Mikroiqtisodiyot: amaliy mashg`ulot ishlanmasi I

17. Tarmoqda raqobatlashayotgan firmalarning soni 50 ta ga teng. Har bir firmaning umumiy xarajatlari TC=0.25S²+4S+32 ko’rinishida. Talab esa S_D=600-25P ga teng.
a) qisqa muddatli oraliqda bozorning muvozanat parametrlarini toping.
b) har bir firmaning ishlab chiqarish hajmi aniqlansin.
18. Mukammal raqobatlashgan tarmoqda 100 ta firma faoliyat ko’rsatmoqda. Har bir firmaning umumiy xarajat funktsiyasi TC=100+2S+0.05S² ko’rinishida berilgan. Tarmoq mahsulotlariga bo’lgan talab S_D=1600-200P ga teng. Qisqa muddatli oraliqda bozorning muvozanat parametrlari aniqlansin.
19. Mukammal raqobatlashgan tarmoqda bir xil o’rtacha xarajatga ega bo’lgan firmalar harakat qilmoqdalar. Ularning o’rtacha xarajat funktsiyasi AC=160+5(S-100)²ga teng. Tarmoq mahsulotlariga talab funktsiyasi esa S_D=18000-500P ko’rinishida berilgan. Uzoq muddatli oraliqda tarmoqda nechta firma faoliyat yuritadi?
20. Mukammal raqobatlashgan firmaning umumiy xarajatlar funktsiyasi quyidagicha berilgan:
TC=S³-20S²+X∙S+800
Qisqa muddatli oraliqda narx 20 so’m bo’lganda firma bozorni tark etadi, agar narx 50 so’m bo’lsa, foyda ko’rib bozorda faoliyatini davom ettiradi. X ning qabul qilish mumkin bo’lgan qiymatlari topilsin.
Testlar
1. Bozor tarkibiga bog’liq bo’lmagan holda firma yopiladi, agar:
a) tushum hajmi umumiy xarajatlarni emas, balki faqat o’zgaruvchan xarajatlarni qoplasa;
b) tushum o’zgaruvchan va doimiy xarajatlarni qoplaydi, lekin umumiy xarajatlarni qoplamasa;
v) o’rtacha tushum o’rtacha o’zgaruvchan xarajatlardan yuqori, lekin o’rtacha umumiy xarajatlardan past bo’lsa;
g) o’rtacha tushum o’rtacha o’zgaruvchan xarajatlardan past bo’lsa;
d) to’g’ri javob keltirilmagan.
2. Foydasini maksimallashtirayotgan firma mahsulot ishlab chiqarishning shunday hajmini tanlashi kerakki, bunda:
a)o’rtacha xarajatlar minimal bo’lishi kerak;
b) o’rtacha tushum o’rtacha umumiy xarajatalarga teng bo’lishi kerak;
v) chekli tushum chekli xarajatga teng bo’lishi kerak;
g)umumiy tushum maksimal bo’lishi kerak;
d) to’g’ri javob keltirilmagan.