglashtirish, baravarlash maʼnosini anglatib, insonning oʻzini xayolan suhbatdoshi oʻrniga qoʻyish orqali uning fikrlari va tasavvurlarini tushunishga intilishi.

Refleksiya (lotincha aks ettirish) – insonning suhbatdoshi tomonidan qanday idrok etilayotgani va tushunilayotganini anglashga intilishi. Kishini kishi tomonidan idrok qilinishini ikkilangan oynadagi aks ettirishga oʻxshatish mumkin. Odam boshqa kishini aks ettirar ekan, shu bilan birga oʻzini ham aks ettiradi, agar kishi oʻzi muloqotga kirishadigan kishilar haqida toʻliq, ilmiy asoslangan axborotlarga ega boʻlsa, ular bilan bexato aniqlikda oʻzaro taʼsir oʻrnatishi mumkin. Biroq subyekt hamma vaqt bunday aniq maʼlumotga ega emas. Shuning uchun u boshqalar xatti-harakatining sabablarini oʻylab chiqishga majbur boʻladi. Boshqa kishining harakatlarini tushuntirish uchun faoliyat motivlari, his-tuygʻular, intilish va fikrlashning oʻylab chiqarilishi kauzal atributsiya deb ataladi. Oʻqituvchilar tomonidan bola harakatlarining shunday sababini talqin qilinishi maktabdagi pedagogik muomalani qiyin-lashtiradi.

Stereotipizatsiya – grekcha oʻzgarishsiz, takrorlanish degan maʼnoni bildirib, insonning suhbatdoshini tushunishga intilishi yoʻlida muayyan shablondan foydalanishi. Stereotipizatsiya maʼlum yoki taxminan maʼlum boʻlgan voqealarni tiklash, nisbat berish yoʻli bilan xulk normalarini tasniflash va ularning sabablarini izohlash demakdir. Baʼzan muomala jarayonida notoʻgʻri stereotip vujudga keladi. Masalan, A.A.Bodalev tomonidan oʻtkazilgan tadqiqot natijalariga koʻra, kishining tashqi qiyofasi va uning xarakteri haqidagi stereotip tasavvurlar ommaviylashib ketganligi tasdiqlandi. Soʻralgan 72 kishining 9 tasi agar insonning yuz tuzilishi kvadrat koʻrinishiga ega boʻlganlar kuchli, irodali, 17 kishi peshonasi katta kishi aqlli, 3 kishi sochi tikka kishilar yengilmas, boʻysunmas xarakterga ega. 5 kishi boʻyi oʻrtachadan past kishilar boshqalar ustidan hukmronlik qilishga, buyruq berishga intiluvchi kishilar, 5 kishi chiroyli kishilar yo ahmoq yoki oʻzini yaxshi koʻradigan kishilar boʻladi deb tasdiqlagan. Begona kishini idrok qilishda birinchi axborot, dastlabki tasavvur katta ahamiyatga ega. Kishilar tashqi qiyofasi ham muhim oʻrin tutadi. Amerikalik psixologlar tomonidan oʻtkazilgan tadqiqot bunga yaqqol misol boʻla oladi. 400 ta oʻqituvchilarni baholash uchun tarqatilgan ishlarni ular 200 tasi ijobiy, chiroyli, 200 tasi salbiy xunuk, yoqimsiz deb berganlar. Ekspertlardan tashqi qiyofasini emas, balki xarakterini taʼriflash soʻralgan edi. Afsuski baholarning subyektivligi kishining tashqi qiyofasini baholash bilan bogʻliqdir.

Empatiya – insoning oʻzini xayolan suhbatdoshi oʻrniga qoʻyish orqali uning kechinmalari va hissiyotlarini tushunishga intilishi. Bunda insonning emotsional muammolariga yondashishi tushuniladi. Bu boshqa odam hissiyotlari va kechinmalariga hamdard boʻla olishdir. Bir tomondan obyektni tushunishda uni oʻrniga oʻzini qoʻya olishi muhim boʻlsa, ikkinchi tomondan uning ichki hissiyotlarini tushunish unga hamdard boʻla olish ham muhimdir.

