Mavzu: O’qish darslarini “odobnoma” darslari bilan bog’lab o’tishning yoshlarni komil inson qilib tarbiyalashdagi o’rni

2. 2. 1-sinf o’qish va odobnoma darslarini integratsiyalash usullari
Biz quyida DTS hamda o`quv dasturiga muvofiq holda o`qish va odobnoma fanlarini o`zaro integratsiyalab yangi fan hosil qilishga harakat qilib ko`rdik. E’tiboringizga havola etgan «O`qish va tarbiya sabog`i» fanini texnologik kartasi 1-4 sinf o`qish, odobnoma darslarining uyg`unlashishi natijasidagi yangi reja hisoblanib, u asosida yangi loyiha ishlab chiqiladi. Integratsion darsni loyihalashtirishda, ya’ni dasturlashda ikkala fanning talablari asosida nimalarga e’tibor berish kerakligi, maqsadlari tayanch so`zlar bilan ifodalanadi. SHu bilan birga muvofiqlashtirilgan darsda o`quvchilarga nimani yetkazish va qanday yetkazish kerakligi ham hisobga olinadi. quyida biz 1-4 sinflar uchun «O`qish va tarbiya sabog`i» fani dasturidan namuna keltiramiz
1-sinf «O`qish va tarbiya sabog`i» fani dasturi
I chorak
Saloming bo`lsin.
V.v. harflari. Rasm orqali suhbat . salomlashish odobi, «Balli bolam»; Odob salomdan boshlanadi. Kattalarga salom berish. qo`lni ko`ksiga qo`yib salom berish. Nuroniylarga salom berish.
Salomlashish odob ko`rki
Chiroyli salom berish. Assalomu alaykum deyish. qaerda qanday salomlashiladi. qo`l berib salomlashish. Uzoqdan so`rashganda qo`lni ko`ksiga qo`yib salomlashish. Kattalarga qo`l uzatmaslik.
Hurmat qil.
Salomdan so`ng ko`rishish. Ayollar 2 qo`l bilan quchoqlashib so`rashish. Yigitlar qo`lni siqib ko`rishish, ko`rishish – hurmat belgisi
Odobli bo`l
Odobli bo`lish kattalarni hurmat qilish. Salomlashish. qachon salomlashilmaydi? Namoz o`qiyotgan odam bilan, ovqatlanayotganda, kitob o`qiyotganda, xojatxonadan chiqganda. Odob inson ko`rki.
Oila – muqaddas dargoh
Oila. Ota-ona, bobo, buvilar, opa-singil, aka-ukalar. Oila hamjihatligi. Bizning oila rasm asosida suhbat. Ota-onani hurmat qilish. Ota rozi – Vatan rozi.
Ota-ona oy, quyosh.
Ota-ona ulug` zot. Ularni hurmat qilish, ularni ranjitmaslik, ota-ona nasihatiga quloq solmoq. Oila yumushlarida ularga yordam berish. Ular ishga ketayotganda shirin so`z bilan kuzatib qo`yish «Ona sabog`i»