Mikrofonlarning ish prinsipi va ularni darajalashni o’rganish Mikrofon

Mikrofonlarning ish prinsipi va ularni darajalashni o’rganish


Mikrofon - bu akustik tebranishlarni elektr tebranishlariga aylantirish uchun mo'ljallangan qurilma.
Mikrofonlar akustik tebranishlarni elektr tebranishlariga aylantirish usuli, shuningdek funksional qo’llanilishi bo'yicha sinflarga bo’linadi.
O’zgartirish usuliga ko'ra, mikrofonlar bir nechta turlari bo’linadi:
Kondensatorli
Elektritli
Dinamik mikrofonlar (cho’lg’amli va lentali)
Ko'mirli
Optoakustik
Piezoelektrik
Mikrofonlar quyidagi parametrlar bilan tavsiflanadi:
Mikrofonning sezgirligi – bu mikrofon chiqishidagi kuchlanishning ma'lum bir chastotada (odatda 1000 Gts) ta'sir etuvchi tovush bosimiga nisbati (mV / Pa). Qiymat qanchalik baland bo'lsa, mikrofonning sezgirligi shunchalik yuqori bo'ladi.
Nominal ish chastotasi diapazoni – mikrofon akustik tebranishlarni qabul qiladigan va uning parametrlari normallashtiradigan chastota diapazoni.
Chastota xarakteristikasining notekisligi – nominal chastota diapazonidagi mikrofonning maksimal va minimal sezgirlik darajasi o'rtasidagi farq.
Umumiy elektr qarshilik moduli – 1 kHz chastotada chiqish yoki ichki elektr qarshiligining normallashtirilgan qiymati.
Yo’naltirilganlik xarakteristikasi – mikrofon sezgirligining (belgilangan chastotadagi erkin maydonda) mikrofon o'qi va tovush manbasiga yo'nalish orasidagi burchakka bog'liqligi.
Mikrofonning dinamik diapazoni – bu mikrofon buzilishsiz qayta ishlab chiqarishi mumkin bo'lgan eng tinch signal va eng baland ovoz o'rtasidagi farq.
Kondensatorli mikrofon – doimiy tok kuchlanish manbai va elektr zanjirida ketma-ket ulangan kondansatordir.
Ushbu turdagi mikrofonlarning konstruksiyasini tushuntiruvchi sxema 1-rasmda ko'rsatilgan.

Kondensatorli mikrofonlarning ish prinsipi va sxemasi.

Elektr o'tkazuvchan materialdan yasalgan membrana va elektrod izolyatsion halqa bilan ajratilgan va birgalikda kondensatorni tashkil qiladi. Qattiq cho'zilgan membrana, tovush bosimi ta'sirida, qo’zg’almas elektrodga nisbatan tebranma harakat qiladi.

Membrana tebranganda, kondensatorning sig'imi (va shunga mos ravishda zaryad) membranaga ta'sir qiluvchi tovush bosimining chastotasi bilan o'zgaradi, elektr zanjirida bir xil chastotadagi o'zgaruvchan tok paydo bo'ladi va paydo bo'lgan o'zgaruvchan kuchlanish mikrofonning chiqish signali hisoblanadi.