Mavzu: turizmda xizmatlarning asosiy tushunchalari

Mavzu: TURIZMDA XIZMATLARNING ASOSIY TUSHUNCHALAR

Bajardi: NurmatovaMunira Guruh: TL-81
Qabul qildi: Uralova M

MAVZU: TURIZMDA XIZMATLARNING ASOSIY TUSHUNCHALARI

Annotatsiya: Ushbu maqolada turizm xizmatlari bozorining rivojlanish xususiyatlari, shart-sharoitlari va tamoyillarini o‘rganish, turizm sohasida davlat siyosatini amalga oshirishning ustuvor yo‘nalishlari, turizm xizmatlari bozorining rivojlanishida hududiy sayyohlik tizimlarining o‘rnini asoslash va qulay raqobatchilik muhitni shakllantirish yo‘nalishlari, turistik xizmatlar bozorini rivojlantirishning ustuvor yo‘nalishlari bo‘yicha omillari tadqiq qilingan.
Kalit so’zlar: turizm, davlat siyosati, turizm industriyasi, raqobat, turistik mahsulot, turistik xizmatlar.
Directions of state policy in the management of the market of tourism services
Abstract: This article examines the features, conditions and principles of development of the tourism services market, the priorities of state policy in the field of tourism, the rationale for the role of regional tourism systems in the development of the tourism services market and the formation of a favorable competitive environment. Factors on the priorities of the market of tourist services have been studied.
Keywords: tourism, public policy, tourism industry, competition, tourism products, tourism services.

Kirish
Bugungi kunda mamlakatimizda amalga oshirilayotgan ijtimoiy- iqtisodiy islohotlarda ham turizmni iqtisodiyotning strategik tarmog‘iga aylantirish, turizm xizmatlari bozori faoliyatini kengaytirish, hududiy sayyohlik tizimlarini rivojlantirish masalalariga alohida e’tibor berilmoqda. 2017-2021 yillarda O‘zbekiston Respublikasini rivojlantirishning beshta ustuvor yunalishi bo‘yicha Harakatlar strategiyasida turizm industriyasini jadal rivojlantirish, iqtisodiyotda uning roli va ulushini oshirish, turistik xizmatlarni diversifikatsiya qilish va sifatini yaxshilash, turizm infratuzilmasini kengaytirish kabi vazifalar belgilangan.

Hozirgi zamonaviy sharoitlarda turizm xizmatlari bozori faoliyatini kengaytirish, hududiy sayyohlik tizimlari, jumladan turistik klasterlar, turizmga ixtisoslashgan erkin hududlar faoliyatini yo‘lga qo‘yish va rivojlantirish ob’ektiv ahamiyat kasb etgan masalalar qatoriga kirdi. Zero, O‘zbekiston Respublikasi Prezidenti Sh.Mirziyoev ta’kidlaganlaridek: “Turizmni iqtisodiyotning strategik tarmog‘iga aylantirish biz uchun ustuvor vazifa bo‘lib qoladi”[2]. Turizm xizmatlari bozori faoliyatini kengaytirishda hududiy sayyohlik tizimlari, jumladan turistik klasterlar va erkin turistik hududlar faoliyatini samarali tashkil etish uchun xorijiy mamlakatlar tajribasini o‘rganish va atroflicha tahlil etish zarur.