Microsoft Word o'zimga Qishlоq іo`jаligining rеspublikа ijtimоiy iqtisоdiyotidа tutgаn
Download 1.37 Mb. Pdf ko'rish
|
Eminov Dilshodbek Qishloq Iqtisodiyoti mustaqil ishi
|
FARG'ONA DAVLAT UNIVERSITETI SIRTQI BO’LIM “IJTIMOIY-GUMANITAR FANLAR” KAFEDRASI Iqtisodiyot (tarmoqlar va sohalar bo‘yicha) “ “Qishloq xo’jaligi Iqtisodiyoti ” FANIDAN MUSTAQIL ISHI Mavzu: « Qishlоq хo`jаligining rеspublikа ijtimоiy iqtisоdiyotidа tutgаn o`rni. » Bajardi: 20.116- guruh talabasi Eminov Dilshodbek Qabul qildi: O.Tursunov. Farg’ona - 2023 Qishlоq хo`jаligining rеspublikа ijtimоiy iqtisоdiyotidа tutgаn o`rni. Reja: I.Kirish 1. Qishloq xo`jaligi- agrosanoat majmuasining asosiy bo`g`ini. Uning o`ziga xos xususiyatlari 2. Qishloq xo`jaligining iqtisodiyotda tutgan o`rni va ahamiyati 3. Shirkat xo`jaliklari va ularning tashkiliy-iqtisodiy asoslari 4. Fermer xo`jaliklari va ularning tashkiliy-iqtisodiy asoslari 5. Dehqon xo`jaliklari va ularning tashkiliy-iqtisodiy asoslari II.Xulosa III.Foydalanilgan adabiyotlar Kirish Ma‘lumki, agrar sohadagi ishlab chiqarish ko’pincha yer bilan bog’liq bo’ladi. Yerga egalik qilish, tasarruf etish va undan foydalanish hamda o’zlashtirish bilan bog’liq bo’lgan munosabatlar agrar munosabatlar deyiladi. Qishloq xo’jaligidagi ishlab chiqarishining o’ziga xos xususiyatlari shundan iboratki, bu yerda iqtisodiy qonunlar bilan tabiiy qonunlar bevosita bog’lanib ketadi, chunki agrar sohadagi ishlab chiqarish tirik mavjudotlar – yer, o’simlik, chorva mollari bilan bevosita bog’liqdir. Bu yerda yer - mehnat ashyosi (predmeti) va asosiy ishlab chiqarish vositasi, xo’jalik yuritish ob‘ekti bo’lib, u eskirmaydi, yeyilmaydi, unga munosabat yaxshi bo’lsa, uning unumdorligi yaxshi bo’ladi. Agrosanoat majmuasining asosini, yadrosini qishloq xo`jaligi tashkil etadi. Agrosanoat majmuasiga kiruvchi barcha tarmoqlar aynan qishloq xo`jaligi bilan bog`langan. Ularning ayrimlari qishloq xo`jaligi uchun ishlab chiqarish vositalari ishlab chiqarib, yetkazib bersa, boshqalri qishloq xo`jaligida yetishtirilgan mahsulotlarni tayyorlaydi, ularni qayta ishlaydi va tayyor mahsulotlarni iste`molchilarga yetkazib beradi. Ko`plab sohalar esa shu tarmoqlarning bir me`yorda ishlashi uchun xizmatlar ko`rsatadilar. O`zbekiston Respublikasi iqtisodiyotining eng yirik tarmog`i qishloq xo`jaligidir. U, eng avvalo, aholining oziq-ovqatga bo`lgan talabini qondirishga xizmat qiladi. Bu borada O`zbekiston Respublikasi qishloq xo`jaligi juda katta yutuqlarga erishdi. Respublika qishloq xo`jaligi oziq – ovqat mahsulotlarining deyarli asosiy qismini aholimiz uchun yetarli muqdorda yetishtiradi. Qishloq xo`jaligi sanoatni xomashyo bilan ta`minlaydi. Bugungi kunda mamlakat yengil va to`qimachilik sanoatda ishlatilayotgan tolaning 60 foizidan ortiqrog`i o`zimizda ishlab chiqarilgan paxta tolasidir. Qishloq xo’jaligida foydalanadigan barcha ishlab chiqarish vositalari xususiy, shaxsiy, jamoa mulk shaklida bo’lish mumkin. Hozirgi paytda qishloq ho’jaligida xo’jalik yuritishning asosiy ko’rinishlari fermer va dehqon shakllarida bo’lib, ulardan ishlab chiqarish jarayonlari turli iqlim va tuproq sharoitlaridan foydalanish asosida olib boriladi. Qishloq xo’jaligida mavjud bo’lgan barcha ishlab chiqarish vositalar (traktorlar, mashinalar, transport vositalari, bino, inshootlar, ko’p yillik daraxtlar, mahsuldor chorva hamda ish hayvonlari) kapital tarkibini tashkil qiladi. Aylanma kapitalga quyidagilar kiradi: yosh va boquvdagi hayvonlar, yem-xashak , urug’lik fondlari, kimyoviy o’g’itlar, hizmat muddati bir yildan kam bo’lgan turli xil ishlab chiqarish vositalari – invertarlar, yoqilg’i va moylash materiallaridan iborat bo’ladi. Kapital doiraviy aylanib turadi, ya‘ni pul shaklidan ishlab chiqarish shakliga, undan tovar shakliga o’tib, yana pul shakliga qaytib keladi. Qishloq xo’jaligida ishlab chiqarish vaqti uzoq davom etadi va ish vaqti kunlar bilan belgilanadi. Qishloq xo’jaligida ishlab chiqarish jarayoni mavsumliyligi bilan xususiyatlidir. Masalan, kombaynlar, turli ekish asboblaridan qisqa vaqtda foydalaniladi. Aholini nisbatan zichligi, qishloq xo’jaligiga yaroqli yerlarning cheklanganligini hisobga olib, yerga xususiy mulkchilik joriy qilinadi, unga davlat mulki saqlanib qoldi. Qishloq xo`jaligi- agrosanoat majmuasining asosiy bo`g`ini. Uning o`ziga xos xususiyatlari Agrosanoat majmuasining asosini tashkil etadigan qishloq xo`jaligi o`ziga xos xususiyatlarga ega. Bu xususiyatlar boshqa tarmoqlardan qishloq xo`jaligini farqlab turadi va ishlab chiqarishni tashkil etishda o`z talablarini qo`yadi. Bu xususiyatlar quyidagilardan iborat: 1. Qishloq xo`jaligi tabiiy omillarning ta`siri katta. Ular ishlab chiqarishning mavsumiyligidan kelib chiqaradi. Bu esa, ishlab chiqarishni tashkil etishda mavjud resurslardan yil davomida samarali foydalanishni hisobga olishni talab etadi. Qish oylarida aholining vaqtinchalik bekor qolishi ayrim ijtimoiy muammolarni keltirib chiqaradi. Bu masalalar olimlar, mutaxassis va ishbilarmonlar oldiga qator vazifalarni qo`yadi. 2. Qishloq xo`jaligida ishlab chiqarish vositalari sifatida tirik organizmlar qatnashadi. Bu, o`z navbvatida, mutaxassislardan faqatgina iqtisodiy qonuniyatlarnigina emas, balki bioligik qonunlarni ham bilishni va ishlab chiqarishni tashkil etishda ularni hisobga olishni talab qiladi. Qishloq xo`jaligida sarflanayotgan mehnatning samarasi ko`p jixatdan o`simlik va chorva mollarining biologik imkoniyatlariga bog`liq. 3. Yer asosiy ishlab chiqarish vositasi hisoblanib, undan foydalanishning o`ziga xos xususiyatlari mavjud. Ularni inkor etish yoki yetarlicha hisobga olmaslik katta salbiy oqibatlarga olib keladi. 4. Qishloq xo`jaligida sarflanayotgan moddiy xarajatlar davri bilan faoliyat natjasida olinayotgan daromadlarning olinish davri o`rtasida farq katta. Boshqacha qilib aytganda, yil davomida faqat xarajatlar qilinadi. Chunki yerni ekishga tayyorlash, urug`lik, o`g`itlar, yoqilg`i-moylash materiallari xarid qilish va sarflash, mehnatga haq to`lab borish kabi xarajatlar har oyda qilinadi. Ekin turlari hosili esa ma`lum davrlada pishadi. Yetishtirilgan hosil sotiladi va undan keyin pul darmodlari kelib tushadi. Albatta, amaliyatda shartnomalar asosida qishloq xo`jalik korxonalariga avanslar berish, kreditlardan foydalanish yoki ayrim xizmatlarni tashkil etish natijasida ma`lum miqdoridagi pul tushumlari bo`lishi mumkin. Lekin, umuman olganda, yil davomida xarajat sarflanishi, daromadlarning esa ayrim davrlardagina tushishi o`ziga xos obyektiv talablarni keltirib chiqaradi. Agrar siyosat bu xususiyatni hisobga olgan holda yuritilish zarur. 5. Qishloq xo`jaligida ishlab chiqarish juda katta maydonlarda olib boriladi. Bu, o`z navbatida, ishlab chiqarishni, aholi punktlarini joylashtirishda ma`lum talablarni keltirib chiqaradi, qishloq xo`jaligining moddiy – texnika bazasini shakllantirishda hisobga olishni talab qiladi. 6. Qishloq xo`jaligi ishlab chiqarilgan mahsulotlarining bir qismni o`zi urug`lik, yem – xashak, oziq – ovqat sifatida imte`mol qiladi. 7. Qishloq xo`jaligi maxulotlarining ko`p turlarini uzoq saqlash mumkin emas. Bu muammo qishloq xo`jaligi mahsulotlarning deyarli bir davrda pishib yetilishi oqibatida yanada chuqurlashadi. Bu, o`z navbatida, yetishtirilgan mahsulotni tayrlovchi, qayta ishlovchi tashkilotlarning bir me`yorda tinmasdan ishlashini , bk esa ayrim davrlarda juda katta quvvatlarning bo`lishini talab qiladi. Yilning qolgan darvlarida esa bu quvvatlarning nisbatan bo`sh qolishi kuzatiladi. Bu xolat qayta ishlash tarmoqlarining katta omborxonalari bo`lishini talab etadi. Bunday holat, o`z navbatida, mahsulotning tannarxiga salbiy ta`sir ko`rsatadi. Bu kabi o`zga xosliklarni, albatta, chuqur o`rganish va doimo hisobga olgan holda ishlab chiqarishni tashkil etish qishloq xo`jaligining samarali ishlashini ta`minlaydi. Shubhasiz, fan, texnika taraqqiyoti o`sgan borgan sari qishloq xo`jaligining bu xususiyatlari ta`siri nisbatan kamayib boradi, lekin butunlay yo`q bo`lib ketmaydi. Qishloq xo`jaligining iqtisodiyotda tutgan o`rni va ahamiyati Qolgan qismi jun, kanop, pilla va kimyoviy tolalarga to`g`ri keladi. Meva, sabzavot va poliz mahsulotlprini qayta ishlovchi sanoat to`liq mahalliy xomashyo mahsulotlari evaziga ishlaydi. Sut va go`shtni qayta ishlash sanoati ham mamlakatda yetishtirilgan mahsulotlar hisobiga faoliyat ko`rsatadi. Yog` – moy sanoatining xomashyolari asosan o`zimizda yetishtiriladi. Faqatgina o`simlik moyining ayrim turlarini xorijdan keltirilgan xomashyo hisobiga ishlab chiqariladi. Masalan, mamlakat aholisi iste`mol qilayotgan yog` – moylarning sifati, assortimenti boy bo`lishi uchun chetdan soya keltirmoqda. Albatta, bu jami yetishtirilayotgan yog`-moyning juda kam qismini tashkil etadi. Qishloq xo`jaligi O`zbekiston Respublikasi iqtisodiyotining yirik tarmoqlaridan biri hisoblanadi. Bugungi kunda qishloq xo`jaligining mamlakat iqtisodiyotdagi o`rni judda katta. Mamlakatda ishlab chiqarilayotgan yalpi ichki mahsulotning 26-30 foizi shu tarmoqning ulishiga to`g`ri keladi. 2004 yilda mamlakat jami yalpi ichki mahsulotining 26,8 foizi shu tarmoqda yaratildi. Mamlakatimiz iqtisodiyoti uchun zarur bo`lgan erkin harakatdagi qattiq valyuta tushumining yarimidan ko`prog`i shu tarmoq mahsulotlarini eksport qilishdan olinadi. Aholining 60 foizidan ortiqrog`i qishloq joylarda yashaydi. Halqimizning turmush darajasi, inson resurslarining katta bir qismining ish bilan ta`minlanishi qishloq xo`jaligi bilan bog`liq. Bugungi kunda iqtisodiyotda band bo`lgan mehnat resurslarining 28 foizdan ko`prog`i qishloq va o`rmon xo`jaligida faoliyat ko`rsatadi. Shu boisdan ham qishloq xo`jaligiga e`tibor, ayniqsa keyingi mustaqillik yillarida, xaqli ravishda katta bo`lmoqda. Qishloq xo‘jaligi mahsuloti ishlab chiqarishning o‘sish sur’atlari Jadval ma`lumotlaridan ko`rinib turibdiki qishloq xo`jaligi O`zbekiston Respublikasi iqtisodiyotining eng yirik tarmog`i hisoblanib, yildan yilga uning ulushi kamayib bormoqda. Bu borada shuni ta`kidlash lozimki 2000- 2004 yillarda qishloq xo`jaligida barqaror qsish yuz berdi. Mamlakat iqtisodiyotida sanoatning, xizmat ko`rsatish tizimining nisbatan tez rivojlanib borishi tufayligina qishloq xo`jaligining ulushi kamaygan. Bu juda ijobiy jarayon hisoblanadi. Mamlakat iqtisodiyoti jadal o`sib borgan sari unda qishloq xo`jaligining ulushi kamayib boradi. Natijada rivojlangan sanoatlashgan, xizmat ko`rsatish sohalari taraqqiy topgan mamlakatga aylanishimiz ta`minlanadi. Mamlakatda olib borilayotgan iqtisodiy, ijtimoiy islohotlarning muvaffaqiyati ko`p jihatdan qishloq ho`jaligining rivojlanish darajasiga bog`liq. Chunki qishloq ho`jaligi mamlakatimiz uchun ham siyosiy, ham iqtisodiy va ijtimoiy ahamiyat kasb etgan soha bo`lib, u quyidagi funksiyalarni bajaradi: • mamlakatmizni oziq ovqat fondini shakllantiradi; • yurtimizning oziq-ovqat sohadagi mustaqilligini ta`minlaydi; • qishloq ho`jaligi mahsulotlarini qayta ishlaydigan sanoat uchun hom ashyo yetkazib beradi; • aholini ish joylari bilan ta`minlaydi. O`zbekiston Respublikasi qishloq ho`jaligi o`simlikchilik va chorvachilik tarmoqlaridan iborat. O`simlikchilik tarmog`ida paxta, donli ekinlar (asosan bug`doy), kartoshka, sabzavot, poliz, tamaki, yem-xashak ekinlari, o`simlik yog`i beradigan ekinlar (masxar, kungaboqar), bog`dorchiik va uzumchilikdan iborat. Chorvachilikda qoramolchilik, qo`y va echkichilik, parrandachilik, otchilik (yilqichilik), kuyonchilik, tuyachilik, cho`chqachilik tarmoqlari shakllangan va rivojlangan. Bundan tashqari respublika qishloq xo`jaligida pillachilik , asalarichilik va baliqchilik sohalari ham yaxshi rivojlanib kelmoqda. Respublikada hozirda 6,2 mln. bosh qoramol, 11,1 mln. bosh qo`y va echkilar bor. O`zbekiston Respublikasi qishloq xo`jaligi yalpi mahsulotining tarkibi, (% da) O`ganilayotgan davrda qishloq xo`jaligi mahsulotlari tarkibida katta o`zgarishlar yuz bermagan. 