Maxsus fanlar” kafedrasi

3D o‘lchamdagi grafika va 3DS MAX dasturi ishlarni tashkil etishning maqsadi ta’lim jarayonining samaradorligini oshirish, ta’limda ko‘zlangan natijalarga erishishdan iborat bo‘ladi. Bularning barchasini inobatga olgan tarzda ushbu malaka ishning mavzusi aynan “3D o‘lchamdagi grafika va 3DS MAX dasturi” deb nomlandi. Bitiruv malakaviy ishni tayyorlashda ARM materiallari, adabiyotlar, normativ-huquqiy hujjatlar, ilmiy va ommaviy adabiyotlardan foydalanilgan.
MUNDARIJA
KIRISH………………………………………………………………….. I.KOMPYUTER GRAFIKASINING NAZARIY JIHATLARI………….
1.1. Kompyuter grafikasi haqida ma’lumot……………………………..
1.2. Kompyuter grafikasi bilan ishlovchi dastur sinflari……………………………
1.3. Kompyuter grafikasida 3d dasturiy vositalar ………………………
II. Dastur haqida umumiy ma’lumotlar…………………………………………
2.1. Vizual dasturlarda montaj jarayonlari……………………………………
2.2. 3D MAX dasturida ob`ektlarni yaratish.
XULOSA……………………………………………………………………..

KIRISH
Bugungi kun talablari va zamonaviy sanoat ehtiyojlaridan kelib chiqgan holda, “3D modellashtirish va raqamli animatsiya” fani ko’pgina sohalar bilan uzviy bog’langan bo’lib, ushbu sohalardagi jarayonlarning kechishini bevosita uch o‘lchovli modellarni qurish va ularni animatsiya ko‘rinishida kuzatuvchilarga taqdim etishlar sababli unga bo‘lgan talab tobora o‘shib borayotganligini kuzatish mumkin.
Ma’lumki, axborot almashinuvida insonning ko‘rish sezgi organi yordamida qabul qilingan axborot eng samarali qabul qilinadi va u xotirada ham chuqur iz qoldiradi. Jumladan, tovush vositasida berilgan axborot ham ijobiy ta’sir etadi. Ammo axborot almashinuvi nafaqat so‘zlar va tovushlar, balki tasvirlar, ranglar, shakllar va dinamik harakatlar bilan ham amalga oshiriladi. Buning yorqin dalili ommaviy axborot vositasi bo‘lgan televideniya orqali uzatilayotgan turli xildagi kinolar, multfilmlar, kliplar va boshqa ijtimoiy-madaniy ko‘rsatuvlar uchun uch o‘lchovli kompyuter dasturlari muhitida yaratilgan sahna va personajlar, ularning harakatlarini keltirishimiz mumkin. Shuningdek, ko‘pgina ilmiy tadqiqot obyektlari ustida ish olib borish va olinadigan natijalar ham kompyuterli modellashtirishlarga asoslanadi.
Albatta, ushbu ishlar zamirida yurtimiz iqtisodiyotini ichki va tashqi bozorda yanada mustahkamlash va xalq farovonligi ta’minlash uchun o‘zining intellektual qobiliyatlarini namoyon etadigan yuksak malakali mutaxassis kadrlar tayyorlash kabi vazifalarga bog‘liq ravishda oliy ta’lim muassasasining ilmiy salohiyati
va moddiy-texnik ta’minlanganligi muhim ahamiyat kasb etadi.