Microsoft Word 12-lekciya doc

Gialinli shemirshek toqıması - shemirshek organizmde ushırasatug`ın shemirsheklerdin` tiykarın 
quraydı. Giolinli shemirshek dem alıw sistemasının` hawa o`tetug`ın nay ta`rizli bo`limi menen embrion 
skeletinin` ko`p bo`limin quraydı. Bunnan tısqarı qabırg`alardın` to`s su`yegi menen birigetug`ın
ornında, 
uzın nay ta`rizli su`yeklerdin` epifiz ha`m diafiz bo`limlerinde, skelet su`yeklerinin` buwın betinde 
ushırasadı. Boyalmag`an shemirshek toqıma jıltıraq sırtqı ta`repten tutastırıwshı toqımadan ibarat juqa perde, 
yag`nıy shemirshek u`stki perdesi menen oralg`an. Bul perde tiykarınan uzınsha formadag`ı shemirshek 
kletkası fibroblast ha`m kollagen jipshelerden quralg`an toplamlardan du`zilgen. 
Toqıma ishindegi ayrım xondrotsitler ko`beyiw qa`siyetine iye. Bunday ko`beyiw qa`siyetine iye 
bolg`an kletka I tip xondrotsitler dep ataladı. Ma`lim bolıwınsha, shemirshek toqımada eki tu`rli o`siw 
protsesi o`tedi. Birinshi shemirshek u`sti perdesindegi xondroblastlardın` ko`beyiwi na`tiyjesinde 
(oppozitsion) o`siw boladı, ekinshisi toqıma ishindegi I tip xondrotsitlerdin` o`siwi bolıp esaplanadı. 
Bunı interstin`ional o`siw dep ataydı. 
Izogen toparda 3-10 g`a shekem xondrotsit ushırawı mu`mkin. Ha`r bir topar kletkalar aralıq zat 
boslıqlarda ayırım-ayırım jaylasadı. Kletkalar jaylasqan boslıqlardı orap turg`an kletkalar aralıq zat tıg`ız 
jaylasqan bolıp, boyawlarda toq boyaladı. Usı ta`repi menen tıg`ız jaylaspag`an bo`limlerinen ajıralıp 
turadı. Bug`an kletka kapsulası dep ataladı. 
Toqıma fiksatsiya qılıng`anda, a`dette xondrotsitler tıg`ızlanıp, kapsula diywalınan uzaqlasqan 
boladı. Kletka kapsulası domalaq sharshag`a usap ko`rinedi. Sonın` ushın olar xondrin sharshalar dep 
ataladı. Ha`r bir sharsha bir-birinen ma`lim aralıqta jaylasadı. Organizm qartayıp barg`an sayın 
aralıg`ı uzaqlasıp baradı. 
Xondrin sharshalardın` a`tirapındag`ı tolıq boyalg`an kletkalar aralıq zat territorial zat dep 
ataladı. Sharshalar aralıq boslıqta jaylasqan kletkalar aralıq zat interterritorial zat dep ataladı. 
Gialin shemirshek kletkalar aralıq zatı tiykarınan kollagen jipsheden ha`m elastik jipshe menen 
tiykarg`ı amorf zatınan quralg`an. Jipsheler kollagen quramında ushırasatug`ın II tip molekulalardan 
quralg`an. Bunday zat su`yek ha`m tıg`ız tutastırıwshı toqıma ha`m elastik toqıma belog`ında 
ushırasadı.