Milliy iqtisodiyotning qaror topishi va uning tuzilish

1 – rasm. Milliy iqtisodiyotning tarkibiy tuzilishi
2. “Makroiqtisodiy tahlil va iqtisodiyotning real sektorini prognozlashtirish” boshqarmasining vazifalari
Boshqarmaning asosiy vazifalari quyidagilar hisoblanadi:

• 
  mamlakatning ijtimoiy-iqtisodiy rivojlanish makroiqtisodiy ko‘rsatkichlarini tahlil qilish;
  
• 
  iqtisodiyotning real sektorining holati, tarmoqlar tarkibiy o‘zgarishlaridagi tendensiyalari va asosiy sohalarni rivojlanishini bo‘yicha takliflar tayyorlash;
  
• 
  makroiqtisodiy prognozlarda mamlakat barqaror ijtimoiy-iqtisodiy rivojlantirishning eng muhim ustuvor yo‘nalishlarini, mamlakatning ijtimoiy-iqtisodiy rivojlanishini ta’minlashga qaratilgan strategiya dasturlari, kompleks, maqsadli, hududiy dasturlar ko‘rsatkichlarini aks ettirish va hisoblash;
  
• 
  makroiqtisodiy prognozlarni pul-kredit sohasi parametrlari, davlat byudjeti, tashqi savdo va to‘lov balanslari bilan muvozanatini ta’minlash;
  
• 
  mamkatning ijtimoiy-iqtisodiy rivojlanish yakunlari bo‘yicha tahliliy materiallar va ma’lumotnomalarni tayyorlash, mamlakat iqtisodiy dasturlarining eng muhim yo‘nalishlari va ustuvor yo‘nalishlarining amalga oshirilish jarayoniga baho berish;
  
• 
  qabul qilingan Konsepsiya, Strategiya, kompleks dasturlar va ustuvor yo‘nalishlardan iqtisodiyotni isloh qilish va jaxon iqtisodiyotining rivojlanish tendensiyasidan kelib chiqib, qisqa muddatli va o‘rta muddatli makroiqtisodiy prognozlarni ishlab chiqish;
  
• 
  mamlakatni yanada rivojlantirish, 2017 – 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan ustuvor yo‘nalishlarni amalga oshirishni hisobga olgan holda mamlakatni ijtimoiy-iqtisodiy rivojlantirish prognozi Konsepsiyasini shakllantirish.
  

Qo‘yilgan vazifalardan kelib chiqib, boshqarma quyidagi funksiyalarni bajaradi:

• 
  makroiqtisodiy ko‘rsatkichlarning tahlili, monitoringi va respublikaning iqtisodiy va ijtimoiy rivojlanish dinamikasini, shuningdek undagi muammolarni aniqlash;
  
• 
  iqtisodiy rivojlanish uchun kompleks dasturlarni, ustuvorliklar va maqsadlarni amalga oshirishni hisobga olgan holda, makro prognozlarni tashkil etish va ishlab chiqish;
  
• 
  jahon bozorlari va iqtisodiyotida kutilayotgan ijtimoiy-iqtisodiy ta’sirlarning makroiqtisodiy baholashini amalga oshirish;
  
• 
  iqtisodiyot, ishlab chiqarish ko‘rsatkichlari, pul-kredit sektorlari, davlat byudjeti va tashqi savdo ko‘rsatkichlari bilan bog‘liq bo‘lgan iqtisodiy o‘sishning prognoz ko‘rsatkichlarini hisoblash;
  
• 
  mamlakatni ijtimoiy-iqtisodiy rivojlantirish konsepsiyasini, real sektor tarmoqlarini makroiqtisodiy tahlil qilish va prognoz qilish va rivojlanish tendensiyalarini ishlab chiqishda ishtirok etish;
  
• 
  Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, shuningdek vazirliklar, idoralar, xo‘jalik birlashmalari va yirik korxonalar takliflari asosida hududlarni ijtimoiy-iqtisodiy rivojlantirishning prognoz ko‘rsatkichlarini shakllantirishda ishtirok etish;
  