2000 yilda o`simlikchilik tarmog`ining ulushi 52,6 foiz bo`lgan bo`lsa 2004 yilga kelib 53,7 foizni tashkil etgan yoki 1,1 punktga oshgan. Shu yillarda chorvachilik mahsulotlarining qishloq xo`jaligi yalpi mahsulotdagi ulushi 47,4 foizdan 46,3 foizga tushib qolgan. Buning asosiy sababi 2004 yil qishloq xo`jaligi uchun juda qulay kelishi sababli o`simlikchilik tarmog`i yalpi mahsulotining chorvachilik yalpi mahsulotining o`sishidan tez sur`atlarda bo`lganligidadir. O`zbekiston Respublikasi qishloq xo`jaligi yer-suv, asosiy aktivlar (asosiy fondlar), mehnat resurslari va boshha ishlab chiqarishni tashkil etish va olib borish uchun zarur resurslarga ega. O`zbekiston Respublikasining yer fondi va uning foydalanuvchilar bo`yicha taqsimlanishi № Ердан фойдаланувчилар 1996 йил 2000 йил 2004 йил минг га % минг га % минг га % Жами ер фонди Шундан 44405,0 100,0 44405,0 100,0 44410,3 100,0 1. Қишлоқ хўжалиги корхоналари фойдаланаётган ерлар 25317,8 57,0 25112,6 56,6 24819,4 55,8 2. Ўрмон хўжалик корхоналари ерлари 8695,5 19,7 8446,3 19,1 8402,6 18,9 3. Саноат, транспорт, мудофаа, алоқа ва бошқа ташкилотлар ерлари 1868,9 4,2 1926,3 4,4 2264,3 5,2 4. Аҳоли яшаш жойлари 226,4 0,5 231,2 0,5 238,7 0,5 5. Заҳирадаги ерла 7492,1 16,8 7472,5 16,8 7432,8 16,7 6. Гидротехника ва бошқа сув хўжалиги ташкилотлари ерлари 793,8 1,7 804,6 1,8 822,4 1,8 7. Табиат муҳофазаси, соғломлаштириш ва 10,5 0,02 70,8 0,1 74,3 0,1 маданий аҳамиятга эга ерлар 8. Бошқа ерлар - - 340,7 0,7 430,1 0,9 Jadvaldan ko`rinib turibdiki 2004 yil ma`lumotlariga qaraganda Respublika yer fondining asosiy qismi, 55,8 foizi qishloq xo`jaligi tarmog`iga berilgan. Agarda o`rmon xo`jaligi, qisman gidrotexnika va boshqa suv xo`jaligi tashkilotlari (oz miqdorda bo`lsada qishloq xo`jaligi mahsulotlari ishlab chiqaradi) va mudofaa vazirligiga qarashli ayrim xo`jaliklarda ham qishloq xo`jaligi mahsulotlari ishlab chiqarilishini hisobga olsak yuqoridagi raqam yanada kattaroq ulushni egallashini anglash mumkin. 2004 yilning yanvariga bo`lgan ma`lumotga ko`ra 3691, ming gektardan ko`proq sug`orilib haydaladigan yer, 230 ming gadan ortiqroq bog` va uzumzorlar bor. Respublika qishloq xo`jaligining ishlab chiqarish tarkibida mustaqillik yillarida keskin o`zgarishlar yuz berdi. Qishloq xo`jaligi ishlab chiqarishiga jalb etilgan yer resurslari bugungi kun talabidan kelib chiqib asosan paxta va g`alla ekinlari uchun ajratilmoqda. O`zbekiston Respublikasida ekin maydonlari tarkibining o`zgarishi (barcha turdagi xo`jaliklar bo`yicha ming gektar) 2003 йил 2004 йил Барча турдаги хўжали к ларда Ширка т ларда Фермер хўжали к ларида Деҳқон хўжали к ларида Барча турдаги хўжали к ларда Ширка т ларда Фермер хўжали к ларида Деҳқон хўжали к ларида Жами экин майдони 3790,1 1967,0 1401,9 421,2 3691,5 1497,1 1761,6 432,8 Донли экинлар Шундан: 1790,9 912,1 680,3 198,5 1666,5 661,4 805,2 199,9 Буғдой 1507,56 766,6 581,3 159,7 1469,7 593,5 715,1 161,1 Шоли (гуруч) 121,0 67,3 47,8 5,9 65,9 22,7 40,0 3,2 Макка дон учун 34,7 7,3 7,8 19,6 34,5 5,4 8,5 20,6 Техника экинлари Шундан: 1445 847,2 590,0 7,8 1516,8 690,8 815,6 10,4 Пахта 1393 820 573 - 1455,7 662,9 792,8 - Картошка, сабзавот ва полиз 237,7 47,4 36,7 153,5 226,9 31,2 37,5 158,2 Картошка 49,2 3,4 2,2 43,6 52,4 3,8 3,3 45,3 Сабзавот 145,6 34,1 17,5 94 137,6 21,3 19,1 97,2 Полиз 41,3 8,5 17 15,8 35 5,3 14,6 15,1 Мевали боғлар 201,5 108,7 27,3 65,6 198,9 97,1 37,8 64 Узумзорла р 118,2 76,5 10,6 31,1 116,1 67,7 16,3 32,1 Ем-хашак экинлари 316,5 160,2 94,9 61,4 281,3 113,7 103,3 64,3 Jadval ma`lumotlaridan ko`rinib turibdiki Respublika ekin maydonlari yildan yilga qisqarib bormoqda va bu kamayish 2004 yilda 2003 yilga nisbatan 98,6 ming gektarga yoki 2,7 foizga kamaygan. Ushbu kamayish asosan yem- xashak ekinlari, sabzavot, poliz, mevali bog`lar va uzumzorlar hamda g`alla ekinlari hisobiga yuz bergan. Shu bilan birgalikda aholining, mamlakat iqtisodiyotining manfaatlaridan (xalqaro bozorda paxta xomashyosi konyukturasining o`zgarishini hisobga olib) kelib chiqib paxta ekin maydoni 2004 yilda 2003 yildagidan 62,7 ming gektarga yoki 4,5 foizga oshgan. Respublika qishloq xo`jaligining chorvachilik tarmog`i ham jadal rivojlanish uchun katta resurslarga ega. O`zbekiston Respublikasida chorva mollari va parrandalar bosh soni (barcha muklk shakllari bo`yicha, ming bosh) Chorva molari va parrandalar 2000 2001 2002 2003 2004 O`sish(+) kamayish (-) Qoramollar 5353,4 5416,1 5477,6 5878,8 6232,6 879,2 Shundan: sigirlar 2343,4 2361,8 2393,2 2549,9 2708,8 365,4 Sigirlarning salmog`i,% 43,7 43,6 43,7 43,3 43,4 х Qo`y va echkilar 8932,5 9022,6 9233,9 9928,6 11181,9 2249,4 Cho`chqalar 85,8 81,6 75,4 89,9 83,8 -2,0 Parrandalar 14510 14828,7 15354,9 17675,7 18822,6 4216,9 Otlar 146,3 144,7 143,4 147,3 149,4 3,1 Jadval ma`lumotlaridan ko`rinib turibdiki Respublikada deyarli barcha turdagi chorva mollari (cho`chqalardan tashqari) va parandalar bosh soni ko`payib bormoqda. 2004 yilda 2003 yilga qaraganda qoramollar bosh soni 879,2 ming, sigirlar 365,4 ming, qo`y va echkilar 2249,4 ming, parrandalar bosh soni 4216,9 ming boshga oshdi. O`rganilgan davrda faqatgina cho`chqalar bosh soni 2 minga kamayib ketgan. Qoramolchilikning tarkibi ham ijobiy tomonga o`zgargan. Agarda mustaqillikkacha (1990 yilda) jami qoramollar tarkibida sigirlarning salmog`i 32,6 foizni tashkil etgan bo`lsa 2000 yildan boshlab bu ko`rsatkich 43 foizdan oshib ketda va shu holat saqlanib qolmoqda. Bu Respublika Prezidenti I.Karimovning va hukumatining olib borgan oqilona siyosatining natijasida yuz berdi. “Respublika chorvachiligida iqtisodiy islohotlarni chuqurlashtirish bo`yicha chora tadbirlar to`g`risida”gi O`zbekiston Respublikasi Vazirlar Mahkamasining 1993 yil 15 martida qabul qilingan 137 sonli qarori bilan Respublikamizdagi 1499 ta jamoa chorvachilik fermalari yopiq turdagi hissadorlik jamiyatlariga aylantirilib, 489,1 ming bosh qoramollar, shu jumladan 96,3 ming bosh sigirlar chorvadorlarga xususiylashtirilib berildi. Keyinchalik ushbu qarorda belgilangan vazifalarni bajarish maqsadida aholiga 600 ming bosh zotli buzoqlar sotildi. Natijada chorvachilikning asosiy qismi aholi qo`liga o`tdi. Qoramollarning katta qismining aholi qo`liga o`tishi uning tarkibini yaxshilanishiga (jami qoramollar sonida sigirlarning ulushining ortishiga), ijobiy tabiiy tanlanishning yuzaga kelishiga, yem-xashak ekin maydonlari yildan yilga qisqarib boriga qaramasdan yem-xashak muammosini qisman xal etilishiga olib keldi. Mustaqillik yillarida olib borilgan islohotlar natijasida O`zbekiston Resublikasi dinamik holda rivojlanib borayotgan murakkab iqtisodiy tizimga ega bo`ldi. Qishloq xo`jaligi Respulika iqtsodiyotining yirik va muhim tarmog`i sifatida saqlanib qoldi. Qishloq xo`jaligi O`zbekiston xalqlarining eng qadimdan shug`illangan asosiy sohalardan biri bo`lib, bir necha ming yilliklardan asta-sekin rivoj topib kelmoqda. Respublika hududida avvalo chorvachilik keyinchalik dehqonchilik madaniyati tarkib topdi. Chorvachilikning asosan qo`ychilik, qoramolchilik, otchilik (yilqichilik), asalarichilik, tuyachilik va ipakchilik, dehqonchilikning donchilik, sabzavotchilik, polizchilik, bog`dorchilik va paxtachilik tormoqlari yaxshi rivojlandi. Qishloq xo`jaligi Respublikamiz hududida yashaydigan xalqlarning asosiy turmush tarziga aylangan. Uning rivoji yurtimiz hududida qishloq xo`jaligi bilan bog`liq mehnat qurollari ishlab chiqarishning o`sishiga sabab bo`ldi. Natijada asta sekin bo`lsada madaniyat, ilm-fan, kosibchilik rivoj topdi. XX asrda dunyo mamlakatlari taraqiyotining tez rivojlanishi yurtimizning iqtisodiy-ijtimoiy hayotiga o`z ijobiy ta`sirini ko`rsatdi. Respublikaning qishloq xo`jalik yalpi mahsuloti 1913 yildan 1990 yilga (mustaqillikkacha) qadar bo`lgan davrda 188 marta o`sdi. 1913 yildan 1940 yilgacha qishloq xo`jaligi yalpi mahsuloti 1,8 marta, 1960 yilda 51 marta, 1970 yilda 100 marta va 1980 yilda 170 martani tashkil etdi. Ma`lumotlardan ko`rinib turibdiki o`sish sur`atlari 1960-1980 yillar ichida tez bo`lgan. Shu davrda qishloq xo`jaligi yalpi mahsulotining o`sishining asosiy sabablari narxdagi o`zgarishlar, yangi yerlarni o`zlashtirish hisobiga, nisbatan ekstensiv yo`l bilan amalga oshirilgan. Ushbu davrda qishloq xo`jaligi mahsulotlarini natural holda ishlab chiqarishning o`sishi bunga isbot bo`ladi. 1913 yilda 89 ming tonna go`sht (so`yilgan vaznda) ishlab chiqarilgan bo`lsa 1990 yilda 419,9 ming tonna ishlab chiqarilgan yoki 4,7 martaga oshgan. Sut ishlab chiqarish shu davrda 11,4 marta, tuxum yetishtirish 30,1 marta, sabzavot 21,1 marta, don ishlab chiqarish 1,9 marta, paxta yetishtirish esa 11,1 marta, o`simlik yog`i yetishtirish 8,4 martaga o`sdi. Raqamlarga e`tibor berilsa ushbu davrda qishloq xo`jaligining yalpi mahsulotining o`sishi mahsulotlarning natural miqdordagi o`sishidan solishtirib bo`lmaydigan darajada yuqori sur`atlarda o`sganligini ko`rish mumkin. O`sish mahsulotlar narxining o`sishi hisobiga yuz berganini aslida esa salkam 1 asrda o`sish 15- 20 martadan yuqori bo`lmagini ko`ramiz. Sobiq sho`rolar davrida O`zbekistonda bir tomonlama bo`lsada qishloq xo`jaligida katta o`zgarishlar yuz berdi. SHo`rolar davlatining asosiy siyosati O`zbekistonning boy tabiiy iqlim sharoitidan umumdavlat manfaatlari uchun foydalanishga qaratildi. Natijada Respublika va uning xalqining manfaatlari umumdavlat manfaatlariga bo`ysindirildi. Bunday siyosat respublika iqtisodiyotida juda katta muammolarni keltirib chiqardi. Olib borilgan siyosatning natijasida qishloq xo`jaligi ishlari bilan band bo`lgan respublika aholsiining katta qismi past malakali mehnat resurslariga aylandi. Umummamlakat manfaatlaridan kelib chiqib O`zbekiston asosan paxta ishlab chiqarishga ixtisoslashtirildi. Uning natijasida xalqimiz asrlar mobaynida shug`illanib kelgan qishloq xo`jaligining ko`plab sohalariga e`tibor kamaydi, ularning ayrimlari mutloq yo`qolib ketdi. Jumladan, XX asrning 80 - yillariga kelib respublikada yetishtirish uchun tarvuz urug`lari Rossiyaning Astraxan o`lkasidan keltirildi. Paxta ishlab chiqarishni ko`paytirish respublikada oziq- ovqat mahsulotlari yetishtirishni keskin kamayishiga olib keldi. Birgina misol o`tgan asrning 70-80- yillarida, mustaqillikka erishgan dastlabki yillarda respublika uchun zarur oziq-ovqat mahsulotlarining 80 foizidan ko`prog`i import qilinar edi. Dunyoning rivojlangan katta bir qismida oziq-ovqat keragidan ortiqcha bo`lib uni sotish muammo bo`lgan bir paytda 80- yillarning oxiriga kelib respublikada barcha oziq-ovqat mahsulotlarini xarid qilish talon yoki me`yor tizimiga o`tkazildi. Aholi jon boshiga bir oyga 2 kgdan un, 1kg dan shakar, go`sht, yog` va boshqa mahsulotlar sotiladigan bo`ldi. Paxta ishlab chiqarishni ko`paytirish maqsadida respublika qishloq xo`jaligiga katta kapital qo`yilmalar sarflandi. Qishloq xo`jaligi korxonalarining moddiy texnik ta`minoti yaxshilandi, qishloq infratuzilmasi rivojlantirildi. Surxondaryo, Qashqadaryo, Buxoro, Jizzax va Sirdaryo viloyatlarida katta cho`l massivlari o`zlashtirildi. Ushbu jarayonlar aholini qisman ish bilan ta`minlashni yaxshilash, turmush darajasini nisbatan o`stirish imkonini berdi. Shu bilan birgalikda katta iqtisodiy, ijtimoiy va ekologik muammolarni ham yuzaga keltirdi. Yangi cho`l massivlarini o`zlashtirishda yo`l qo`yilgan hatolar hamda qanday bo`lmasin paxta yetishtirishni ko`paytirish hohishi yerlarning unumdorligining pasayishiga, ularning meliorativ holatining asta-sekin yomonlashuviga, yer osti suvlarining ko`tarilishi, katta ekin maydonlarini sho`rlanishining ortishiga olib keldi. Respublika qishloq xo`jaligi rivoji asosan paxtachilik bilan bog`lab