Mavzu: Shifrlash dasturi

ProGuard o’zi nima?
ProGuard — bu Android dagi bepul java vositasi hisoblanib, u bizga quyidagilarni bajarishga yordam beradi:

• 
  Qisqartirish : Loyihada ishlatilmagan kodni olib tashlaydi.
  
• 
  O’zgartirish: class, field va boshqa shu kabi nomlarini o’zgartiradi.
  
• 
  Optimallashtirish: funksiyalarni inline qilish kabi vazifalarni bajaradi.
  

Soddaroq qilib aytganda, ProGuard bizning loyihamizga quyidagi ta’sirlarni o’tkazadi:

• 
  Dastur hajmini kichraytiradi.
  
• 
  U Android ilovadagi ishlatilmagan class va metodlarni olib tashlaydi.
  
• 
  Loyihangizdagi klass, metod, field nomlarini o’qib bo’lmaydigan ko’rinishga keltirib, boshqalar uchun sizning source singizni qayta ishlab chiqishni bir muncha og’irlashtiradi.
  

U qanchalik bizning dasturimiz uchun foydali?
Android da, ProGuard release ga tayyor dasturni yaratish uchun juda foydali bo’lib, u bizga kodlar hajmini kamaytirishga va ilovalarni tezroq ishlashiga yordam beradi. Proguard Android Studio ning o’zida default holatda o’rnatilgan bo’ladi va u ko’p jihatdan bizga yordam berishi mumkin, ulardan ba’zilarini quyida keltiramiz:

• 
  ProGuard nomlarni o’zgartiradi. Bunga misol MainViewModel nomini qandaydur kichikroq nomga, misol uchun A ga o’zgartirishi mumkin. Bu bilan sizning dasturingizni qayta ishlab chiqish bir muncha og’irroq bo’ladi. Chunki odatda class, field va metod nomlari o’z vazifalariga qarab qo’yiladi, lekin bu holatda toki to’liq kodni o’qib o’rganib chiqmaguningizgacha shunchaki nom orqali yuqoridagilar nima vazifa bajarishini bilish mushkul.
  
• 
  Resurslarni qisqartiradi. Drawable ichidagi rasmlar kabi Class file lar orqali chaqirilmagan resurslani tozalaydi. Bu ilovangiz hajmini anchaga kamaytiradi. Dasturni yengil bo’lishi va tez ishlashini ta’minlash uchun ham kodlar hajmini qisqartirish kerak bo’ladi.