• 
  makroiqtisodiy barqarorlikni ta’minlash va iqtisodiy o‘sishning prognoz parametrlariga erishish bo‘yicha takliflar tayyorlash;
  
• 
  iqtisodiy o‘sishning barqarorligini va aholi bandligi va daromadlarini oshirishni ta’minlash bo‘yicha makroiqtisodiy siyosat choralari bo‘yicha takliflar tayyorlash;
  
• 
  islohotlarni yanada chuqurlashtirish va iqtisodiyotni liberallashtirishga yo‘naltirilgan makroiqtisodiy boshqaruv vositalarini takomillashtirish bo‘yicha takliflar tayyorlash;
  
• 
  iqtisodiyotda tarkibiy va institutsional o‘zgarishlar, mamlakat iqtisodiyotining barqaror va yaxlit rivojlanishini ta’minlash bo‘yicha takliflar tayyorlashda ishtirok etish;
  
• 
  respublika ijtimoiy-iqtisodiy rivojlanishining yakunlari va prognozlarini ishlab chiqish va iqtisodiyotni isloh qilish masalalari bo‘yicha Vazirlikning markaziy apparati, hududiy boshqarmalari, shuningdek boshqa vazirliklar, idoralar, xo‘jalik birlashmalari va O‘zbekiston Respublikasi Vazirlar Mahkamasining tuzilmaviy bo‘linmalari bilan o‘zaro hamkorlik qilish;
  
• 
  mamlakat va mintaqalar rivojlanishining makroiqtisodiy ko‘rsatkichlarining prognoz qilinishini doimiy muvofiqlashtirish;
  
• 
  tegishli vazirlik va idoralarning ma’lumotlari asosida asosiy makroiqtisodiy ko‘rsatkichlar bo‘yicha ma’lumotlar bazasini muntazam ravishda yangilab turish va shakllantirish;
  
• 
  mavjud tartib, shuningdek, xalqaro tajriba va ilmiy-tadqiqotlar tahlili asosida makroiqtisodiy ko‘rsatkichlarni prognozlashtirish metodologiyasini takomillashtirish;
  
• 
  mamlakatni rivojlantirishning asosiy makroiqtisodiy ko‘rsatkichlarini shakllantirish va prognozlashtirish bo‘yicha tashkiliy va uslubiy ko‘rsatmalarni amalga oshirish;
  
• 
  O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, tegishli davlat organlari tomonidan taqdim etiladigan qonunlar va boshqa me’yoriy hujjatlarning loyihalarini ko‘rib chiqish va muhokama qilishda ishtirok etish;
  
• 
  departament, boshqarma va bo‘limlar bilan hududiy prognozlarni ishlab chiqishda hududiy bo‘linmalarning monitoringini o‘tkazish va hududlarning ijtimoiy-iqtisodiy rivojlanish natijalari bo‘yicha tahliliy axborot va jadvallarni shakllantirish;
  
• 
  vazirlikning axborot xavfsizligi yagona siyosatini amalga oshirishda kelgusida yangi axborot tizimlarini joriy etish va axborot xavfsizligini ta’minlash bo‘yicha takliflar tayyorlash;
  
• 
  boshqarmaning vakolatiga taalluqli iqtisodiy va ijtimoiy muammolarni hal qilish bo‘yicha aholi va xo‘jalik yurituvchi sub’ektlarning fikrlari, takliflari, qonuniy talablarini o‘rganish va tahlil qilish va shu asosda ularni hal etishga qaratilgan amaliy chora-tadbirlar ishlab chiqish;
  
• 
  ommaviy axborot vositalarida va Vazirlikning rasmiy saytida yoritib borish maqsadida ijtimoiy-iqtisodiy dolzarb masalalar bo‘yicha tahliliy materiallarni tayyorlash,
  
• 
  boshqarma xodimlarining matbuot anjumanlari va brifinglarda ishtirok etishi;
  
• 
  boshqarma xodimlarining o‘zlariga biriktirilgan masalalari bo‘yicha ma’lumotlar bazasini shakllantirish, yuritish va yangilash.