Microsoft Word fm amaliy darslar mavzulari docx

---

AMALIY MASHG‘ULOTLAR MAVZULARI 
1-mashg’ulot. FAVQULODDA VAZIYATLARNING TASNIFI, TAVSIFI 
VA ULARNING XUSUSIYATLARI 
Ishdan maqsad: 
1. Favqulodda vaziyatlarning tasnifi va tavsifini o’rganish. 
2.Favqulodda vaziyatlarning xususiyatlari to’g’risidagi ma’lumotlarni o’rganish. 
Mamlakatimizda FVlarda aholi va hududlarni favqulodda vaziyatlardan 
muhofaza qilish sohasida qo’yilgan dadil qadamlardan biri - avval Mudofaa vazirligi 
qoshida fuqaro muhofazasi va favqulodda vaziyatlar boshqarmasining, so’ngra esa 
shu boshqarma negizida O’zbeknston Respublikasi Prezidentining 1996 yil 4 
martdagi PF-1378 Farmoni bilan Favqulodda vaziyatlar vazirligining tashkil 
etilishi bo’ldi. 
Vazirlik faoliyat yurita boshlagandan so’ng aholi va hududlarni favqulodda 
vaziyatlardan muhofaza qilish sohasining huquqiy asosini tashkil etuvchi bir qator 
qonun va qarorlar qabul qilindi. Bularning ichida 1998 yil 27 oktyabrda “Tabiiy, 
texnogen va ekologik tusdagi favhulodda vaziyatlarning tasnifi to’g’risida”gi 
455-sonli qarori ham mavjud.Qaror bilan tasdiqlangan tasnifga muvofiq favqulodda 
vaziyatlar vujudga kelish sabablariga ko’ra texnogen, tabiiy va ekologik xususiyatli, 
ushbu vaziyatlarda zarar ko’rgan odamlar soniga, moddiy zararlar miqdoriga va 
ko’lamlariga qarab lokal, mahalliy, respublika va transchegaraviy turlarga bo’linadi. 
2000 yil 26 mayda tasdiqlangan “Fuqaro muhofazasi to’g’risida”gi qonunda 
va FV ga tegishli Davlat standartlarida favqulodda vaziyatlarga tegishli 
atamalarga ta’riflar keltirilgan. Jumladan, favqulodda vaziyat bu - odamlar qurbon 
bo’lishi, ularning sog’lig’i yoki atrof-muhitga zarar yetishi, jiddiy moddiy talofatlar 
keltirib chiqarishi hamda odamlar hayot faoliyati sharoiti izdan chiqishiga olib 
kelishi mumkin bo’lgan yoki olib kelgan avariya, halokat, xavfli tabiiy hodisa yoki 
boshqa tabiiy ofat natijasida muayyan hududda yuzaga kelgan vaziyatdir. 
FV ni oldini olish–oldindan o’tkazilib, FV ro’y berish xavfini imkon qadar 
kamaytirishga, bunday vaziyatlar ro’y bergan taqdirda esa odamlar sog’ligini 
saqlash, atrof-tabiiy muhitga yetkaziladigan zarar va moddiy talofatlar miqdorini 
kamaytirishga qaratilgan tadbirlar kompleksi. 
FV ni bartaraf etish–FV ro’y berganda o’tkazilib, odamlar hayoti va 
sog’ligini saqlash, atrof tabiiy muhitga yetkaziladigan zarar va moddiy talofatlar 
miqdorini kamaytirishga, shuningdek FV ro’y bergan zonalarni halqaga olib, xavfli 
omillar ta’sirini tugatishga qaratilgan avariya- qutqaruv ishlari va kechiktirib 
bo’lmaydigan boshqa ishlar kompleksi. 
Favqulodda vaziyatlarni tasnifi: 
1.1. Favqulodda vaziyatlar xavfini tarqalish tezligiga ko’ra quyidagicha 
tasniflanadi: 
-tasodifiy; 
-shiddatli; 
-mo’tadil; 
-ravon.