Модуляция хакида тушунча. Амплитуда модуляцияси(АМ)

Товушли эшиттириш сигналлари
Юқори сифатли микрофонлар товушли эшиттириш бирламчи сигналларининг манбалари ҳисобланади. Бу сигналлар турли хилдаги сигналларнинг алмашиниши: нутқ (диктор нутқини алоҳида ажратиш керак), бадиий ўқиш (сўзлар ва мусиқа бирикмалари), якка ижродан симфоник оркестрларда ижро этиладиган мусиқий вокал ва чолғу асбоблари асарларининг алмашинишини ифодалайди.
Эшиттириш сигналларининг частотавий спектри 15дан (барабан товуши) 20000 Гц гача бўлган частоталар оралиғини эгаллайди. Лекин эшиттириш сигналларини узатишга йўналтирилган ∆Ғтэ эффектив узатилаётган частоталар оралиғи (ЭУЧП) ни тиклаш сифатига қўйиладиган талабларга қараб, частоталар оралиғи маълум даражада чегараланган бўлиши мумкин. Товушли эшиттириш сигналларини юқори сифатда тиклаш учун унинг ЭЧУО 50 . . . 10 000 Гц ни ташкил қилиши керак. Эшиттириш дастурларининг бенуқсон эшиттирилишига эришиш учун, эшиттириш сигналининг частоталар оралиғи 30 ... 15 000 Гц ни ташкил этиши керак.