Mavzu: O‘quv jarayonini tashkil qilish va bu

MUHOKAMA-MUNOZARA.

Bu interaktiv o‘qitishning eng keng tarqalgan usuli hisoblanadi va talabalarning ushbu mavzu bo‘yicha turli xil bilim darajasi va tajribalari asosida o‘rganiladigan masalaga qanday yondoshishi ko‘zda tutiladi. Bunda o‘qituvchi muhokama uchun muammoli savolni yoki hayotdagi aniq bir vaziyatni
belgilab, o‘rtaga tashlaydi. Talabalarni esa mavzudan chetga chiqishlariga yoki ayrim faol talabalarni etakchi bo‘lib, faqat ular fikr bildirishlariga yo‘l qo‘ymaydi, mumkin qadar barcha talabalarning faol ishtirok etishlariga ahamiyat beradi, talabalarni bir-birini fikrlariga hurmatsizlik
bilan qarashlariga yo‘l qo‘ymaydi. Muhokama oxirida o‘qituvchi fikrlarni umumlashtirib, o‘z fikrini nazariy va amaliy isbotlab bayon etadi.

AQLIY HUJUM.

Aqliy hujum uslubini birinchi bo‘lib bundan bir necha o‘n yillar oldin F.Osborn Aleks reklamasi orqali Batter, Barton, Dastin va Osborn firmalarida qo‘llagan. Keyinchalik ushbu uslubdan yirik xalqaro korporatsiyalar ham foydalana boshlashgan. Respublikamizdagi ta’lim muassasalarida ushbu uslubdan 2000 yillardan boshlab foydalanila boshlandi.
Aqliy hujum uslubining asosiy qoidalari:
ilgari surilgan fikr iva g‘oyalarni tanqid ostiga olinmaydi va baholanmaydi;
taklif qilinayotgan fikr va g‘oyalar qanchalik fantastik va antiqa bo‘lsa ham, uni baholashdan o‘zingizni tiying;
tanqid qilmang! Hamma bildirilgan fikrlar bir xilda bebahodir; fikr bildirilayotganda gapni bo‘lmang;
maqsad-fikr va g‘oyalar sonini ko‘paytirish;
qancha ko‘p g‘oya va fikr bildirilsa, shunchalik yaxshi. YAngi, bebaho fikr va g‘oyaning tug‘ilish ehtimoli paydo bo‘ladi;
agar fikrlar qaytarilsa, rad etmang;
fikrlar hujumini o‘tkazish vaqtiga qat’iy rioya qiling; berilgan savollarga qisqacha javob bering.

“KLASTER” (TUTAM, BOG‘LAM) METODI.

Bu uslub oldindan mavjud bilimlar, mavzu bo‘yicha tushunchalar zahirasiga asoslanadi. O‘qituvchi asosiy (tayanch) so‘zni doskaga yozadi, talabalar asosiy so‘zni to‘ldiruvchi yoki ushbu so‘z echimiga bog‘liq so‘zlarni aytishadi. O‘qituvchi talabalar tomonidan aytilgan so‘zlarni “Klaster” atrofiga to‘plab, mantiqiy zanjir hosil qiladi.