Menejment tushunchasi

Insoniy munosabatlar kontseptsiyasi bo’yicha korxonadagi mehnat unumdorligining oshishida asosiy omil inson, ya’ni ijtimoiy faoliyat hisoblanadi. Boshqacha qilib aytadigan bo’lsak, tashkilot ichida inson munosabatini qo’llab quvvatlovchi tizim shakllantiriladi. Bunda boshqaruv uslubiga va uning mehnat unumdorligi ko’rsatgichlari hamda xodimlarning o’z mehnatidan manfaatdorligiga alohida e’tibor qaratiladi.
Tizimli yoki zamonaviy menejment yo’nalishi boshqa yo’nalishlarga nisbatan ancha keyin paydo bo’lgan bo’lib, zamonaviy menejmentdagi to’rtta yondashuvni alohida ajratib ko’rsatadilar: tizmli, vaziyatli, funktsional va miqdoriy.
Shunday qilib, menejment nazariyasi va amaliyoti turli davrlarda o’ziga xos ko’rinishlarda shakllangan bo’lib, hozirgi zamon boshqaruv fanidir. Masalan, 50-60 yillarda boshqaruvning tashkiliy-tarkibi diqqat markazida turgan bo’lsa, 60-70 yillarda strategik rejalashtirish vujudga keldi. 80-yillardan boshlab esa, ilg’or g’arb firmalarida strategik rejalashtrishdan strategik boshqaruvga o’tildi. Ayniqsa, menejmentning marketing nazariyasi bilan uyg’unlashuvi bozor boshqaruvi kontseptsiyasining vujudga kelishiga asos bo’ladi. Hozirgi davrda boshqaruv nazariyasi va amaliyotida sodir bo’layotgan o’zgarishlar “Tinch boshqarish inqilobi” deb atalmoqda.

7- savol . Menejment fani qaysi fanlar bilan uzviy bog‘langan va kursning vazifalari nimalardan iborat?

Menejment-fani boshqarish to’g’risidagi bilimlar majmuasidir. U ijtimoiy iqtisodiy, sotsial, huquqiy, kibernetika va boshqa fanlar bilan aloqadordir.
Menejment, dastavval iqtisodiy nazariya fani bilan yaqindan bog’liqdir. U iqtisodiy qonunlarni bilib olishga va ularga mos ravishda boshqarish jarayonida iqtisodiy metodlarni qo’llashga, har bir xodimga va jamoaga ta’sir ko’rsatishga asoslanadi. Bir qator iqtisodiy fanlar: makroiqtisodiyot, mikroiqtisodiyot, statistika, istiqbolni belgilash, mehnat iqtisodiyoti kabilar ham menejment fani bilan chambarchas bog’liqdir.
Sotsiologiya, psixologiya va mehnat fiziologiyasi boshqaruv muammolarini ishlab chiqishda juda katta rol o’ynaydi.