qo`yildi. Respublikada tarkib topgan va rivojlantirilgan sanoat ham ustun darajada paxtachilikka qaratildi. Bir so`z bilan aytganda, sobiq sho`rolar davridan bir tomonlama rivojlangan, asosan xomashyo yetishtirishga moslashtirilgan , paxtachilikka chuqur ixtisoslashtirilgan, katta iqtisodiy, ijtimoiy hamda ekologik kasallik va muammolarga ega qishloq xo`jaligi meros bo`lib qoldi. Mustaqillikning dastlabki kunlaridanoq juda ko`plab kechiktirib bo`lmaydigan masalalarni yechish hayotiy zarurat, vazifa sifatida davlat oldida turar edi. Ulardan ayrimlarini eslash foydadan holi emas. Eng avvalo oholi uchun zarur bo`lgan oziq-ovqat masalani ijobiy hal etish kerak bo`ldi. Xalq manfaati uchun zararat bo`lgan bu muammoni amalga oshirish oson kechmadi. Mustaqil Respublika qishloq xo`jaligi davlat mulkchiligiga asoslangan asosan paxta yetishtirishga ixtisoslashgan yirik xo`jaliklardan (sovxoz va kolxozlardan) hamda aholining yordamchi xo`jaliklaridan iborat edi. 1940 yilda 81 ta sovxozlar bo`lgan bo`lsa 1990 yilga ulaning soni 1034 taga yetdi. Shu yillarda kolxozlar mos ravishda 1106 ta va 855 tani tashkil etdi. Yirik xo`jaliklar yuqori organlar tomonidan tasdiqlangan reja asosida faoliyat yuritar, ularni moddiy resurslar bilan ta`minlash markazlashgan holda olib borilar edi. Yirik xo`jaliklarni boshqarish xarajatlari ham katta bo`lib ularning eng asosiy kamchiligi o`z ishlab chiqarish yo`nalishini tezda o`zgartira olmas edi. Masalan, paxta ishlab chiqarish uchun ixtisoslashgan xo`jalikning barcha texnikalari asosan paxtachilik uchun mo`ljallangan bo`lib don yoki sabzavotchilik uchun deyarli mos kelmas, qolaversa urug`lik, mineral o`g`it, yoqilg`i moylash materiallari bilan ta`minlashni bir mavsumda o`zgaritish imkoni yo`q edi. Yirik xo`jaliklarni texnika va modiy resurslar bilan ta`minlaydigan ko`plab sohalar bashqa respublikalarda joylashgan edi. Mustaqil davlatlarning vujudga kelishi yagona bir tizimga aylangan iqtsodning barbod bo`lishiga olib keldi. Respublika hududida joylashgan zavod va fabrikalarning ham aksariyat qismining to`xtab qolishiga sabab bo`ldi. Shunday holda sho`rolar davrida maxsus sharoit va tamoyillar asosida tashkil topgan yirik xo`jaliklarni saqlab qolish va ularning faoliyatini davom ettirish imkoniyatlari keskin pasaydi, keyinchalik esa deyarli mumkin bo`lmay qoldi. Yuqoridagi holatlarni inobatga olib Priyezidentimiz I.Karimov tomonidan mamlakat siyosiy, iqtisodiy va ijtimoiy hayotini, jumladan qishloq xo`jaligini isloh qilishning konsepsiyalari ishlab chiqildi. Mustaqilikning dastlabki kunlaridayoq oziq-ovqat havfsizligini ta`minlash ustivor yo`nalish sifatida belgilandi va eng avvalo chuqur islohotlar qishloq xo`jaligida amalga oshirala boshlandi. Natijada paxta yakkaxokimligiga baham berilib g`alla mustaqilligiga erishish maqsadida sayi xarikatlar qilindi va tarixan qisqa muddat ichida ushbu maqsadga erishildi. 1996 yilga kelib O`zbekiston Respublikasi g`alla mustaqilligiga erishdi. Ba`zan g`allaga nisatan paxtaning foydasi, iqtisodiy samarasi ko`proq, shu sababli paxta shlab chiqarishga asosiy e`tiborni berish kerak degan fikrlarni uchratamiz. Bu fikr umuman olganda to`g`ri ekanligini inkor etmoqchi emasmiz. Lekin sovetlar davlatining parchalanishi eski aloqalarning deyarli izdan chiqishiga olib kelgan, traditsion g`alla ishlab chiqarishga ixtisoslashgan respublikalar Rossiya, Ukraina, Qozoqistonlarning o`zlari o`z xalqini g`alla bilan ta`minlashi murakkab bo`lib qolgan sharoitda oziq-ovqatsiz, uning asosi bo`lgan g`allasiz taraqqiyotni, umuman hayotni tasavvur qilish qiyin. Shu sabali o`tish davrining dastlabki kunlaridanoq g`alla mustaqiligiga intilish, O`zbekiston Respublikasi Prezidenti uning hukumati o`ta salohiyatli ekanligini va to`g`ri yo`l tanlaganligini hayotning o`zi isbotlamoqda. Bizga meros bo`lib qolgan iqtisodiyotning, jumladan qishloq xo`jaligining oldida xal etilishi lozim juda ko`plab og`ir maqsadli vazifalar turar edi. Bu vazifalarni shartli ravishda quyidagicha ifodalash mumkin. Birinchidan, xalq farovonligi, mamlakat xavfsizligini ta`minlash maqsadida qishloq xo`jaligi mahsulotlari ishlab chiqarishni miqdor jihatdan ko`paytirish. Bu borada ayniqsa oziq-ovqat mahsulotlari ishlab chiqarishni ko`paytirish zarur edi va bu vazifa xozir va kelajakda ham dolzarb bo`lib qoladi. Xozirda aholi iste`moli uchun zarur bo`lgan don ishlab chiqarishga yerishildi. Ammo chorvachilik mahsulotlari ishlab chiqarish borasida katta muammolar mavjud. 2000-2004 yilarda aholi jon boshiga o`rtacha go`sht ishlab chiqarish 34 kg, sut ishlab chiqarish 164 kgni tashkil etdi. U tibbiy me`yordagidan ikki martaga yaqin kam. Shu sababli qishloq xo`jaligi mahsulotlarini miqdor jihatdan ishlab chiqarish hajmini ko`paytirish asosiy maqsadli vazifalardan biri hisoblanadi va bu muammo Respublika Prezidenti va hukumatining diqqat e`tiborida turibdi. Ikkinchidan qishloq xo`jaligida yetishtirilayotgan mahsulotlar sifati va assortimentini yaxshilab borish zarur. Ma`lumki O`zbekiston Respublikasi paxta ishlab chiqarishda dunyoda beshinchi o`rinda, paxta tolasini sotish bo`yicha esa ikkinchi o`rinda turadi. Paxta tolasini sotish mamlakat eksportning 18-19 foizini tashkil etmoqda. Mamlakatda yetishtirilayotgan paxta tolasining sifatini keskin yaxshilash iqtisodiyotga juda katta iqtisodiy samara keltiradi. Dunyo davlatlari va Respublikamiz to`qimachilik sanoati talab qiladigan tipdagi tolalar yetishtirishni ko`paytirish zarur. Sifatni va qishloq xo`jaligi mahsulotlari assortimentini yaxshilash zarurati respublika qishloq xo`jaligini rivojlantirishning eng asosiy yo`nalishi sifatida belgilangan. Uchinchidan, qishloq xo`jaligida mehnat unumdorligini oshirish doimiy zarurat hisoblanadi. Mehnat unumdorligini oshirish mamlakat qishloq xo`jaligini raqobatbordoshligini kuchaytiradi, aholining turmush sharoitini yaxshilaydi, mahsulot ishlab chiqarishni ko`payishiga va uning sifatining talab darajasiga yetishini ta`minlaydi. To`rtinchidan, qishloq xo`jaligi mahslotlari yetishtirishni nisbatan orzonlashishiga yerishish lozim. Albatta bozor iqtisodiyoti sharoitida qishloq xo`jaligi o`ziga kerakli texnika, yoqilg`i,mineral o`g`it, boshqa tovar va xizmatlarni bozor bahosida sotib oladi. O`z mahsulotini esa o`zi uchun foydali narxlarda xamisha ham sota olmaydi. Lekin aholining daromadlarining o`sishi oziq-ovqat mahsulotlari narxlarining o`sishidan kattaroq bo`lishini ta`minlash kerak. Xozirda respublika aholisi o`z daromadlarinig 51-52 foizini oziq-ovqat uchun sarflayotgan bo`lsa kelajakda bu ko`rsatkich kamayib borishi (aholining oziq-ovqat bilan ta`minlanishi yaxshilanib borishi asosida) kerak. Beshinchidan, qishloq joylarni, hududlarni imkon darajasida bir me`yorda rivojlanishini ta`minlashga e`tiborni kuchaytirish vazifasi ham juda dolzarb hisoblanadi. Qishloq hududlarini ijtioiy taraqqiyot darajasini yanada yuksaltirish, ish joylarin tashkil etish ko`plab salbiy holatlarning oldini oladi. Prezidentimizning qishloq aholini ichimlik suv va tabiiy gaz bilan ta`minlash to`g`risidagi farmon va qarorlarining qabul qilinishi, maxsus dasturlar ishlab chiqarilishi qishloqni ijtimoiy va iqtisodiy rivojlanishiga e`tiborning kuchli ekanligini ko`rsatadi. Mustaqillik yillarida mamlakatimizda olib borilgan siyosiy, iqtisodiy, ijtimoiy siyosat natijasida qishloq xo`jaligida chuqur tarkibiy , ijtimoiy va mulkiy munosobatlar o`zgarishi yuz berdi. Mustaqillik yillarida iqtisodiyotni jumladan, qishloq xo`jaligini tubdan isloh qilishning nazariy asoslari Prezident I.Karimov tomonidan ishlab chiqildi. Prezidentimiz asasrarida iqtisodiy rivojlanishning turli xil konsepsiyalari tahlil etildi. Birinchi konsepsiya – Asosiy ehtiyojlar konsepsiyasiya – aholi eng kam tirikchilik ehtiyojini kafolotli tarzda ta`minlash va ish bilan band qilish muammosini hal etishga qaratilgan; Ikkinchi konsepsiya – Maqbul yoki tegishli texnologiya konsepsiyasi – aholining mehnatga layoqatli qismining bandligini ta`minlaydigan va mahalliy xomashyoni, avvalo qishloq xo`jaligi xomashyosini birlamchi va chuqur qayta ishlashga qaratilgan. Bu konsepsiya eng ilg`or texnologiyalarni rivojlantirish zarurligiga asoslanadi; Uchinchi konsepsiya – O`z kuchiga jamoa bo`lib ishonish konsepsiyasi – mavjud zahiralardan to`liqroq foydalanishga va mamlakat iqtisodiyotini boshqa davlatlarga qaramligiga barham berishga qaratilgan; To`rtinchi konsepsiya – Yangi xalqaro iqtisodiy tartib konsepsiyasi – rivojlanayotgan yurtimizning iqtisodiy qoloqligini tugatish va boshqa davlvtlar bilan teng huquqli sheriklar sifatida faoliyat yuritishiga qaratilgan. Olib borilgan rejali ishlar natijasida tarmoqda ma`lum ijobiy yutuqlarga erishildi. Birinchidan, mamlakat iqtisodiyoti, jumladan qishloq xo`jaligi bozor iqtisodiyoti talablari sharoitida faoliyat ko`rsatishlari uchun kerakli huquqiy asos yaratildi. Tarixan qisqa davrda umuman iqtisodiyotga tegishli 100 dan ortiq qonunlar ishlab chiqildi va hayotga joriy etildi. Ular qatoriga O`zbekiston Respublikasining Yer kodeksi, Fermer xo`jaligi to`g`risida, Qishloq xo`jaligi kooperativi (shirkat xo`jaligi) to`g`risida, Dehqon xo`jaligi to`g`risida, Qishloq xo`jaligi korxonalarini sanatsiya qilish to`g`risida kabi qishloq xo`jaligi tarmog`iga oid qator qonunlarni kiritish mumkin. Mustaqillik yillarida bevosita qishloq xo`jaligiga oid 140 dan ortiq Prezident Farmonlari va Vazirlar Mahkamasining qarorlari qabul qilindi hamda turli me`yoriy hujjatlar ishlab chiqildi. Bu qonun va me`yoriy hujjatlar qishloq xo`jaligi korxonalarining xatti – xarakatlarini belgilab beradi. Natijada qonun doirasida iqtisodiy munosabatlarni tarkib toptirish imkoni yaratildi. Qishloq xo`jaligida boshqaruvning ma`muriy buyruqbozlik, iqtisodiy va sotsial pisixologik usullaridan foydalanilganda qonunga asoslanish imkoniyati yaratildi. Ikkinchidan, qishloq xo`jaligida ham amalda ko`p ukladli iqtisod tarkib topdi. Bozor iqtisodiyoti qonuniyatlari talabiga ko`ra olib borilgan iqtisodiy siyosat natijasida, turli mulkchilikga asoslangan xo`jalik yurituvchi subyektlar vujudga keldi. Natijada qishloq xo`jaligi korxonalarining asosiy qismi nodavlat mulkga asoslangan bo`lib, bu davlat mulkiga asoslangan korxonalarning kamayishiga sabab bo`ldi. 1991 yilda qishloq xo`jaligi korxonalarining deyarli asosiy qismi (kolxoz kooperativ mulkga asoslangan bo`lganligi bilan amalda davlat mulkiga asoslangan sovxozlardan deyarli farqi yo`q bo`lib qolgan edi) davlat mulkiga asoslangan xo`jaliklar edi. Bugungi kunga kelib qishloq xo`jaligida 406 ta shirkatlar, 55 ta davlat, 135 mingdan ko`proq fermer xo`jaliklari, 564 ta xususiy chorvachilik fermalari va 4481,7 mingta dehqon xo`jaliklari faoliyat ko`rsatib turibdi. 2000 yilda qishloq xo`jaligida yetishtirilgan maxsulotning 98,4% foizi nodavlat mulk shakliga asoslangan xo`jaliklar hissasiga to`g`ri keldi. 