Mektepke shekemgi bilimlendiriw shólkemi mektepke shekemgi jastaǵı balalar ushın social tárbiya orayi

Tálim-tárbiya jumısların jobalastırıw mazmunı
Tálim-tárbiyalıq jumıstıń mazmunı, metodı hám usılları hám de onı shólkemlestiriw túrleri, balalar tárbiyalaw mazmunı, olarda materiallıq -gigiyenaliq ilimiy tájriybelerdi qáliplestiriw, balalar miyneti hám oyınlarına basshılıq usılları, balanıń bos waqıtı, kewilashar minutlardı shólkemlestiriw, sonıń menen birge, ata-analar menen islew túrleri rejelestiriliwi kerek.
Oqıtıwdıń hár bir bólimine tiyisli shınıǵıwlardı jobalastırıwda bilimlerdi iyelewdiń tiykarǵı basqıshları esapqa alınadı. Rejede bilimler mazmunınıń tákirarlanıwı, olardı quramalılastırıw názerde tutıladı. Qálegen bólimge tiyisli shınıǵıwlardı jobalastırıwda usı bólim menen baylanısqan tiykarǵı tálim-tárbiyalıq máselelerden tısqarı baǵdalamanıń basqa bólimlerinen ayırım máselelerdi kirgiziw kerek. Shınıǵıwlardı bunday pútinlew olardı rawajlantıratuǵın nátiyjesin asıradi.
Tálim-tárbiyalıq jumıslar shınıǵıwlardan sırtda: kúndelik turmıs, oyın, miynette de dawam ettiriladi. Rejede balanıń turpayın: bir-birlerine qayırqomlıq munasábetin, bir-biriniń oyınına qızıǵıwshılıqları menen esaplasıwdı, júzege kelgen kelispewshiliklerdı haqıyqatshıllıq penen sheshiw sıyaqlılardı tárbiyalaw wazıypaları názerde tutıladı.
Rejede oyında balalardı óz-ara munasábetleri hám minez-qulıqların tárbiyalaw wazıypasın kiritip, tárbiyashı balalar oyınlarınıń mazmunın, olardıń oynaw kónlikpelerin esapqa aladı. Kún dawamında tárbiyashı hár túrli háreketli hám didaktikaliq oyınlardı shólkemlestiredi, olarǵa basshılıq etedi.
Balalardıń miynet xızmetlerin shólkemlestiriw formalarına tiyisli jobalastırıw zárúrli. Miynetti shólkemlestiriw forması sipatinda barlıq toparlarda tapsırmalardan paydalaniladi. Óz mazmunına kóre tapsırmalar túrlishe bolıwı múmkin. Tárbiyashıniń jumıs rejesinde jańa tapsırma mazmunın atap kórsetiw, keyininen onı orınlawǵa qosilatuǵın balalar atların kórsetiw maqsetke muwapıq. Tárbiyashı balalar gezekshiligine basshılıqtı jobalastirar eken, tárbiyashı miynet kólemi hám mazmunın, balalarǵa gezekshilik wazıypaların tanıstırıwda paydalanatuǵın úskene, metod hám usıllardı kórsetedi.
Rejede balalardıń jámáát formasındaǵı miynetlerin shólkemlestiriw mazmunı hám quramı, ótkeriw waqıtı kórsetiledi. Zárúr úskeneler belgilenedi hám jaylastırıladı,
Ǵárezsizlik bayramları, ǵárezsiz jurtımızdaǵı zárúrli sáneler hám hádiyseler menen baylanıslı bayramlar, mektepke shekemgi bilimlendiriw shólkeminde balalarǵa Watanǵa muhabbat, baynalminal sezimlerdi tárbiyalaw, olardı xalqımızdıń bay milliy hám ulıwmadunyalıq qádiriyatları tiykarında tárbiyalaw maqsetinde bayram kesheleri ótkeriladi. Bayramlardı tárbiyanıń zárúrli quralı retinde puqta jobalastırıw kerek. Rejede shólkemniń pútkil jámááti, balalardıń tayarlarligi sáwleleniledi. Pedagogikalıq keńesde bayram senariysi islep shıǵıladı hám tastiyqlanadi.
Mektepke shekemgi bilimlendiriw shólkemi ata-analar ortasında pedagogikalıq úgit-násiyatlawdı ámelge asıradi. Olardı shańaraq hám mektepke shekemgi bilimlendiriw shólkeminiń balalarǵa tásir kórsetiwde sheriklikti jolǵa qoyıw maqsetlerinde tálim-tárbiyalıq jumıs mazmunı menen tanıstıradı. Balalardı shańaraqta tárbiyalawdıń aldıńǵı usılların úyrenedi, ulıwmalastıradı hám tarqatadı. Bul jumıs izbe-iz tárzde ámelge asıriladı hám mektepke shekemgi bilimlendiriw shólkemi basqarıwshısi tárepinen jıllıq rejede, tárbiyashı tárepinende jobalastiriladi. Jumıstı shólkemlestiriw usılları tómendegilerdi: ata-analar jıynalısı, bala shańaraǵına barıwdı, ashıq esikler kúnin, shınıǵıwlar ótkeriwdi, balalar jumısları boyınsha kórgezbeler shólkemlestiriwdi názerde tutadı.
Tálim -tárbiya jumısların jobalastırıw formaları tómendegiler: