Мавзу: тақсимланмаган фойданинг шаклланиши ва ишлатилиши ҳисоби

№	Муомала мазмуни	Сумма	Счетлар алоқаси
			Дебет	Кредит
1	Тақсимланмаган фойданинг 15%и резерв капиталига ўтказилди (100 000 000 сум х 15%)	15 000 000	8710	8530
2	Тақсимланмаган фойданинг 60%и миқдорида дивиденд ҳисобланди (100 000 000 сум х 60%)	60 000 000	8710	6610
3	Дивидендлардан солиқ ушланди (60 000 000 сум х 5%))	3 000 000	6610	6410
4	Тақсимланмаган фойда жамғарилган фойдага ўтказилди	25 000 000	8710	8720

МЧЖ устав капитали миқдорининг кўпайиши тақсимланмаган фойда ҳисобидан ҳам бўлиши мумкин. Бу ҳолатда қуйидагича ёзув қилинади: Д-т 8710-«Ҳисобот давридаги тақсимланмаган фойда (қопланмаган зарар)» К-т 8330-«Пайлар ва улушлар». МЧЖда муассис жамият таркибидан чиқишга ҳамда ўз улушини олишга қарор қилганда қуйидаги проводкалар берилади: Д-т 8330-«Пайлар ва улушлар» К-т 6620-«Чиқиб кетаётган муассислардан улушлари бўйича қарзлар». Агар муассис чиқиб кетаётган пайтда МЧЖ маълум жамғарилган фойдага эга бўлса, у ҳолда таъсис ҳужжатларига белгиланган нисбатга мувофиқ муассисларнинг унга ҳам ҳаққи бор.

Д-т 8720-«Жамғарилган фойда» К-т 6620-«Чиқиб кетаётган муассислардан улушлари бўйича қарзлар». Муассис чиқиб кетаётганида олган жамғарилган фойда суммасидан олган жисмоний шахслардан ундириладиган даромад солиғини тўлаши лозим. Дивидендлардан 5%лик ставка билан ундириладиган солиқ тўлов манбаида бўлади: Д-т 6610-«Тўлов учун дивидендлар» К-т 6410-«Бюджетга тўловлар бўйича қарзлар». Муассис устав сармоясидан ўз улушини олиб чиқиб кетаётганида ҳеч қандай чегирма ва ажратмаларсиз ҳам олиб чиқиб кетиши мумкин. Муассис чиқиб кетаётганида унинг қарзининг сўндирилишига қуйидагича проводка берилади: Д-т 6620-«Чиқиб кетаётган муассислардан улушлари бўйича қарзлар» К-т 5010, 5110-«Пул маблағлари».