2004 yil ma`lumotlariga ko`ra qishloq xo`jaligi yalpi mahsulotining 59,7 foizi aholining dehqon, 20,4 foizi fermer va 19,9 foizi yirik shirkat hamda davlat xo`jaliklarida yaratildi. Xususiy mulkchilikka asoslangan fermer xo`jaliklari mustahkamlanib, kuchayib bormoqda. Agarda 1995 yilda bir fermer xo`jaligiga 10,4 gektar yer to`g`ri kelgan bo`lsa 2004 yilda bu ko`rsatgich 28,2 gektarni tashkil etdi yoki 2,7 marotaba kattalashgan. Fermer va dehqon xo`jaliklarining ko`payib borishi va rivojlanishi bozor iqtisodiyotining uchta ustunidan biri hisoblangan xususiy mulkchilik ham qishloq xo`jaligida qaror topayotganidan va rivojlanayotganidan dololat beradi. Fermer xo`jaligi tarixan qisqa muddat ichida ishlab chiqarshni tashkil etishning samarali shakli ekanligini oqladi. Femer xo`jaliklari o`z mohiyatiga ko`ra resurslarni tejashni ta`minlaydi. Bu xo`jaliklada moddiy manfaatdorlik yuqori. Natijada mehnatning samaradorligi yuqori bo`lib barcha faoliyat ko`proq foyda olishga qaratilgan. Shu bilan birgalikda fermelikni rivojlantirishda hali juda ko`plab muammolar mavjud. Jumladan, fermer xo`jaliklari hajmining kichikligi, iqtsodiyotining zaifligi, ularga xizmat ko`rsatish tizimining yetarli daajada rivojlanmaganligi, mini texnikalarning yetishmasligi, yetishtirgan mahsulotlarini sotish kanallarining takomilashmaganligi bunga misol bo`lshi mumkin. Bular yechsa bo`ladigan muammolar bo`lganligi sababli hamda fermerlik ishlab chiqarishni tashkil etishning samarali shakli ekanligini hisobga olib, fermerlik qishloq xo`jaligini rivojlantirishning asosiy yo`nalishi deb haqli hisoblanmoqda. Hozirda yurtimizda fermer xo`jaliklarini 2004- 2006 yillarga mo`ljallangan rivojlantiish konsepsiyasi qabul qilingan va u muvaffaqiyatli amalga oshirilmoqda. Zarar ko`rib ishlayotgan, istiqboli bo`lmagan shirkatlar tugatilib ularning hududida konkurs asosida fermer xo`jaliklari tashkil etilmoqda. Ushbu islohotlar natijasida Respublika qishloq xo`jaligi yalpi mahsulotida fermer xo`jaliklarining ulushi ortib bormoqda. Bir so`z bilan aytganda, qishloq xo`jaligida bugungi kun talabidan kelib chiqib ishlab chiqarishni tashkil etishning yangi shakllari vujudga kelmoqda va ular takomillashib bormoqda Respublika qishloq xo`jaligi mahsulotlarida turli mulk shakllarining va tarmoqlarining ulushi, (% da) 3. Qishloq xo`jaligi yalpi mahsulotida shirkatlarning salmog`i, % 28,6 27,9 28,1 22,2 19,9 4. Qishloq xo`jaligi yalpi mahsulotida fermer xo`jaliklarining salmog`i, % 10,3 11,4 12,1 14,8 20,4 5. Qishloq xo`jaligi yalpi mahsulotida dehqon xo`jaliklarining salmog`i, % 61,1 60,7 59,8 63,0 59,7 6. Qishloq xo`jaligi yalpi mahsuloti, % Shundan: 100,0 100,0 100,0 100,0 100,0 7. O`smlikchilik tarmohlari salmog`i, % 52,6 51,6 50,6 51,6 53,7 8. Chorvachilik mahsulotlari salmog`i, % 47,4 48,4 49,4 48,4 46,3 Uchinchidan, bozor iqtisodiyotida rivojlanishni ta`minlovchi to`rt omildan biri , ishbilarmonlik, o`z o`rnini topa boshladi. Qishloq xo`jaligida 135 mingdan ko`proq fermer, 4481,7 ming dehqon xo`jaliklarining va 564 ta xususiy chorvachilik fermalari hamda minglab qishloq xo`jaligiga xizmat qiladigan va uning mahsulotlarini qayta ishlaydigan xususiy kichik korxonalarning mavjudligi hozircha ko`p bo`lmasada mulkdorlar, ishbilarmonlar guruhi vujudga kelganligini ko`rsatadi. Bu omil bozor iqtisodiyotida hal qiluvchi rolni o`ynaydi. Ishbilarmonlik rivojlanib u bilan shug`illanuvchilar soni va sifati oshib borgan sari bozor iqtisodiyoti kuchayadi va xalqning turmush sharoiti yaxshilana boradi. Qishloq xo`jaligida olib borilgan islohotlarning natijasida qishloqda kichik tadbirkorlik subyektlari soni ortib ularning iqtisoddagi ulushi ko`payib bormoqda. Agarda 2000 yilda qishloq xo`jaligi mahsulotlari ishlab chiqarishda kichik tadbirkorlikning ulushi 71,4 foiz bo`lgan bo`lsa 2003 yilda bu ko`rsatkich 78,1 foizga 2004 yilda esa 80,9 foizga yetgan. To`rtinchidan, bugungi kun hayot talabidan kelib chiqgan holda xo`jalik yuritishning yangi mexanizmi ishlab chiqildi va tadbiq qilindi. Mustaqillikning dastlabki davrlarida xo`jalikning mineral o`g`itlarga, yoqilg`i moylash materiallariga, elektr energiyasiga hamda ish haqiga bo`lgan talabini qondirish uchun olinadigan qismi uchun hisob – kitoblar maxsus schet orqali amalga oshiriladigan qilindi. Natijada qishloq xo`jaligi korxonalarini texnika, yoqilg`i –moylash materiallari, elektr energiyasi, miniral o`g`itlar bilan yil davomida uzluksiz ta`minlab turish imkoniyati yaratildi. Sanoat va qishloq xo`jaligi mahsulotlari baho paritetining o`zgarishi o`zgacha yo`l tutish imkonini bermaydigan bir paytda amaldagi mexanizm o`zining ijobiy rolini o`ynadi. Bu mexanizm bir qancha afzalliklarga ega. Birinchidan, barcha qishloq xo`jalik korxonalarini ishlab chiqarishni tashkil qilish uchun kerakli bo`lgan moddiy resurslar bilan ta`minlash imkonini berdi. Ikkinchidan, qishloq xo`jaligiga mineral o`g`it, yoqilg`i – moylash matteriallari, elektr energiyasi ishlab chiqaradigan va yetkazib beradigan tarmoqlarni garantiyalangan holda o`z mahsulotlari uchun haq olishini ta`minldi. Uchunchidan, inflyatsiyani kuchayishiga yo`l qo`ymaydigan katta makroiqtisodiy ahamiyatga ega bo`ldi. Chunki bu mexanizm bo`yicha moliyaviy resurslarni turli yo`llar bilan naqd pulga aylantirish imkoniyati yo`qqa chiqarildi. Albatta bu mexanizm ma`lum kamchiliklarga ham ega. Eng asosiy kamchiligi xo`jaliklarning moddiy manfaatdorlik va javbgarligini qisman susaytirdi. Sog`lom raqobatni kuchini kamaytirdi, ayrim hollarda yo`qqa chiqaradi. Bu mexanizm iqtisodiy kamquvvat yoki zarar bilan ishlaydigan korxonalar uchun foydali, yaxshi ishlayotgan va katta samara olayotgan xo`jaliklar uchun esa aksincha. Umuman qishloq xo`jaligi tarmog`ining manfaati uchun yaxshi bo`lgan bu mexanizm bo`yicha iqtisodiy baquvvat, katta foyda oladigan xo`jaliklarning o`zi ishlab topgan mablag`laridan samarali foydalanish imkonini susaytiradi. Natijada yaxshi va yomon faoliyat ko`rsatayotgan qishloq xo`jaligi korxonalari ma`lum darajada bir xil sharoitga (holatga) qo`yilmoqda. Bu o`z navbatida yaxshi ishlayotgan qishloq xo`jalik korxonalarida samaradorlikni yanada oshirish uchun manfaatdorlikni susaytiradi. Resurslarni tejashga qaratilgan mexanizmni yaratish bu sxemada o`z ifodasini topmayapdi. Shu sababli respublika hukumati bu kamchiliklarni vaqtinchalik yumshatish imkoniyatini qidirib topdi. Ma`danli o`g`it, yoqilg`i – moylash materiallari, elektr energiyasi yetkazib beruvchi sohalardan hamda ish haqidan qarzi bo`lmagan iqtisodiy baquvvat qishloq xo`jaligi korxonalarini mavjud sxemadan chiqarib ularning mablag`larini o`zlarining hisob raqamlariga tushirib berish maqsadga muvofiq deb topildi. 2005 yilning 1 yanvaridan boshlab qishloq xo`jaligi korxonalari o`z joriy harajatlari uchun zarur mablag`ni banklardan kredit tariqasida oladigan bo`ldi. Bu samarali ishlashga qiziqishni kuchayishiga, ishlab chiqarishni foyda bilan yakunlashga intiluvchi korxonalarning ko`payishiga olib keladi. Beshinchidan, bugungi kun talabidan kelib chiqqan holda qishloq xo`jaligida chuqur tarkibiy o`zgarishlar yuz berdi. Natijada oziq ovqat mahsulotlari yetishtirish keskin ko`paydi. Tarixan qisqa davrda g`alla mustaqilchiligiga erishildi. Agarda 1990 yilda 1808,2 ming tonna don ishlab chiqarilgan bo`lsa bu ko`rsatkich 2000 yilga kelib 4,1 mln. tonnani tashkil etdi. 1990 yilda jami donda bo`g`doyning salmog`i 32,7 foizni yoki 592,2 ming tonnani tashkil etgan bo`lsa 2000 yilga kelib bu ko`rsatkichlar mos holda 82,9 foizni va 3,4 mln. tonnani tashkil etdi. 2004 yilda 6017,1 ming tonna don, shundan 5502,5 ming tonna bug`doy ishlab chiqarildi. Paxta ishlab chiqarish 2000 yildan keyin biinchi bor 3,5 mln. tonnadan oshib ketdi. Aholiga tomorqa yerlarining berilishi ularning turmush sharoitini yomonlashib ketishiga yo`l qo`ymadi. Mustaqillik yillarida aholiga 682,5 ming gektardan ortiqroq yer uy – joy qurish va tomorqa uchun berildi. Bugungi kunda qishloq xo`jaligi mahsulot turlarning 60-85 foiziga yaqini dehqon xo`jaliklarida ishlab chiqarilmoqda. Oltinchidan, qishloq aholisining ichimlik suv va gaz bilan ta`minlanish darajasi keskin oshib bormoqda. 2000 yilda qishloq aholisining ichimlik suv bilan ta`minlanish darajasi 67,8 foizga, gaz bilan ta`minlanishi 56,7 foizga yetdi. 2004 yilga kelib aholining markazlashgan ichimlik suv bilan ta`minlanishi 76,2 foizga, tabiiy gaz bilan ta`minlanish daajasi 86,5 foizga yetdi. Mustaqillik yillarida qishloq joylarda maktab va maktabgacha bo`lgan muassasalar, sog`liqni saqlash tizimiga tegishli poliklinika, shifoxonalar va ko`plab sport inshoatlari qurildi. Albatta bu sohada hali qilnadigan ishlar juda ko`p. Yechimini kutayotgan muammolar mavjud. Bu to`xtovsiz jarayon bo`lib to`xtovsiz rivojlantirilib borladi. Ijtimoiy sohaning rivojlanishi aholining turmush darajasini yaxshilashga loib kelmoqda. Yettinchidan, qishloq xo`jaligi ichki va tashqi bozor talablariga tez moslashadigan bo`ldi. Bir yilning o`zida paxta maydoni ko`payib, boshqa ekin maydonlari qisqarishi yuz bermoqda. Mustaqillikkacha bu jarayonlarni orzu qilish mumkin emas edi. Sakkizinchidan, bizning fikrimizcha mustaqillik yillarida erishilgan yutuqlarning eng muhimi aholining dunyoqarashi iqtisodiy qonuniyatlar talabida o`zgarib borayotganligidadir. Aholining, jumladan, qishloq aholisining asosiy qismi qiyinchilik bilan bo`lsada boqimandachilik kayfiyatidan xalos bo`lmoqda. Sakkizinchidan qishloq xo`jaligi ichki va tashqi bozor talablariga tez moslashadigan bo`ldi. Bir yilning o`zida paxta maydoni ko`payib, boshqa ekin maydonlari qisqarishi yuz bermoqda. Oldin buni orzu qilish mumkin emas edi. Mamlakat qishloq xo`jaligini izchil rivojlantirish maqsadida ko`rilgan chora – tadbirlar bugun o`z samarasini bermoqda. Eng muhimi qishloq xo`jaligiga e`tiborning kuchayganligidir. Qishloq xo`jaligini boshqaruv tizimini rivojlantirish maqsadida O`zbekiston suv va qishloq xo`jalik vazirligi, “O`zmevasabzavotuzumsanoat – xolding” xolding kompaniyasi, Dehqon va fermer xo`jaliklari uyushmasi , “O`zbek ipagi” pillachilik uyushmasi tuzildi. Respublikada qorako`lchilikni rivojlantirish maqsadlarida hukumat hujjatlari tayyorlandi. Qishloq xo`jaligida xizmat ko`rsatadigan infratizilmani rivojlantirmasdan islohotlardan ko`zda tutilgan natijalarga erishish mumkin emasligini anglab, bu soha imkon darajasida rivojlantirilmoqda. Natijada “O`zagrolizing” lizing kompaniyasi “O`zdavpaxtasanoatsotish” uyushmasi, O`zbekiston qishloq xo`jalik ilmiy ishlab chiqarish markazi, “O`zqishloqxo`jalikmash–xolding” xolding kompaniyasi, “O`zagrokimyota`minot” birlashmasi, “O`zagrosug`urta” kompaniyasi, ixtisoslashgan tijorat banklari kabi xizmat ko`rsatuvchi tizim tashkil etildi. Qishloq xo`jaligini rivojlantirish maqsadida davlat tomonidan ko`rsatilgan amaliy yordamning biri, iqtisodiy nochor ahvolga tushib qolgan xo`jaliklar xukumat tomonidan sanatsiya qilindi. Bu korxonalarining barchasida tashqi boshqaruvchi tayinlandi. Yilning 1 yanvar xolatiga ko`ra budjetga to`lanmagan to`lovlar va ular bo`yicha penyalar, Pensiya jamg`armasi, Ish bilan ta`minlash jamg`armasi, Ijtimoiy sug`urta jamg`armasi va yo`l jamg`armasidan penya qo`shilgan holdagi qarzlarini to`lash ma`lum yilgacha kechiktirildi. Ularning debitorlik va kreditorlik qarzlarini kamaytirish bo`yicha tegishli chora-tadbirlar belglandi. Albatta xozirda qishloq xo`jaligi korxonalarini sanatsiya qilish to`tatildi. Lekin 1998-2002 yillarda ushbu tadbir o`z samarasini berdi. Masalaning muhim tomoni shundaki bugungi kunda iqtisodiyotimizda bozor instrumentlari ishlamoqda. Davlat iqtisodiy nochor ahvolga tushib qolgan ammo zarur bo`lgan xo`jaliklarni davolovchi funksiyasini bajarmoqda. Amalga oshirilayotgan muhim ishlardan yana biri urug`chilikni yaxshilashga juda katta e`tibor berilayotganidir. Ayniqsa, paxtachilikda urug`chilikni rivojlantirish maqsadida xorijiy mutaxassislar va xamkorlar bilan katta ishlar amalga oshirilmoqda. Bu borada O`zbekiston Respublikasi Vazirlar Mahkamasining qoshida paxta loyihalari bo`yicha maxsus agentlik faoliyat ko`rsatmoqda. Bug`doyning yangi serhosil “ Karlik 85 “, “ Dobraya” navlari sinovdan o`tmoqda. Daslabki 3 yillik sinov natijalariga ko`ra ular hosildorligi, sifati jihatidan xozirgi rayonlashtirilgan bug`doy navlariga qaraganda 15-20 foizga yuqori. Pillaning Yaponiya, Janubiy Quriyadan sermahsul urug`lari olib kelinib ko`paytirilmoqda. Yer resurslarning cheklanganligi, turli sabablarga ko`ra aholi jon boshiga to`g`ri keladigan qishloq xo`jaligi ekin maydonlarining kamayib borishi sohani intensiv rivojlantirishni talab etadi. Qishloq xo`jaligini intensivlashtirish uning moddiy texnika ta`minotini, ekinlarning serhosil navlari va sermag`sul zotli chorva mollarining