Microsoft Word maq togay murod ziyouz com doc

www.ziyouz.com кутубхонаси 
6
III 
Tog‘ay Murod ezgu niyatlarni diliga tutib ijod qildi... 
Tog‘ay Murod ezgulik mavqeida mustaqim bo‘lishga intildi... 
Tog‘ay Murod ezgulik urug‘larini qalblarimizga sochib ketdi... 
O‘zida polvonlarga xos tantilik, shoirlarga xos injalik, darveshlarga xos g‘aroyiblik, el-yurtiga 
nisbatan beg‘araz muhabbatni jam etgan O‘zbekning katta adibi tavalludi 60 yilligi barchamizga 
muborak bo‘lsin! 

---

Tog’ay Murod xirgoyilari 
www.ziyouz.com кутубхонаси 
7
Farrux Jabborov 
DAVRALARI DAVOM ETADI...
 
1948 yil 3 fevral. O‘zbekiston xalq yozuvchisi Tog‘ay Murodning tavalludi rasmiy hujjatlarda 
xuddi shunday qayd etiladi. U, agar hayot bo‘lganida, bu yil 60 yoshga to‘lardi. Tog‘ay Murod ellikka 
ham shunchaki "lallayib" kirgani yo‘q: to‘rt qissa, bir roman va tarjimalari e'lon qilingan, xalq orasida 
shuhrat topgan, davlat mukofotiga sazovor bo‘lgan edi. O‘ttiz yoshida esa hali ilk qissa 
muvaffaqqiyatidan masrur, ikkinchi asari ustida ishlayotgandi. Yigirma-yigirma besh yillik ijodiy 
iztiroblar adabiyot haqidagi qarashlarimizni anchagina talotumga soladi. 
U takrorlanmas va takrorlab bo‘lmas uslubi bilan nasrimizda yangilik yasadi. Akademik Baxtiyor 
NAZAROV  ham bir davrada "Tog‘ay Murod adabiyotimizda yorqin voqea bo‘ldi!" deya baralla 
aytgandi. Yozuvchining 60 yillik yubileyi arafasida adabiyotshunos olim bilan suhbatimiz ana shu 
e'tirof asoslari haqida boradi. 
- Biz ijodkor shaxsini uning asarlaridan topishga harakat qilamiz. Zero, haqiqiy 
yozuvchi "ko‘ngildagi kuyga tushmay" bir satr ham yozolmaydi. Ko‘pchilik "Oydinda 
yurgan odamlar" qahramoni Qoplonda Tog‘ay Murodning o‘zini ko‘radi: "U mijozi xush 
ko‘rmish odamlar bilan salom-alik qiladi. Bordi-keldi qiladi. Chin qalbdan gapirishadi,