Mektepke shekemgi bilimlendiriw shólkemi mektepke shekemgi jastaǵı balalar ushın social tárbiya orayi

Mektepke shekemgi bilimlendiriw shólkemi - mektepke shekemgi jastaǵı balalar ushın social tárbiya orayi

Joba:
1. Pedagogikalıq processdi jobalartırıw wazıypaları.

2. Tálim -tárbiya jumısların jobalastırıw mazmunı.

Mektepke shekemgigi bilimlendiriw shólkeminde tálim-tárbiyalıq jumıstı jobalastırıw pedagoglar, tárbiyashı-metodist, basqarıwshı iskerliginiń zárúrli túrlerinen biri.

Jobalastırıw - tálim-tárbiyalıq jumıstıń zárúr sharayat, paydalanatuǵın qural, jumıstıń usıl hám metodların kórsetip, tálim-tárbiyalıq jumıs baǵdarlamasın ámelge asırıw tártibi, izbe-izligin aldınan anıqlaw.
Mektepke shekemgi pedagogika mektepke shekemgi bilimlendiriw shólkemi jumısın jobalastırıw múmkinligin hám zárúr ekenligin aytıp, bunda ol insan shaxsınıń qáliplesiwinde social faktorlar, ortalıq hám tárbiyanıń zárúrli áhmiyetke iyeliligi haqqında tiykarǵı qaǵıydalarǵa tayanadi. Rawajlanıwdıń tiykarǵı deregi bolǵan tárbiya processinde bilim, intellektual hám ámeliy ilimiy tájriybeler hám de háreket usılların bala tárepinen iyeleniwi ámelge asıriladı. Tárbiyanıń mazmunın onıń maqseti belgileydi.
Jobalastırıwdıń maqseti - «Mektepge shekemgi bilimlendiriw shólkemi Tálim -tárbiya baǵdarlaması»nıń atqarılıwın támiyinlew.
Pedagogikalıq procesdi birden-bir bir pútkil retinde shólkemlestiriw wazıypası jobalastırıwda jetekshi esaplanadı,
Jobalastırıw pedagogikalıq procesti pútin shólkemlestiriwge: balalar jámááti hám ayırım balalardı tárbiyalaw wazıypasın anıqlawǵa, balalardı jasqa kóre pedagogikalıq tásir mazmunın hám usılların tańlawǵa balalar turmısı iskerlik túrleri basshılıq metodları hám sol sıyaqlılardı shólkemlestiriwdiń túrli formalarınan paydalanıwǵa baǵdarlanǵan bolıwı kerek.
Mektepke shekemgi bilimlendiriw shólkemlerindegi tálim-tárbiya jumısların jobalastırıw quramalı bolıp, tárbiyashıdan balalardıń psixikaliq fiziologiyalıq rawajlanıw dárejesi tuwrısındaǵı bilimlerdi, tálim-tárbiya baǵdarlamasın, tálim usılların biliwdi talap etedi.