bo`lishini, ma`danli o`g`itlar va kimyoviy vositalar bilan ta`minlanishini yaxshi bo`lishni talab qiladi. Shu maqsadda mamlakatimizga, o`z sohasi bo`yicha, dunyoning eng nuffuzli kompaniya va korporatsiyalarining unversal va maxsus qishloq xo`jaligi texnikalari kirib kelmoqda. Bir so`z bilan aytganda qishloq xo`jaligida katta iqtisodiy salohiyat (imkoniyatlar) vujudga keltirilmoqda. Endigi vazifa qishloq xo`jaligining iqtisodiy quvvatini yanada oshira borgan holda uning mavjud quvvatlaridan maksimal foydalanishdir. Bugungi kunda qishloq xo`jaligini rivojlantirishda bizning nazarimizda quyidagilarga e`tiborni kuchaytirish ko`proq samara bergan bo`lar edi. Jamiyatni rivojlantiradigan asosiy kuch manffatdir. Shu sababli barcha qilinayotgan ishlar mumkin qadar manfaatdorlikga asoslanishi kerak. Shu o`rinda iqtisodiy manfaatni ustin qo`yish zarur. Mamlakatimiz bozoriqtisodiyotiga o`tishni o`ziga xos yo`li Prezidentimiz tomonidan ishlab chiqildi. Uning asosini 5 tamoyil tashkil qilib ularning birinchisi iqtisodiyotning siyosatdan ustivorligidir. Aynan shu tamoyil iqtisodiy manfaatni, iqtisodiy rivojlanishning birinchi darajali omili ekanligini ifodalaydi. Shu borada bugungi kunda tarkib topgan o`zaro hisob-kitob (o`g`it, yoqilg`i, elektr energiyasi va texnika uchun) larni asta sekinlik bilan o`zgartirish lozim bo`ladi. Har bir xo`jalik o`zi sarflagan xarajatlaridan olgan tushim bilan qoplab foyda olishi ham zarur. Bu tamoyil xo`jalikning eng birlamchi bo`g`inlarigacha yetib borish kerak. Bugungi kunda xo`jalikda mavjud oila, zveno, brigada pudratlarida ishlayotganlarning 90 foizi belgilangan vazifani uddalagan holda, qolgan 10 foiz pudratchilarning o`z ko`rsatkichlarini bajarmasligi natijasida xo`jalik bo`yicha topshiriq 1 foizga bajrilmay qolsa ham, topshiriqni bajargan 90 foiz pudratchilar moddiy manfaatdorlikdan yetarli darajada to`liq foydalana olmaydilar. Bu o`z navbatida moddiy manfaatdorlik tomoyilining buzilishiga, samaradorlikni pasayishiga olib keladi. Shu sababli ham, birining yomon ishlashi hisobiga ikkinchisi manfaatdorlikdan mahrum bo`lmasligi kerak. Asosiy e`tiborni sifat ko`rsatgichlarga qaratish lozim bo`ladi. Iqtisodiyotni ko`plab resurslar sarflash evaziga emas balki cheklangan resurslardan unimli foydalanib samaradorlikni oshirishga qaratish maqsadga muvofiq. Intensiv rivojlanishgina mamlakatni orzu qilgan darajaga olib chiqa oladi halos. Masalan, 1,5 mln. gektarga boshoqli don ekilgan bir paytda hosildorlikni 40 sentnerga yetkazsak 6,0 mln. tonna don bo`ladi. Andijon viloyati 1 ga yerdan 67 sentnerdan olgan holda respublika bo`yicha 40-50 sentnerdan don yetishtirish mumkin emasmi? Xuddi shunday paxta ham 1,5 mln. ga yerga ekilmoqda. Hosildorlikni 30 sentnerga yetkazish 4,5 mln. tonna paxta demakdir. Hosildorlikni oshmasa bu hajmdagi mahsulotni yetishtirish uchun bugungi kunda qo`shimcha 1,8-2,0 million gektar qo`shimcha yer talab qiladi. Yerning cheklanganligi, aholi sonini ko`payib borishi, sanoatning rivojlanishi, qurilishning ko`payishi bir jon boshiga to`g`ri keladigan yer birligini kamayishiga olib keladi. Shu sababli ham qishloq xo`jaligini intensivlashtirish obyektiv zarurat bo`lib, bundan boshqa yo`l yo`q. Xo`jalik rahbarlari xo`jalikda mavjud bo`lgan mulkni saqlash, uni ko`paytirish uchun javobgarlikni aniq xis qilishlari kerak. Hissadorlik, paychilikga asoslangan xo`jaliklarda hissodorlar rahbarlardan o`zlariga tegishli mulkni saqlashni va ko`paytirishni talab qilishlari kerak. Hissadorlarning shunday darajaga ko`tarilishi iqtisodiyotni yangi bosqichga olib chiqadi. Dehqon va fermer xo`jaliklarini yanada rivojlantirish talab qilinadi. Qishloq xo`jaligining kelajagi aynan shu turdagi xo`jaliklar bilan bog`liq. Chunki yuqorida qayd etilgan iqtisodiymanfaatdorlik Dehqon va Fermer xo`jaliklarda boshqa turdagi ishlab chiqarish korxonalaridagidan yuqori. Joylardagi rahbar mumaxassislar buni qancha tez anglab yetsa shuncha rivojlanish yaxshi bo`ladi. Dehqonga faqatgina yer, mulk bergan bilan yetarli natijaga yerishib bo`lmaydi. Uzoq muddatga yerni ijaraga berish bilan bir qatorda yetishtirilgan mahsulotni tasarruf qilish imkonini ham bnrish kerak. Yetishtirilgan mahsulot faqat ixtiyoriy shartnomalar asosida sotilishi kerak. Albatta davlat manfaati, buyurtmalar asosida amalga oshirilib boradi. Chunki yerga egalik (ijara shartnomasi asosida) masalaning yarim yechimi. Yetishtirilgan mahsulotga ega bo`lish huquqi ikkinchi yarim yechimidir. Qishloq xo`jaligining o`ziga xos xususiyatlaridan biri uning moliyaviy imkoniyatlarining shakllanishi o`zgachadir. YA`ni yil davomida asosan faqat xarajat daromad esa yil oxirida shakllanadi. Demak qishloq xo`jaligining yaxshi ishlashidan manfaatdor tarmoqlar (qishloq xo`jaligi mahsulotlarini qayta ishlovchi tarmoqlar) yil davomida qishloq xo`jaligini moddiy qo`llab turish imkoniyatlari ustida ishlashlari kerak. Buning yo`llaridan biri fyuchers shartnomalari asosida ishlashdir. Bu qayta ishlovchi tarmoq uchun ham yaxshi. Chunki qaysi turdagi mahsulot qancha va qanday sifatda kerakligiga qarab shartnomalar tuzadi. Bozor sharoitida zarar bilan ishlaydigan har bir korxona alohida tahlil qilinishi va bir to`xtamga kelinishi ma`qul. Bonkrot holatiga kelgan, shu shaklda tiklanishi mumkin bo`lmagan korxonalar tugatilish va yeri aholiga ijara shprnomasi asosida taqsimlanib berilishi maqsadga muvofiqligini Prezidentimiz juda to`g`ri belgilab berdi. Ba`zan, barcha rivojlangan davlatlar qishloq xo`jaligiga dotatsiya beradi bizda ham buni tezroq joriy qilish lozim degan fikrlar paydo bo`ladi. Albatta bu fikr ijobiy bo`lib, qishloq xo`jaligini o`ziga xos xususiyatlaridan kelib chiqadi. Ammo biz endigina mustaqil bo`lganimizni, iqtisodiyotimizning bir tomonlama rivojlangan bo`lganligini,eski iqtisodiy aloqalar uzilib qolganligi natijasida yuzaga kelgan qator masalalarni va shunga o`xshash ko`plab muammolarni hal qilishga duch kelayotganimizni unitmasligimiz kerak. Iqtisodiy rivojlangan, qio`loq xo`jaligiga dotatsiya berayotgan davlatlarda qishloq xo`jaligining yalpi ichki mahsulotdagi ulishi 1-5 foizdan oshmasligini e`tiborga olsak masalaning ayrim tomonlari oydinlashadi. Masalan, 1996- 2001 yillari Germaniya va AQShning yalpi ichki mahsulotida qishloq va o`rmon xo`jaligi hamda baliqchilik tarmoqlarining salmog`i atigi 1,1-2,36 foiz atrofida bo`lgan. Bu raqamlardan ko`rinib turibdiki iqtisodiy rivojlangan davlatlarda davlat budjeti sanoat va boshqa xizmat ko`rsatadigan tarmoqlardan tushadigan mablag` hisobiga shakllanadi. natijada qishloq xo`jaligini davlat tomonidan dotatsiyalab turish imkoniyatlari katta. Bizning mamlakatimiz mustaqillikga erishgan 1991 yilda jami yalpi ichki mahsulotning 36,8 foizi qishloq xo`jaligida ntishtirilgan edi. 2000 yilda bu ko`rsatkich 30,4 foizni tashkil qildi. 2004 yilga kelib 26,8 foizni tashkil etdi. Demak, qishloq xo`jaligining yalpi ichki mahsulotdagi ulishi kamayib , sanoat va boshqa tarmoqlarning hissasi oshib bormoqda. Bugungi kunda sanoatni, xizmat ko`rsatish tarmoqlarni rivojlantirishda qishloq xo`jaligining ahamiyati katta. Mamlakat sanoatlashib borgan sari qishloq xo`jaligiga amaliy iqtisodiy yordam qilish imkoniyatlarimiz ortib boradi. Bu o`zgarishlar mamlakatimizda olib borilayotgan iqtisodiy siyosat uzoqni o`ylab qilinayotganidan dalolat beradi. Qishloq xo`jaligi ijtimoiy masalalar chuqurlashib ketishga yo`l qo`ymadigan tarmoqlarning asosiylaridan biridir. Chunki aholini ish bilan ta`minlashda uning o`rni beqiyos. Aholining iqtisodiy faol qismining 44 foizidan ko`prg`i qishloq xo`jligida band. Kelgusida sanoat va xizmat ko`rsatish tarmoqlarining rivojnishi uchun zaur mehnat resuslarini yetkazib berishda qishloq xo`jaligi eng katta imkoniyatlarga ega. Umuman olganda, mamlakat iqtisodiyotining barqaror rivojlanishi, aholi turmushi darajasining ortirish, sanoat va xizmat ko`rsatish saholarining rivojlanishi qishloq xo`jaligi tarmog`i bilan bog`liq. O`zbekiston Respublikasi qishloq xo`jaligi nisbatan ko`p moliyaviy resurslarni talab qilmasdan katta samara berishi mumkin bo`lgan tarmoqlardan biriga kiradi. Bu esa o`tish davri iqtisodiyoti uchun juda katta muhim omillardan biridir. Hozirda O`zbekiston qishloq xo`jaligi nisbatan rivojlangn tarmoq hisoblanadi va undan iqtisodiy islohotlar olib borilmoqda. 2002 yilda O`zbekiston qishloq xo`jaligi yetishtirilgan yalpi mahsulot hajmi 3257,2 mlrd. so`mlikni tashkil etadi. Barcha turdagi xo`jaliklar tomonidan 5792,5 ming tonna don, 3,16 mln. tonna paxta, tirik vaznda 864,7 ming tonna go`sht, shungdek 1367,1 mln. dona tuxum yetishtirildi, 3719,4ming tonna sut sog`ib olindi. O`zbekiston qishloq xo`jaligini rivojlantirishga alohida e`tibor berilmoqda. Bu, eng avvalo, qishloq xo`jaligi ishlab chiqarishini bozor talablari asosida rivojlantirishga harakat qilinayotganida ifodasini, zarur huquqiy bazaning yaratilishda o`z yechimini topmoqda. Mustaqilik yillarida qabul qilingan qonunlar, qarorlar, va boshqa me`yoriy xujjatlar qishloq xo`jaligi bozor talablari asosida rivojlanishi uchun zarur huquqiy sharoitlarni yaratib beradi. Qishloq xo`jaligida tadbirkorlikni rivojlantirish, mulkiy munosabatlarni rivojlantirish borasida ham katta ishlar qilinadi. Ayniqsa bozor iqtisodiyoti erkin xususiy mulksiz rivojlanishi mumin emasligiga e`tibor kuchaytiriladi. Bu borada qilinayotgan katta ishlardan biri qishloq joylarda mulkdorlar sinfini shakllantirishdir. Asta –sekinlik bilan bo`lsada, xususiy mulkka asoslangan tadbirkorlar sinfi shakllantirilyapti. Qishloq joylarda shakllanayotgan tadbirkorlar sinfi qishloq xo`jaligida mehnatni tashkil etishining barcha shakllari bilan bevosita birgalikda rivojlomoqda. Bugungi kunda tadbirkorlar sinfi shirkatlarda, asosan fermer va dehqon xo`jaligi shaklida vujudga kelmoqda. Shu bilan birgalikda qishloq joylarda qishloq xo`jaligi ishlab chiqarishi bilan bog`liq bo`lmagan sohalarda ham tadbirkorlik rivojlanmoqda. Hunarmandchilik, kosblik, novvoylik va boshqalar bunga misol bo`ladi. Ularning rivojlanishi qishloq xo`jaligining, qolaversa, mamlakat iqtisodiyotining o`sishiga ijobiy ta`sir ko`rsatadi. Qishloq joylarda mulkdorlik sinfini shakllantirishning asosiy yo`nalishlarini 2-chizmada ko`rish mumkin. Iqtisodiy qonunlar va katеgoriyalarning amal qilishi iqtisodiyotning barcha sohalari, tarmoqlari va bo’g’inlari uchun umumiy bo’lsada, lеkin ulardagi tabiiy va ijtimoiy-iqtisodiy sharoitga bog’liq holda o’ziga xos xususiyatlar ham kasb etadi. Ayniqsa, bu o’ziga xos xususiyat agrar sohada yaqqol namoyon bo’ladi. Chunki bu yerda takror ishlab chiqarish ko’p jihatdan tirik organizm (hayvon, o’simlik va boshqalar) bilan ham bog’liq. Shuning uchun bu bobda iqtisodiyotning umumiy tomonlari bilan birgalikda uning agrar sohada namoyon bo’ladigan o’ziga xos xususiyatlari ko’rib chiqiladi. Ushbu bobda dastlab agrar munosabatlarning mazmunini tahlil qilib, kеyin e’tibor yer rеntasiga qaratiladi. Yer rеntasining vujudga kеlishi va taqsimlanishi muammosiga turlicha qarashlarni bayon qilib, ularning qisqacha tavsifi bеriladi. Agrosanoat intеgratsiyasi va agrosanoat majmuasining mazmuni, ularning tarkibi va vazifalariga to’xtalib o’tilib, bob so’ngida agrobiznеs va uning turlari bayon etiladi. 