Металлмаслар Режа

Aim.Uz

Металлмаслар


Режа:
1. Металлмасларнинг даврий системадаги ўрни.
2. Металлмасларнинг умумий физик-кимёвий хоссалари.

Металлмасларнинг атомлари электрон бириктириб олади ва манфий зарядли ионга айланади.

Металлмасларнинг оксидлаш активлигини характерлаш учун электронга мойиллик тушунчасидан фойдаланилади.
Нейтрал атомнинг электрон қабул қилиб, манфий зарядланган ионга айланиш процесси иссиқлик чиқариш билан кузатилади. Элемент атоми бир электрон бириктириб олганда ажралиб чиқадиган иссиқлик миқдори айни элементнинг электронга мойиллиги деб аталади. Бу миқдор к-жоуль/г-атом; ккал/г-атом билан ифодаланиб, Е-харфи билан белгиланади.
Элемент радиуси қанча кичик бўлса, унинг электронга мойиллиги катта бўлади. Даврий системанинг хар қайси группасида пастдан юқорига кўтарилган сари электронга мойиллик ортиб боради, яъни элементнинг оксидлаш активлиги ўсиб боради. Даврларда элементнинг электронга мойиллиги чапдан ўнгга ўтган сари ортиб боради, бу эса уларнинг оксидлаш активлиги хам ўсиб боришини кўрсатади. Элементларнинг электронга мойиллик қийматлари қуйидаги жадвалда келтирилган. Элементатоми бир электронни бириктириб олиши кўзда тутилган.

Элемент	Электронга мойиллик к-жоуль/г-атом
F	350
Cl	349
Br	348
J	312
O	225
S	100
H	72

Бинобарин, элементларнинг металлмаслик хоссаларини яққол намоён қилувчи ўлчовлардан бири уларнинг электронга мойиллигидир. Фтор атоми хамма металлэмасларга қараганда активроқ электрон қабул қилиб олади. Бинобарин, хамма металлмаслар оксидловчилардир. Улар типик металлар билан ўзаро бирикиб, ион боҚланишли моддалар хосил қиладилар. Масалан, NaCl, MgO, K₂S ва бошқалар.

Металлмаслар маълум шароитда ўзаро бирикиб, ковалент боҚланишга эга бўлган бирикмаларни хосил қилади: масалан, HCl, H₂O, NH₃, CH₄, C₆H₆.
Металлмаслар водород билан бирикиб, учувчан бирикмалар хосил қилади, уларнинг формуласи шу элементнинг группа номерига боҚлиқдир.
Металлмаслар кислород билан кислотали оксидлар, яъни кислота ангидридларини хосил қилади.
Углерод ва кремний металлмас жумласига киради. Углерод олмос графит ва кўмир аллотропик шакл ўзгаришида учрайди. Углерод ва кремнийнинг водород бирикмалари углеводородлар ва силанлар деб аталади, улар икки хил оксид хосил қилади CO, CO₂, SiO, SiO₂.
MgCO₃ ---> MgO + CO₂
CaCO₃ ---> CaO + CO₂
SiO₂ - қумтупроқ жуда барқарор ўтга чидамли бирикмадир. Силикат кислота тузлари сувда яхши эрийди, шунинг учун улар эрувчан шиша дейилади. Na₂O * CaO * 6SiO₂ таркибли оддий дераза ойнасининг формуласидир.
Оддий шароитда кремний кислоталар билан реакцига киришмайди, лекин суюлтирилган ишқорлар билан реакцияга киришиб, кремний кислота тузларини хосил қилади.
Si + 2NaOH + H₂O = Na₂SiO₃ + 2H₂
Азот ва фосфор хам типик металлэмаслар уларнинг бирикмалари 1 дан 5 гача ва -1 дан -3 гача оксидланиш даражасини намоён қилади. Улар водород билан NH₃ - аммиак, NH₂OH - гидроксиламин, PH₃ - фосфин бирикмаларини хосил қиладилар.
Аммиак саноатда катта ахамиятга эга, у рангсиз ўзига хос ўткир хидли, сувда яхши эрийдиган газ.
Аммиак кислородда ёниб, азот ва сув хосил қилади:
NH₃ + 3O₂ =2N₂ + 6H₂O
Сувда эриб - аммоний гидроксидни хосил қилади:
NH₃ + H₂O = NH₄OH
Кислоталар билан реакцияга киришиб тузларни хосил қилади:
NH₃ + HCL = NH₄CL
Азот кислород билан бир неча оксид хосил қилади:
N₂O, NO, N₂O₃, NO₂, N₂O₅
NO₂ ни лабораторияда қуйдаги усулда олинади:
Cu +4HNO₃ = Cu(NO₃)₂ + 2NO₂ + 2H₂O
Фосфор кислород билан бирикиб икки хил оксид хосил қилади.
P₂O₃, P₂O₅
Фтор, хлор, бром, йод, астатлар хам металлмаслар бўлиб, улар галогенлар яъни “туз хосил қилувчилар” - деб аталади. Улар атомларининг ташқи электрон қаватларида еттидан (s²p⁵) электронлари бўлиб уларнинг электронга мойиллик хусусияти катта, шунинг учун улар бир электронни бириктириб олиб манфий бир зарядли ионларга айланадилар. Бу группа элементлари кучли оксидловчи бўлиб, уларнинг бу хусусияти фтордан йодга томон камайиб боради. Шунинг учун бу элементларни водородли бирикмаларининг мустахкамлигига хам шу тартибда камайади.
Фтор, хлор энг актив галагенлардир. Булар барча элементлар билан бевосита реакцияга киришади.
2K + CL₂ = 2KCL
Хлорнинг сувдаги эритмаси хлорли сув дейилади ва оқартирувчи модда сифатида ишлатилади.
CL₂ + H₂O = HCL + HCLO
Саноатда хлор натрий хлориднинг сувдаги эритмасини электролиз қилиб олинади. Лабораторияда эса хлорид кислотага кучли оксидловчилар KMnO₄, K₂Cr₂O₇, PbO₂, MnO₂ таъсир эттириб олинади.
2KMnO₄ + 16HCL = MnCL₂ + 5CL₂ + 2KCL + 8H₂O
PbO₂ + 4HCL ---> PbCL₂ + CL₂ + 2H₂O
Хлорид кислота катта ахамиятга эга бўлган кислоталардан бридир. Уни водород билан хлордан синтез қилиб олинади.
Н₂ + CL₂ = 2HCL
Хлорнинг кислородли бирикмаларида хлорнинг оксидланиш даражаси ортган сари кислотанинг кучи хам ортади: HCLO, HCLO₂, HCLO₃, HCLO₄.
Хлор кислоталарининг тузларидан Ca(CLO₂) - хлорли охак деб аталади ва толаларни оқартиришда ишлатилади.

Адабиётлар:
1. Рахимов Х.Р. Анорганик кимё. II нашр. Т. “ўқитувчи”. 1984.
2. Ахмеров К.М., Жалилов А., Исмоилов А. Умумий ва анорганик кимё. Т. “ўқитувчи. 1988.
3. Ахметов Н.С. Анорганик кимё. Высшая школа. 1975.