Milliy libos, kashtachilik, to’qimachilik

Nazorat savollari.

1. 
   Ishchi kuchining to’plami jadvali nimaga asosan to’ldiriladi?
   
2. 
   Asbob-uskunaning to’plami jadvalini ifodalab bering
   
3. 
   Asosiy texnik-iqtisodiy ko’rsatkichlarni hisoblash usulini tushuntirib bering.
   

16-MA’RUZA.
Mavzu: ISHLAB CHIQARISH OQIMIDA ISH O’RINLARINI JOYLASHTIRISHNI TASHKIL QILISH. (2-soat)
Reja:
1. Oqim turiga qarab ish o’rinlarini joylashtirish.
2. Oqim planini shakllantirish.

1. 
   Oqim turiga qarab ish o’rinlarini joylashtirish.
   

Oqimda ishchi o’rinlarini va sex maydonida oqimlarni joylashtirishdan asosiy maqsad ular o’rtasida yarim fabrikatni uzatishda maksimal uzluksizlikni ta’minlash va uskunalar bilan sex maydonini egallashni minimizatsiyalash hisoblanadi.
Oqimda yarim fabrikatning harakatlanish uzluksizligi nafaqat u yoki bu transport vositasining uzluksiz harakati bilan, balki oqimda uskunalarning muayyan joylashishi bilan ta’minlanishi mumkin. Ko’rsatilgan vazifani bajarishda eng muximi ishchi o’rinlarini shunday joylashtirish kerakki, bunda ishchi hech qanday yordamsiz va murakkab transport qurilmalarisiz yarim fabrikatni navbatdagi ishchiga uzatish imkoniga ega bo’lsin.
Bir xil turdagi tashkiliy-texnologik aloqalar operatsiyalari uchun oqimda ishchi o’rinlarini joylashtirishda ularning o’zaro joylashishi bir nechta variantlarga ega bo’lishi mumkin. Yuqorida zikr etilgan maqsadlarga erishishi uchun shunday variantni tanlash kerakki, u minimal maydonga ega bo’lsin, ayni vaqtda yarim fabrikatni navbatdagi ishchi o’rinlarga uzluksiz uzatib berishni ta’minlash imkoniga ega bo’lsin.
Sex planida ajratilgan oqim maydonida birinchi bo’lib detallarni oqimga tushiruvchi ishchining ish o’rni joylashtiriladi. Keyin undan minimal masofada (0:1,5m) jarayonning birinchi tashkiliy operatsiyasini bajaruvchi ishchining ish o’rni joylashtiriladi.