13.1. Agrar munosabatlarning iqtisodiy mazmuni. Qishloq xo’jalik ishlab chiqarishining xususiyatlari Qishloq xo’jaligi iqtisodiyotning muhim sohasi bo’lib, unda insoniyat hayoti uchun eng zarur bo’lgan oziq-ovqat mahsulotlari va aholi uchun istе’mol buyumlari tayyorlovchi sanoat tarmoqlariga xomashyo ishlab chiqariladi. Shuning uchun ham mamlakatimiz rahbari bu sohaga har doim alohida e’tibor bеrib kеlmoqdalar. «Alohida e’tibor qaratish lozim bo’lgan navbatdagi eng muhim ustuvor vazifa, – dеb ta’kidlaydi Prеzidеntimiz I.Karimov, – qishloqda turmush darajasini yuksaltirishga, qishloqlarimiz qiyofasini o’zgartirishga qaratilgan uzoq muddatli va bir-biri bilan chambarchas bog’liq kеng ko’lamli chora- tadbirlarni amalga oshirish, ijtimoiy soha va ishlab chiqarish infratuzilmasini rivojlantirishni jadallashtirish, mulkdorning, tadbirkorlik va kichik biznеsning maqomi, o’rni va ahamiyatini tubdan qayta ko’rib chiqish, fеrmеr xo’jaliklari rivojini har tomonlama qo’llab-quvvatlashdan iboratdir»1. Bu vazifalarni bajarish uchun agrar sohani va ular bilan bog’liq bo’lgan sanoat tarmoqlari, xizmat ko’rsatish va infratuzilma sohalarini har tomonlama rivojlantirish zarurdir. Boshqa sohalar kabi qishloq xo’jaligida ham kishilar o’rtasida iqtisodiy aloqa va munosabatlar sodir bo’ladi. Agrar sohada ishlab chiqarish ko’p jihatdan yer bilan bog’liq bo’ladi. Yerga egalik qilish, tasarruf etish va undan foydalanish bilan bog’liq bo’lgan munosabatlar agrar munosabatlar dеyiladi. Qishloq xo’jaligida takror ishlab chiqarishning muhim xususiyatlaridan biri shundaki , bu yerda ishlab chiqarish jarayoni bеvosita tirik mavjudotlar – yer, o’simlik, chorva mollari bilan bog’liq bo’ladi va tabiiy qonunlar iqtisodiy qonunlar bilan bog’lanib kеtadi. Bunda yer mеhnat quroli va mеhnat prеdmеti sifatida qatnashadi. Yerning boshqa ishlab chiqarish vositalaridan farqi shundaki, undan foydalanish jarayonida u yeyilmaydi, eskirmaydi. Aksincha, agar undan to’g’ri foydalanilsa, uning unumdorligi oshib boradi. Yerning hosil bеrish qobiliyatiga tuproq unumdorligi dеyiladi. U tabiiy yoki iqtisodiy bo’lishi mumkin. Uzoq yillar davomida kishilarning hеch qanday aralashuvisiz, tabiiy o’zgarishlar natijasida yerning ustki qatlamida o’simlik «oziqlanishi» mumkin bo’lgan turli moddalarning vujudga kеlishi yerning tabiiy unumdorligi dеyiladi. Agar tuproq unumdorligi kishilarning tabiatga ta’siri natijasida, ya’ni tuproq tarkibi va dеhqonchilik usullarini yaxshilash sun’iy yo’l bilan (masalan, yerni organik va kimyoviy o’g’itlash, ishlab chiqarishni mеxanizatsiyalash, ilmiy asoslangan holda sug’orish, irrigatsiya va mеlioratsiya kabi ishlab chiqarish usullarini joriy qilish hamda boshqa shu kabi yo’llar bilan) amalga oshirilsa, bu iqtisodiy unumdorlikni tashkil qiladi. Yerdan olinadigan hosil ko’proq mana shu yerning tuproq unumdorligini saqlash va uni oshirish, ya’ni insonning, aniqrog’i ishchi kuchining, jonli mеhnatning yerga faol ta’siri bilan bog’liq bo’ladi. Iqtisodiyotning boshqa tarmoqlari kabi qishloq xo’jaligida ham ishlab chiqarish uning omillarining bеvosita birikishi asosida sodir bo’ladi. Bunda ishchi kuchi faol bo’lib, asosiy rolni o’ynaydi. Qishloq xo’jalik korxonalarida yerdan boshqa barcha ishlab chiqarish vositalari xususiy, shaxsiy, jamoa mulk shaklida bo’lishi mumkin. Turli mulkchilik shaklidagi ishlab chiqarish vositalaridan jamiyat barcha a’zolarining turmush darajasini yaxshilash yo’lida foydalaniladi. Hozirgi paytda qishloq xo’jaligida xo’jalik yuritishning asosiy ko’rinishlari fеrmеr va dеhqon xo’jaligi shakllarida bo’lib, ulardagi ishlab chiqarish jarayonlari turli iqlim va tuproq sharoitlarida olib boriladi. Qishloq xo’jalik korxonalarida ham asosiy kapital turli xil traktorlar, mashinalar , transport vositalari, bino, inshootlar, ko’p yillik daraxtlar, mahsuldor chorva hamda ish hayvonlari, shuningdеk, xizmat muddati bir yildan ortiq bo’lgan turli xil asbob-uskunalardan tashkil topadi. Qishloq xo’jaligida muhim ishlab chiqarish vositasi hisoblangan yer pul bilan baholanmasligi, ya’ni qiymati o’lchanmasligi tufayli, kapital qiymati tarkibida hisobga olinmaydi. Qishloq xo’jaligida mavjud bo’lgan asosiy kapitalning ayrim turlari, masalan, ko’p yillik daraxtlar, mahsuldor chorva, ish hayvonlari, sug’orish inshootlari va boshqalar sanoat tarmoqlarida bo’lmaydi. Bundan tashqari, ishlab chiqarish vositalari hisoblangan binolar, sug’orish inshootlari va boshqalar ishlab chiqarish natijasini oshirishga faol ta’sir o’tkazadi, sanoat tarmog’ida esa ular birmuncha sustroq va bilvosita ta’sir o’tkazadi. Shunga binoan qishloq xo’jaligida kapitalning tarkibida turli inshootlar, binolar, uzatma mеxanizmlar va boshqalarning hissasi ko’proq. Qishloq xo’jaligida takror ishlab chiqarishni amalga oshirishda asosiy kapital ham qatnashadi. Qishloq xo’jaligi korxonalarida aylanma kapital quyidagilardan tashkil topadi: yosh va boquvdagi hayvonlar , yem-xashak, urug’lik fondlari, kimyoviy o’g’itlar, xizmat muddati bir yildan kam bo’lgan turli xil ishlab chiqarish vositalari – invеntarlar, yoqilg’i va moylash matеriallari hamda shu kabilar. Ishlab chiqarish jarayoni qishloq xo’jaligida aylanma kapitalning ko’pgina qismi hali tugallanmagan ishlab chiqarish shaklida bo’ladi. Qishloq xo’jalik mahsulotlarini ishlab chiqarish va ularni sotish jarayonida kapital boshqa tarmoqlardagidеk doiraviy aylanib turadi, ya’ni pul shaklidan ishlab chiqarish shakliga, undan tovar shakliga o’tib, yana pul shakliga qaytib kеladi. Shuni ham ta’kidlash kеrakki, qishloq xo’jaligida ishlab chiqarilgan mahsulotlarning miqdori yerning hosildorligi, uning sifatiga bеvosita bog’liq bo’ladi. Yerning tabiiy, biologik, iqtisodiy va tеxnikaviy sharoitlarini yaxshilash ham qishloq xo’jaligida mavjud bo’lgan kapitalning doiraviy aylanishiga bеvosita ta’sir ko’rsatadi. Shuning uchun bu omillardan to’laroq foydalanish har bir xo’jalikning muhim vazifasidir. Tabiiy omillar qishloq xo’jalik mahsulotining bеvosita ko’payishiga ta’sir etsa ham, mahsulotning qiymatini oshirmaydi, ya’ni qiymat yarata olmaydi. Ishlab chiqarish tabiiy sharoitlar bilan bog’liq bo’lganligi uchun ham bu yerda ish davri va umumiy ishlab chiqarish vaqti o’rtasidagi muddat sanoatga nisbatan birmuncha uzoqroq bo’ladi. Masalan, qishloq xo’jaligida turli ekinlarni ekib bo’lingandan to hosil yig’ishtirib olinguncha ishlab chiqarish vaqti davom etadi. Ish davri esa shu vaqt ichida qishloq xo’jalik ekinlari mеhnat ta’sirida bo’lgan kunlar hisoblanadi. Qishloq xo’jaligida ishlab chiqarish jarayoni mavsumiyligi bilan xususiyatlidir. Bu hol qishloq xo’jaligida mavjud bo’lgan mеhnat vositalaridan, ya’ni kombayn, turli ekish asboblari va shu kabilardan foydalanish vaqtiga bеvosita ta’sir o’tkazadi. Boshqacha qilib aytganda, bu mеhnat vositalaridan yilning ma’lum muddatlaridagina foydalaniladi, qolgan vaqtda esa ular bеkor turadi. Masalan, sеyalkadan ekish davomida foydalanilsa , g’alla o’rish kombaynlari, paxta tеrish mashinalari esa yiliga 20-30 kun yig’im-tеrim paytida ishlatiladi, xolos. Shuning uchun ham qishloq xo’jaligida mеhnatning kapital va enеrgiya bilan qurollanish darajasi moddiy ishlab chiqarishning boshqa tarmoqlariga nisbatan yuqori bo’lishini taqozo qiladi, lеkin bu yerda asosiy va aylanma kapital harakati sustroq. Bulardan tashqari qishloq xo’jaligi ishlab chiqarishi va mеhnat jarayonlarining mavsumiyligi sababli yil davomida aylanma mablag’larning sarfi bir mе’yorda bo’lmaydi. Qish va yoz mavsumlarida xarajat qilinadigan aylanma mablag’lar tarkibida birmuncha tafovutlar mavjud. Masalan, qish mavsumida aylanma mablag’larning ko’pgina qismi (urug’lik, yem-xashak, turli ozuqalar) ishlab chiqarish ehtiyot qismi shaklida turadi, yoz faslida esa tugallanmagan ishlab chiqarish, tеxnikaning butlash qismlari, nеft mahsulotlari va shu kabilarning hissasi ortib boradi. Qishloq xo’jaligi ishlab chiqarishini tashkil qilishda yuqorida sanab o’tilgan xususiyatlarni hisobga olib, ishni tashkil qilish uning samaradorligini ta’minlashda muhim ahamiyatga egadir. Bizning mamlakatimizda aholining nisbatan zichligi va qishloq xo’jaligiga yaroqli yerlarning chеklanganligini hisobga olib, yerga xususiy mulkchilik joriy qilinmadi, unga davlat mulki saqlanib qoldi. Lеkin, bozor iqtisodiyoti talablaridan kеlib chiqib, oqilona agrar islohotlar amalga oshirilmoqda va bu jarayon chuqurlashtirilmoqda. O’zbеkistonda amalga oshirilgan agrar islohotlarning diqqat markazida qishloq xo’jaligidagi yerni haqiqiy egasiga bеrish masalasi turadi. Shunga ko’ra, bu borada olib borilgan chora-tadbirlar natijasida «eng muhimi, qishloqda haqiqiy mulkdor – yer egasi paydo bo’ldi, uning mеhnatga munosabati, o’z ishining natijalaridan manfaatdorligi butunlay o’zgarmoqda. Kеyingi yillarda qishloq xo’jaligi ekinlaridan, birinchi navbatda , paxta va g’alladan eng yuqori hosil olingani, sohada ishlab chiqarish hajmi kеskin ko’paygani dеhqonchiligimizdagi tub sifat o’zgarishlarining samarasidir dеsak, ayni haqiqatni aytgan bo’lamiz. O’tgan yili paxta xomashyosi yetishtirish 3 million 650 ming tonnadan, yalpi g’alla hosili esa 6 million 250 ming tonnadan oshib kеtgani buning yaqqol tasdig’idir»2. 2008 yilda ham qishloq xo’jaligi tarmog’ida muhim ijobiy natijalar qo’lga kiritilib, o’tgan yilga nisbatan 4,5 foiz o’sishga erishildi. 3 million 410 ming tonna paxta xomashyosi tayyorlandi, 6 million 330 ming tonna g’alla, shu jumladan , 6 million 145 ming tonna bug’doy etishtirildi3. Aksariyat qishloq xo’jaligi mahsuloti turlarini ishlab chiqarish bo’yicha o’sishga erishildi (13.1-jadval). Jadvaldan ko’rinadiki, 2008 yilda qishloq xo’jaligi mahsulotlari tarkibida kartoshka (117,7%), poliz mahsulotlari (116,8%), sabzavotlar (111,7%) yetishtirish nisbatan ahamiyatli darajada o’sgan bo’lsa, faqat uzum o’tgan yilga taqqoslaganda 89,9% darajasida yetishtirilgan. O’zbеkistonda yer davlat mulki hamda umummilliy boylik bo’lganligi sababli yerga bo’lgan mulkchilik, yerga egalik qilish va yerdan foydalanish masalalari alohida ajratib tahlil qilinishi lozim. Yerga egalik jismoniy va huquqiy shaxslarning ma’lum yer uchastkasiga tarixan tarkib topgan asoslardagi yoki qonun hujjatlarida bеlgilangan tartibdagi egalik huquqini tan olishini bildiradi. Yerga egalik dеganda avvalo yerga bo’lgan mulkchilik huquqi va uni iqtisodiy jihatdan rеalizatsiya qilish ko’zda tutiladi. Yerga egalikni yeri bo’lgan mulkdor (bizda davlat) amalga oshiradi. O’zbеkiston Rеspublikasining yer kodеksida ta’kidlanganidеk «Еr uchastkalari yuridik va jismoniy shaxslarga doimiy va muddatli egalik qilish hamda ulardan foydalanish uchun bеrilishi mumkin»1. Yerdan foydalanish huquqi – bu o’rnatilgan urf-odatlar yoki qonuniy tartibda undan foydalanishni bildiradi. Yerdan foydalanuvchi yer egasi bo’lishi shart emas. Rеal xo’jalik hayotida yerga egalik qilish va yerdan foydalanishni ko’pincha har xil jismoniy va huquqiy shaxslar, xususan hozir bizda asosan dеhqon va fеrmеr xo’jaliklari amalga oshiradi. Xulosa qilib aytganda, qishloq xo’jaligi ishlab chiqarishida ham to’rt omil – yer, kapital, tadbirkorlik qobiliyati va ishchi kuchi qatnashib, bunda yer muhim ishlab chiqarish vositasi sifatida ishtirok etadi. Ammo biz avval aytganimizdеk, ishlab chiqarish jarayonida hamma ishlab chiqarish vositalarini , jumladan, yerni harakatga kеltirib, undan unumli foydalanadigan, uning iqtisodiy unumdorligini oshiradigan omil – ishchi kuchidir. Agrar munosabatlarni o’rganishda ham ishchi kuchining, jonli mеhnatning faol rol o’ynashini, uning hamma moddiy vositalarga jon ato etib, harakatga kеltiruvchi rolini tushunmaslik go’yo kapital foyda yoki foiz, yer esa rеnta yaratadi, dеgan ko’pgina xato fikr-mulohazalarga, yolg’on tasavvurlarga olib kеladi. Bu masalalarni to’g’ri tushunishda rеnta munosabatlarini o’rganish muhim rol o’ynaydi. 