Mavzu: Tarmoq texnologiyalari va Internet xizmatlari

Mavzu:Tarmoq texnologiyalari va Internet xizmatlari.
Reja:
1.Tarmoq tushunchasi va uning ahamiyati.
2. Global tarmoq tushunchasi. Internetning asosiy xizmat turlari.
3. Brouzer tushunchasi va ularning vazifasi.
1.Tarmoq tushunchasi va uning ahamiyati.
Hozirda kompyuterlarni qo‘llashda ko‘pgina foydalanuvchilar uchun yagona axborot makonini ta’riflovchi tarmoqlarni tashkil etish muhim ahamiyatga ega. Buni butun dunyo kompyuter tarmog‘i hisoblanmish Internet misolida yaqqol ko‘rish mumkin.
Tarmoq - kompyuterlar, terminallar va boshqa qurilmalarning ma’lumot almashishini ta’minlaydigan aloqa kanallari bilan o‘zaro bog‘langan majmuidir.
Uzatish kanallari orqali o‘zaro bog‘langan shaxsiy kompyuterlar majmuiga kompyuterlar tarmog‘i deyiladi. Bu tarmoq undan foydalanuvchilarni axborot almashuv vositasi va apparat, dastur hamda axborot tarmog‘i resurslaridan jamoa bo‘lib foydalanishni ta’minlaydi .
Kompyuterlarni bir-biri bilan bog‘lashda ikki xil usuldan foydalaniladi:

• Kabel yordamida bog‘lash. Bunda kompyuterlar bir-biri bilan koaksial, o‘ralgan juftlik kabeli (UTP) yoki optik tolali kabellar orqali maxsus tarmoq plata yordamida bog‘lanadi.
• Simsiz bog‘lanish. Bunda kompyuterlar bir-biri bilan simsiz aloqa vositalari yordamida, ya’ni radio to‘lqinlar, infraqizil nurlar, WiFi va Bluetooth texnologiyalari yordamida bog‘lanadi.

Optik tolali sim
Koaksial sim
O’raglan juft sim
Lokal, mintaqaviy va global kompyuter tarmoqlar.
Kompyuter tarmoqlarini ularning geografik joylashishi, masshtabi hamda hajmiga qarab bir nechta turlarga ajratish mumkin, masalan:
Lokal tarmoq (LAN-Local Area Network) - bir korxona yoki muassasadagi bir nechta yaqin binolardagi kompyuterlarni o‘zaro bog‘lagan tarmoq(rasm).
Lokal kompyuter tarmog‘i
lokal kompyuter tarmoqlarida tarmoq topologiyasi tushunchasi.
Tarmoq topologiyalari juda ko‘p, lekin amaliyotda asosan to‘rtta turi ko‘proq qo‘llaniladi. Bular aylana, shina, Yulduzsimon va gibrid topologiyalaridir.