Insonning inson tomonidan idrok etilishida yoʻnaltirishning roli kattadir. Bu ayniqsa inson haqida, nomaʼlum inson haqida ilk fikrlarni olishda muhimdir. Bu borada A.A.Bodalevning oʻtkazgan tadqiqotlari nihoyatda ahamiyatlidir. Ikki guruh talabalariga bir inson rasmi beriladi. Birinchi rasmda berilgan inson jinoyatchi deb, ikkinchi guruhda esa rasmdagi kishi yirik olim deb eʼlon qilinib, ularga portretni yozma ifodalash vazifasi beriladi. Birinchi holatda quyidagi tavsiflar beriladi, yaʼni koʻzlarini ichiga kirib ketgani, ichki alam, qasosdan uzun dahan boshlagan ishi, jumladan jinoyatni yakuniga yetkazish kabilar ekanligi qayd etiladi.

Ikkinchi guruhda ichiga kirgan koʻzlari fikrning chuqurligi haqida gapirib, bunda uzun dahan qiyinchiliklarga bardoshlilik, irodalilik sifatida baholangan.

Keltirilgan mulohazalardan koʻrinadiki, insonni inson tomonidan idrok qilinishida tashqi tomondan berilayotgan koʻrsatma, shaxsning bu boradagi bilim, koʻnikma va malakalari muhim rol oʻynaydi.

Muloqotning qonuniyatlarini, malaka va qobiliyatlarining shakllanishini bilish pedagog uchun gʻoyat muhimdir. Bu toʻlaqonli pedagogik muloqotni yoki muomalani yoʻlga qoʻyishni taʼminlaydi. Pedagogik muloqot pedagog va oʻquvchilarning oʻzaro taʼsir etish usullari yigʻindisidir. Muloqotning mazmuni axborot almashish, oʻqituvchi tomonidan turli kommunikativ vositalar yordamida oʻquvchilar bilan oʻzaro tushunish va oʻzaro munosabatlarni tashkil etishdir. Pedagoglarning tarbiyaviy va didaktik vazifalarni oʻqituvchilar hamda oʻquvchilar jamoasi oʻrtasida munosabat-larni taʼminlamay turib amalga oshirib boʻlmaydi.

Pedagogik faoliyatdagi muloqat

oʻquv vazifalarni bajarish vositasi

tarbiyaviy jaryonini taʼminlashning ijtimoiy-psixologik tizimi

taʼlim-tarbiya jarayoni muvaffaqiyatini taʼminlovchi oʻqituvchi va oʻquvchilarning oʻzaro munosabatini tashkil qilish usuli

oʻquvchining individual xususiyatlarini tarbiyalash jarayoni sifatida namoyon boʻladi.

Pedagogik muloqot – bu muloqotning oʻquv tarbiyaviy jarayonlarni hissiy foni va vosita, mazmunini tashkil etadi.

Muloqot muvaffaqiyatli boʻlishi uchun u albatta qayta aloqaga ega boʻlishi, yaʼni subyekt oʻzaro taʼsir natijalari haqida axborot olishi kerak. Kommunikator oʻzi uzatgan axborotni retsipiyent qanday qabul qilishini va qanday munosabatda boʻlayotganligini qayta axborot maʼlumotlariga asos-lanib bilib oladi. Muomalada suhbatdoshni yoki tinglovchini idrok etish bir-birini tushunishning asosiy shartidir. Agar oʻqituvchi oʻquvchilarini qanday idrok etayotganligini, tushunayotganligini anglay olmasa, pedagogik munosabat yaxshi boʻlmaydi. Ayniqsa, maʼruza oʻtayotganda bu juda muhimdir.