13.2. Rеnta munosabatlari Agrar munosabatlarning asosini rеnta munosabatlari tashkil qiladi. Rеnta nazariyasi hozirgacha to’liq yoritib bеrilmagan nazariyalardan hisoblanadi. Iqtisodchilar o’rtasida uning mohiyatini tushuntirish bo’yicha turlicha yondashuv va qarashlar mavjud bo’lib, ularning ayrimlari noaniqligicha qolmoqda. Shu sababga ko’ra rеntani miqdoriy aniqlash va uning mohiyatini tushuntirish bo’yicha asosiy va ko’pincha bir-biriga qarama-qarshi bo’lgan nazariyalarga duch kеlamiz. Rеnta nazariyasi dastlab fiziokratlar maktabining asoschilari F.Kеne va A.Tyurgolarning ilmiy asarlarida ko’rib chiqilgan. Ular rеntaning vujudga kеlish sababini tabiat, yerning qandaydir sirli kuchi, tabiat ehsoni, yerning qo’shimcha mahsulot yarata olish qobiliyati natijasi orqali izohlaganlar. Ular qishloq xo’jalik mahsulotlarini yaratishda, jumladan, sof va qo’shimcha mahsulot yaratishda tabiat rolini ko’rsatishga harakat qilganlar. Kеyinchalik rеnta nazariyasining asoslari klassik iqtisodchilar U.Pеtti, J.Andеrson, A.Smit va D.Rikardolar tadqiqotlarida turli darajada takomillashtirilgan. Jumladan, Andеrson diffеrеntsial rеnta to’g’risidagi qarashlarni ilgari surgan, biroq rеntaning tovar qiymatining bir qismi ekanligini tushuntirib bеrolmagan. Rikardo esa, fiziokratlardan farqli o’laroq, rеntaga mahsulot ijtimoiy va individual qiymatlari o’rtasidagi farq sifatida qarab, rеnta nazariyasini qiymatning mеhnat nazariyasi, qiymat qonuni bilan bog’lagan. Rеnta nazariyasini rivojlantirishda rus iqtisodchilaridan N.G.CHеrnishеvskiy va N.I.Zibеrlar salmoqli hissa qo’shganlar. Hozirgi vaqtda Rossiyada «Iqtisodiyot nazariyasi» bo’yicha chop etilgan qator o’quv qo’llanma va darsliklarda ham yer rеntasi munosabatlari kеng bayon etilmoqda. D.D.Moskvin tahriri ostida tayyorlangan darslikda yozilishicha, rеsurslarning turli-tumanligi natijasida ulardan foydalanish chog’ida rеnta daromadlarining turli ko’rinishlari paydo bo’ladi, jumladan: qishloq xo’jaligi mahsulotlarini ishlab chiqarishda vujudga kеluvchi yer rеntasi; foydali qazilmalarni qazib olish chog’ida vujudga kеluvchi rеnta; o’rmon rеsurslaridan foydalanishda hosil bo’luvchi rеnta; qurilish uchastkalaridan olinuvchi rеnta va h.k. Barcha turdagi tabiiy rеsurslar yer bilan uzviy bog’liq bo’lganligi sababli ulardan foydalanishda rеntaning vujudga kеlishi uchun bir-biriga o’xshash shart- sharoitlar mavjud bo’ladi. Qishloq xo’jalik ekinlaridan foydalanishning iqtisodiy shart-sharoitlariga nisbatan ishlab chiqilgan rеnta munosabatlarini tahlil qilish uslubiyoti rеntaning barcha turlariga tеgishli bo’ladi, shunga ko’ra ularni yer rеntasiga kiritish to’g’ri bo’ladi. Haydaladigan yer, qurilish uchastkasi, ruda koni, baliq ovi, o’rmon va boshqalardan to’lanishidan qat’iy nazar, rеnta ko’rinishidagi mazkur pul summasi yer rеntasi dеb ataladi4. Yer rеntasi – yer egaligini iqtisodiy jihatdan amalga oshirish (rеalizatsiya qilish)ning shaklidir. Yer rеntasining bir qancha tarixiy ko’rinishlari mavjud. Masalan, uch shakldagi: barshchina (ishlab bеrish), obrok (natural soliq) va pul solig’i shakllaridagi fеodal rеntalari shular jumlasidandir. Hozirgi paytda turli mamlakatlarda mavjud rеnta vujudga kеlish sabablari va shart- sharoitlariga qarab quyidagi turlarga ajratiladi: absolyut yer rеntasi, diffеrеntsial (tabaqalashgan) rеnta I va II, monopol rеnta , qazilma boyliklar, qurilishlar joylashgan yerlardan olinadigan rеnta. Rеntaning mohiyatini tushunishdagi asosiy qiyinchilik tadbirkorlar o’rtasida qayta taqsimlanmaydigan qo’shimcha sof daromadni vujudga kеlishi shart- sharoit va sabablarining ochib bеrilishi hisoblanadi. Bunday holat vujudga kеlishining sabablaridan biri samarali xo’jalik yuritish uchun yaroqli bo’lgan yerlarning chеklanganligi va qayta tiklab bo’lmasligida o’z ifodasini topadi. Ikkinchi sababi – yerga yoki boshqa tabiiy rеsurslarga mulkchilik ob’еkti yoki xo’jalik yuritish ob’еkti sifatidagi monopoliyaning mavjudligi hisoblanadi. Uchinchi sababi esa, ko’p mamlakatlarda qishloq xo’jaligidagi kapital uzviy (organik) tuzilishi, ya’ni doimiy va o’zgaruvchi kapital o’rtasidagi nisbatning pastligi hisoblanadi. Yer uchastkalarining unumdorligi va joylashgan joyidagi farqlar natijasida vujudga kеladigan qo’shimcha daromad (qiymat)ning bir qismi rеnta shaklini oladi hamda u diffеrеntsial rеnta dеb ataladi. Qishloq xo’jaligida eng muhim ishlab chiqarish vositasi – yerning miqdori va sifatini tabiatning o’zi chеklab qo’ygan, uni inson ko’paytirishga qodir emas. Shuning uchun qishloq xo’jalik ishlab chiqarishini faqat yaxshi va o’rtacha unumdor yer uchastkalarida tashkil etish bilan chеklanish mumkin emas. Qishloq xo’jaligi mahsulotlariga talab ko’p bo’lganligi uchun yomon, kam unumli yerlarda ham ishlab chiqarishni tashkil etish zarurdir. Agar ishlab chiqarilgan mahsulot to’lovga qodir talab bilan ta’minlangan bo’lsa, yerning mahsuldorligi yoki joylashuvi jihatidan yomon sharoit qishloq xo’jalik tovarlariga narx shakllanishini tartibga soluvchi ijtimoiy normal sharoit hisoblanadi. Natijada o’rtacha yoki yaxshi yerlarda xo’jalik yurituvchi ishlab chiqaruvchilar ustama qo’shimcha mahsulot va binobarin qo’shimcha foyda oladilar. Dеmak, diffеrеntsial rеnta hosil bo’lishining tabiiy sharti miqdori chеklangan yerning sifati (unumdorligi) dagi farqlardir, uning ijtimoiy-iqtisodiy sababi esa foydalaniladigan yerlarda iqtisodiy jihatdan alohidalashgan tarzda mustaqil xo’jalik yuritishdir. Diffеrеntsial rеnta o’zining kеlib chiqish sharoitlarga qarab diffеrеntsial rеnta I va diffеrеntsial rеnta II ga bo’linadi. Diffеrеntsial rеnta I yerning tabiiy unumdorligi bilan bog’liq bo’lgan, sanoat markazlariga, bozorlarga va aloqa yo’llariga yaqin joylashgan sеrunum yer uchastkalarida vujudga kеladi. Misolimizdagi uch xil yer uchastkalaridan olingan mahsulotning ijtimoiy qiymati bir xil, ya’ni 10000 so’mni tashkil qiladi. Yalpi hosildorlik A uchastkasida 20 tonna, B va D uchastkalarda 25 va 30 tonnani tashkil qiladi. Har bir uchastkadan turlicha hosil olinganligi tufayli ularda yetkazilgan mahsulotlarning individual qiymati ham turlicha bo’lib chiqadi. Ya’ni, A uchastkasida har bir mahsulot birligining qiymati 500 so’m bo’lsa, B uchastkasida 400 so’m, D uchastkasida esa 333 so’mni tashkil qiladi. Qishloq xo’jaligi mahsulotlari sifati yomon uchastkada yetishtirilgan mahsulot narxida sotiladi (misolimizda 500 so’m). Natijada yomon yer uchastkasi (A) o’zining yakka ishlab chiqarish xarajatlarini qoplash va foyda olish imkoniga ega bo’ladi. O’rtacha (B) va yaxshi (D) yer uchastkalarida esa yomon yer uchastkasi (A)ga nisbatan 2500 va 5000 so’m miqdorda qo’shimcha daromad olinadi. Bu olingan qo’shimcha daromad yerning tabiiy unumdorligi bilan bog’liq bo’lgan diffеrеntsial rеnta I ni tashkil qiladi. Diffеrеntsial rеnta II xo’jaliklarni intеnsiv rivojlantirish, yerning hosildorligini oshirish uchun qo’shimcha xarajatlar sarf qilish bilan, ya’ni qishloq xo’jaligida kimyoviy o’g’itlarni qo’llash, yerlarning mеliorativ holatini yaxshilash, qishloq xo’jaligini mеxanizatsiyalash va elеktrlashtirish darajasi bilan bog’liq holda vujudga kеladi. «O‘zbekiston qishloq xo‘jaligi davlat tomonidan eng ko‘p boshqariladigan iqtisodiyot tarmoqlaridan biri hisoblanadi. Katta yirik qishloq xo‘jaligi ishlab chiqaruvchilari — dehqonlarning mulk huquqi juda zaif himoyalangan. Ularning faoliyatini tartibga solish usullari aslida sovet o‘tmishidan olingan, qishloq xo‘jaligi mahsulotlarining ko‘p turlari, ishlab chiqarish resurslari va sektor uchun xizmatlar ishlab chiqilmagan. Qishloq xo‘jaligi sektori islohotga muhtoj bo‘lib qolmoqda», — deydi iqtisodchi Yuliy Yusupovning CABAR.asia gazetasida chop etilgan maqolasida. Qishloq xo‘jaligi — O‘zbekiston iqtisodiyotining yetakchi tarmoqlaridan biri. 2018 yilda qishloq xo‘jaligining O‘zbekiston yalpi ichki mahsulotidagi ulushi 28,8 foizni tashkil qildi (bu va boshqa joylarda, agar boshqa ilova keltirilmagan bo‘lsa, O‘zbekiston Respublikasi Davlat statistika qo‘mitasi ma'lumotlari). 1-surat. O‘zbekiston YaIMning tarmoqlar bo‘yicha tarkibi 2018 yilda. 2018 yilda qishloq xo‘jaligi mahsulotlarining 53,2 foizi o‘simlik mahsulotlarini, 46,8 foiz chorvachilik mahsulotlarini tashkil etdi. 2017 yilda qishloq xo‘jaligida 3,7 million kishi ish bilan ta'minlandi (jami ish bilan ta'minlanganlarning 27,2 foizi). Mamlakat aholisining deyarli yarmi qishloq joylarida yashaydi (2019 yil 1 yanvar holatiga ko‘ra O‘zbekistonda 33,25 mln. kishi, shu jumladan, qishloq joylarda 16,45 mln kishi (aholining 49,5 foizi) yashaydi). Shu bilan birga, qishloq xo‘jaligi iqtisodiyotning eng ko‘p boshqariladigan tarmoqlaridan biri hisoblanadi. Katta yirik qishloq xo‘jaligi ishlab chiqaruvchilari, dehqonlarning mulk huquqi o‘ta himoyasiz, ularning faoliyatini tartibga solish usullari, de fakto sovet o‘tmishidan olingan, qishloq xo‘jaligi mahsulotlari va ishlab chiqarish resurslari hamda sektor uchun xizmatlar bozori ishlab chiqilmagan. Qishloq xo‘jaligi sektori islohotga muhtoj bo‘lib qolmoqda. O‘zbekiston ikki yil davomida tizimli iqtisodiy islohotlar kursini aniqlagan bo‘lsada, qishloq xo‘jaligida deyarli o‘zgarish yo‘q. O‘zbekistonda qishloq xo‘jaligi mahsulotlari ishlab chiqaruvchilarining asosiy toifalari Sobiq sovet ittifoqining boshqa respublikalari singari O‘zbekiston 1980-yillar oxiridan boshlab bozor iqtisodiyotiga, shu jumladan qishloq xo‘jaligiga o‘tishni boshladi. 1989 yildan buyon sobiq qishloq va fermer xo‘jaliklaridan qishloq aholisi uchun qishloq xo‘jaligi yerlarining ko‘p qismi alohida fermer xo‘jaliklarini tashkil etish uchun ajratildi. 1994 yilga kelib barcha kollektiv va fermer xo‘jaliklari kooperativ fermer xo‘jaliklariga yoki shirkat xo‘jaliklariga aylantirildi. 2000-yillarning boshida shirkat xo‘jaliklari qishloq xo‘jaligi mahsulotlarini ishlab chiqarishning asosiy sub'yektlari sifatida fermer xo‘jaliklariga almashtirildi. Shu bilan birga, qishloq xo‘jaligi mahsulotlarining ko‘pchiligi ular tomonidan emas, balki kichik dehqon xo‘jaliklari tomonidan ishlab chiqariladi. 1-jadval. 2017 yilda qishloq xo‘jaligi yerlarining yer egalari tomonidan taqsimlanishi, ming gektar 2018 yilgi ekin maydonlari, bog‘lar va uzumzorlar uchun ajratilgan yerlarning 85,2 foizini fermer xo‘jaliklari tashkil etadi (2017 yildagi ma'lumotlar). 2018 yilda qishloq xo‘jaligi mahsulotlari ishlab chiqarishning 70,0 foizi dehqon xo‘jaliklari hisobiga amalga oshirilib, ekin maydonlari, bog‘lar va uzumzorlar uchun ajratilgan yerlarning atigi 11,3 foizini tashkil etadi. Vaziyat sovet o‘tmishini eslatadi, qishloq xo‘jaligi mahsulotlarining katta qismi katta xo‘jaliklarda (kollektiv va fermer xo‘jaliklarida) emas, balki shaxsiy yer maydonlarida ishlab chiqarilgan. 2-surat. 2017 yilda dehqon xo‘jaliklarining ulushi foiz hisobida. Biroq dehqon xo‘jaliklarining qishloq xo‘jalik mahsulotlarining hajmi bo‘yicha ma'lumotlari ishonchliligi borasida katta shubha bor, chunki ma'lumotlar sotsiologik tadqiqotlar natijalaridan olingan. Bu ko‘rsatkichlarning ba'zilari muntazam ravishda soxtalashtirilgan, masalan, sut sog‘ilishi . Bundan tashqari, paxta va g‘alla davlat tomonidan fermer xo‘jaliklaridan arzon narxlarda sotib olishni hisobga olish kerak (quyida batafsilroq), bu tabiiy ravishda qishloq xo‘jalik mahsulotlarining umumiy qiymatida ularning ulushiga ta'sir qiladi. Fermerlar ijaraga olgan yerlardan foydalanish huquqi juda cheklangan va yaxshi himoyalanmagan: · Fermerlar paxta va bug‘doy yetishtirilishi uchun ajratilgan yerdan (paxta va g‘alla fermer xo‘jaliklari uchun bu yerning katta qismi) paxta va g‘alla sotish bo‘yicha rejani bajargan yoki bajarmaganliklaridan qat'i nazar boshqa maqsadlar uchun foydalanishlari mumkin emas. · Fermerlarning yer uchastkalari osongina olib qo‘yilishi mumkin. Mahalliy hokimiyat idoralari tashabbusi bilan (rejalashtirilgan maqsadlarni bajarmaganlik, yerdan samarasiz foydalanish yoki «ixtiyoriy-majburiy tartibda» yerdan foydalanish huquqidan voz kechish shaklida), yoki Toshkentdan chiqqan tashabbus tarzda fermer xo‘jaligining «kengayishi va ajratilishi» oqibatida. Natijada fermerlar o‘zlarini yerning haqiqiy egalari, deb his qilmaydilar va uning unumdorligini oshirishga uzoq muddatli investitsiyalarni jalb qilishmaydi. Qishloq xo‘jaligida davlat buyurtma tizimi O‘zbekiston agrar sektorining asosiy xususiyati shundaki, ikki qishloq xo‘jalik ekinlarini (paxta va bug‘doy) ishlab chiqarish asosan davlat ehtiyojlari uchun yetishtiriladi. So‘nggi yillarda majburiy ravishda paxta uchun ajratilgan yerlarning bir qismi meva va sabzavot mahsulotlarini ishlab chiqarish foydasiga qisqardi. Shu bilan birga, 2017 yilda ekin maydonlari, bog‘lar va tokzorlar uchun ajratilgan barcha yerlarning uchdan ikki qismidan ko‘pini paxta va bug‘doy ekinlari tashkil etdi. 2017 yilda paxta va bug‘doy ekin yerlari barcha ekin uchun ajratilgan yerlarning (meva bog‘lari va uzumzorlarni hisobga olmaganda) 82,2 foizini tashkil etdi. 3-surat. Ekin maydonlari, bog‘lar va uzumzorlar uchun ajratilgan qishloq xo‘jalik yerlarini taqsimlanishi, ming ga va foiz. Davlat buyurtmasini shakllantirish va narxlash tizimining mavjud mexanizmlari fermerlarning ko‘pchiligiga paxta va g‘alla yetishtirish orqali foyda ko‘rishni qiyinlashtiradi [4]. Misol uchun, 2005-2013 yillarda davlat xaridlari va bug‘doyning ichki bozor bahosi o‘rtasidagi farq. (2-jadvalga qarang). Bir necha yillar mobaynida ushbu farq 3 martaga oshgan. Bundan tashqari, fermerlar uchun majburiy bo‘lgan ekinlar uchun ajratilgan yer uchastkalari mavjud tizimda yerning tuproq xususiyatlari va iqlimi, suv mavjudligi, xodimlar malakasi va boshqalarni hisobga olgan holda ishlab chiqarish tuzilmasini optimallashtirishga imkon bermaydi. Ko‘pincha boshqa yerlar paxta va bug‘doy uchun ajratilgan yerlardan samaraliroq bo‘ladi. Biroq dehqon paxta va bug‘doy uchun ajratilgan yerga o‘xshab ishlab chiqarish tuzilmasini optimallashtirishga qodir emas, boshqa maqsadlarda foydalanish esa taqiqlanadi. 2-jadval. 2005-2015 yillarda davlat xaridlari bahosining va ichki bozordagi bug‘doy narxlarining dinamikasi (1 tonna uchun ming so‘m). Misol uchun, mamlakatdagi iqlim sharoiti tufayli non mahsulotlari uchun mo‘ljallangan bug‘doyni yetishtirish qiyin. Davlat bu muammolarni mamlakat va hatto har bir mintaqaning tuproq va iqlim sharoitlariga moslashtirilgan yangi navlarini tanlashga sarflash orqali hal qilishga urinmoqda, ammo bu uzoq va ko‘p mablag‘ sarflanadigan jarayondir. Shu bilan birga, ko‘plab fermer xo‘jaliklari don ekinlariga nisbatan ko‘proq tabiiy, tarixiy, texnologik va malakali afzalliklarga ega bo‘lgan meva- sabzavot mahsulotlarini ishlab chiqarishga ixtisoslashishi ancha foydaliroq bo‘lar edi . Yana bir misol. Chorvachilik mahsulotlari majburiy davlat buyurtmalari amaliyotidan zarar ko‘radi: 1992–1997 yillarda chorva mollari sonining sezilarli darajada o‘sishi bilan bir vaqtda yem-xashak ekiladigan yerlarning miqdori 3,7 marta kamaydi . Paxta va bug‘doy uchun davlat buyurtmasi amaliyoti natijasida: · ko‘plab fermer xo‘jaliklari achinarli moliyaviy ahvolda; · fermerlar yangi axborot va agrotexnologiyalar, shu jumladan, suv tejashni joriy qilish uchun rag‘batlantiruvchi va moliyaviy resurslarga ega emas; · fermerlarning tuproq unumdorligini saqlab qolish va yaxshilash uchun rag‘batlantiruvchi va moliyaviy resurslari yo‘q (bu mulk huquqlarining zaif muhofazasi bilan ham bog‘liq); · qishloq xo‘jaligi ishlab chiqarishining umumiy salohiyati potensialdan past (mavjud tizim qiyosiy ustunliklarni hisobga olgan holda ishlab chiqarish tarkibini optimallashtirishga imkon bermaydi). Bularning barchasi tarmoqni rivojlantirish, qishloq aholisi va aholi farovonligini oshirish imkoniyatlarini cheklaydi. Bundan tashqari, majburiy davlat buyrug‘i tizimi — fermerlarning yerni ijaraga berish bo‘yicha shartnomada ko‘rsatilgan huquqlarini doimiy ravishda buzishining asosiy sababidir. Davlat buyurtmasini bajarish uchun ko‘pincha yerni yo‘qotish va qayta taqsimlash amalga oshiriladi. Mahsulot va resurs bozori Rasmiy ma'lumotlarga ko‘ra, qishloq xo‘jaligi mahsulotlarining asosiy turlarini (paxtadan tashqari) ishlab chiqarish yil sayin ortib bormoqda. Bu ayniqsa meva va sabzavot mahsulotlariga tegishli, ishlab chiqarish bilan birga uni qayta ishlash va eksport qilish ham o‘sib bormoqda. Chorvachilik mahsulotlarini ishlab chiqarishda ham sezilarli o‘sish kuzatilmoqda. (Chorvachilik mahsulotlarining asosiy qismi fermer xo‘jaliklarida ishlab chiqilganini va ularning statistik hisobotlari o‘ziga xos tarzda olib borilishini hisobga olib, ushbu ko‘rsatkichlar ehtiyotkorlik bilan ko‘rib chiqilishi kerak). 3-jadval. Qishloq xo‘jaligi mahsulotlarining asosiy turlarini ishlab chiqarish hajmi, ming tonna 1992 yildan keyin bug‘doy yetishtirishning sezilarli darajada o‘sishiga ta'sir etgan omillar — bu ekin maydonlarining kengayishi hamda bu bug‘doyning hosildorligi sezilarli darajada oshganidir. Shunday qilib, 1991–2014 yillar oralig‘ida hosildorlikning qariyb to‘rt barobar 12,8 sentner/ga’dan 48,6 sentner/gektarga o‘sdi. Biroq, bug‘doyning hosildorligi va hajmi sezilarli darajada oshirilganga o‘xshaydi, bunga sabab statistik hisobot usullari. Fermerlar davlatga bug‘doyning 40 foizini topshirishga majburlar, ammo ular bajarishi shart bo‘lgan rejalashtirilgan vazifalar ham mavjud. Statistik hisob- kitoblarga ko‘ra, agar davlat buyurtmasi fermerlar tomonidan yetishtirilgan hosilning 40 foizini tashkil qilsa, fermerlar davlat buyurtmasi bo‘yicha rejadan ko‘ra 2,5 barobar ko‘proq bug‘doy o‘stirishi kerak. Boshqacha aytganda, statistik ma'lumotlarga ko‘ra, fermerlar tomonidan bug‘doy yetishtirish hajmlari 2,5 ga ko‘paytiriladi. Haqiqiy ishlab chiqarish miqdori noma'lum. Qishloq xo‘jaligi mahsulotlarini ishlab chiqarish va eksport qilishning sezilarli darajada oshishiga qaramasdan hozirda mavjud bo‘lgan davlat buyurtmalar tizimi va eksportni boshqarish amaliyoti qishloq xo‘jaligi mahsulotlari uchun erkin bozorlarni shakllantirishga imkon bermaydi. Paxta bozori erkin emas, chunki davlat monopolist va faqatgina davlat xomashyoni sotib oladi. Keyin esa paxta eksport uchun va ichki iste'molchilar uchun taqsimlanadi. Bugungi kunda tajriba sifatida «agrosanoat majmuasi» joriy etilmoqda, unda fermerlar paxtani davlatga emas, balki to‘g‘ridan-to‘g‘ri klasterdagi qayta ishlash korxonalariga sotishlari kerak bo‘ladi. Ammo bunday model paxta bozorining paydo bo‘lishini anglatmaydi, balki «krepostnoy qaramlik»ni yaratadi, faqat fermerlar hozirgidek davlatga emas, balki paxtani qayta ishlovchi fermerlarga tobe bo‘ladi. Davlat uzoq vaqt davomida (ehtimol, 2019 yil davomida ham) meva va sabzavotlarni eksport qilishni markazdan turib tartibga solishga harakat qilmoqda. O‘tgan yillarda bunday tartibga solishning asosiy vositalari sifatida quyidagilar xizmat qildi: - mahsulotlarni eksport qilish uchun kvotalar ajratish (O‘zbekiston Respublikasi Vazirlar Mahkamasining oylik qarorlar), - davlat savdo kompaniyalari orqali majburiy eksport, - minimal eksport narxini belgilash (mahsulot sotish taqiqlangan), - 100 foiz oldindan to‘lov talabi, - valuta tushumini kechiktirilgani uchun jarima (100 foiz oldindan to‘lov talabini bartaraf etish mumkin bo‘lgan hollarda) va h.k. 2017-2018 yillar mobaynida meva va sabzavotlarni eksport qilish bo‘yicha ma'muriy to‘siqlarning ko‘pi yo‘q qilindi. Biroq yangi mexanizm 2019 yildan boshlab qanday ishlashi, bu tizim ma'muriy aralashuvlardan qanchalik ozod bo‘lishi hozircha aniq emas. Maqola nashrga tayyorlanayotgan vaqtida, meva-sabzavot va to‘qimachilik mahsulotlarining kontrakt qiymatini monitoring qilish bo‘yicha hukumat qarori loyihasi ishlab chiqildi. Hujjatning mohiyati shundaki eksportchilar o‘z mahsulotlarini Tashqi savdo va Investitsiyalar vazirligi tomonidan belgilangan narxlardan ko‘ra arzonroq narxda sotmasliklari zarur . Ya'ni, mansabdor shaxslar yana meva va sabzavotlarni eksport qilishni nazorat qilmoqchi ekanliklari tasdiqlandi. Sanoatni ma'muriy tartibga solish tizimi resurs bozorlariga ham taalluqli. Qishloq xo‘jaligi texnikasi, yoqilg‘i-moylash materiallari, o‘g‘itlar, ozuqa, urug‘lar, biologik va kimyoviy o‘simliklarni himoya qilish mahsulotlari va boshqa mahsulotlar fermerlarga davlat monopolistlari tomonidan yetkazib beriladi. Ba'zi mahsulotlar narxlari ko‘pincha subsidiyalanadi. Past (subsidiyalangan) narxlarda sotib olinishi mumkin bo‘lgan mahsulotlar miqdori cheklangan va ular paxta va bug‘doyning ekin maydonlari miqdori, ularning kutilayotgan rentabelligi bilan belgilanadi. Fermerlar yoqilg‘i, o‘g‘itlar va urug‘larni faqat davlat tomonidan ochilgan punktlarda olishlari mumkin. Yetkazib beruvchilar o‘rtasida raqobat yo‘q, bu ularning sifatsiz xizmat ko‘rsatishiga olib keladi. Hukumat buyurtmalariga bo‘ysunmagan mahsulotlarni ishlab chiqarish uchun ishlab chiqaruvchilar moddiy resurslarni bozorda mavjud narxlarda o‘zlari sotib olishlari kerak. Bundan tashqari, davlat korxonalari qishloq xo‘jaligi texnikasi xizmatlarini ko‘rsatishadi (traktorni haydash, kombaynda yig‘ib olish, hosilni yetkazib berish va hokazo), mashina-traktor parklari tarmog‘i mavjud. Nihoyat, davlat ishlab chiqarishni avans orqali amalga oshiradi: fermerlar ko‘pincha paxta va bug‘doy sotishdan keladigan daromadlarni hisobga olib resurslarni avans to‘lovi orqali oldindan sotib oladi. Shu bilan birga, dehqon, ma'lum bir vaziyat yoki mahalliy sharoitga qarab, avans qilib olingan naqd pulni erkin tarzda sarflay olmaydi. Fermer pul emas, balki davlat narxlarida to‘langan resurslarni oladi, bu esa fermerning moliyaviy mustaqilligini cheklaydi. Shunday qilib, paxta va g‘alla uchun davlat buyurtmasini bajarayotgan fermerlar o‘z mahsulotlarining bahosini yoki resurslar narxini nazorat qila olmaydi. 1996 yildan buyon amalga oshirilayotgan import o‘rnini bosish siyosati doirasida qishloq xo‘jaligini davlat tomonidan tartibga solishning mavjud tizimi jadal industrializatsiya qilish vazifalari doirasida shakllantirildi. Qishloq xo‘jaligi sektori iqtisodiyotning «strategik tarmoqlari»ni rivojlantirishga (Stalin sanoatlashtirish yillarida ham shu usuldan foydalanilgan) yirik moliyaviy inʼeksiya donorlari rolini topshirdi. Ushbu siyosat muvaffaqiyatsizlikka uchradi , O‘zbekiston kuchli sanoat davlatiga aylanmadi, ammo iqtisodiy rivojlanishda sezilarli darajada orqada qoldi. 2017 yilda boshlangan tizimli islohotlar samarasiz iqtisodiy modelni tark etishni nazarda tutadi. Biroq, qishloq xo‘jaligi sohasidagi ma'muriy tartibga solish mexanizmlariga hali ham muhim o‘zgarishlar kiritilmagan. Sektor radikal islohotga muhtoj, uning asosiy mazmuni quyidagilardan iborat: - ayrim ekinlar uchun yerni majburiy kvotalashni bekor qilish (agar davlat buyurtmasi saqlanib qolsa-da, fermerlarga ishlab chiqarish tarkibini optimallashtirish uchun yerlardan erkin foydalanish imkoniyati berilishi kerak ). - paxta va g‘alla ishlab chiqarish bo‘yicha rejalashtirilgan maqsadli dasturlar amaliyotidan voz kechish (agar bir vaqtning o‘zida bo‘lmasa, keyinchalik rejalashtirilgan maqsadlarni kamida bosqichma-bosqich, yillik qisqartirish). - paxta va bug‘doy uchun erkin va raqobatbardosh bozorlarni shakllantirish va rivojlantirish. - qishloq xo‘jaligi mahsulotlarini eksport qilish bo‘yicha barcha ma'muriy to‘siqlarni bartaraf etish. - qishloq xo‘jaligi mahsulotlarini ishlab chiqaruvchilar uchun resurslar va xizmatlar uchun erkin va raqobatbardosh bozorlarni shakllantirish va rivojlantirish. - qishloq xo‘jaligi yerlarini xususiy mulkka egalik qilish imkoniyatlarini hisobga olgan holda yer lizing huquqlarini mustahkamlash, mavjud lizing shartnomalarini himoya qilish. Yuqoridagi islohotlarni amalga oshirish qishloq xo‘jaligi ishlab chiqaruvchilarining moliyaviy ahvolini mustahkamlash, yerlardan samarali foydalanishni rag‘batlantirish va qishloq xo‘jaligi mahsulotlarini diversifikatsiya qilish, shu jumladan meva-sabzavot va yem-xashak ekinlarini ko‘paytirish imkonini beradi. Bu o‘z navbatida qishloq xo‘jaligi ishlab chiqarishining umumiy hajmini hamda agrar sektorning eksport salohiyatini oshirishga imkon beradi. Download 1.37 Mb. Do'stlaringiz bilan baham: 
|