Moliyaviy investitsiyalarning auditi

Birinchidan, iqtisodiyotga investitsiyalarning kiritilishi dastavval ishlab chiqarishning oshishiga olib keladi. Ishlab chiqarish hajmining o’sishi o’z-o’zidan ishsizlik, YaIM, inflatsiya va iqtisodiy o’sishga ijobiy ta’sir ko’rsatadi.
Ikkinchidan, investitsiyalarning kiritilishi pul aylanish tezligiga ham ta’sir ko’rsatadi. Iqtisodiyotda pul qanchalik tez aylansa, daromad shunchalik yuqori bo’ladi. Bozor iqtisodiyoti sharoitida faoliyat yuritayotgan korxonalarning asosiy maqsadi ham yuqori daromad olib, maksimal foydaga erishishdir.
Uchinchidan, pul mobilizatsiyasini ta’minlashda, ayniqsa jismoniy shaxslar qo’lidagi pul mablag’larining o’z vaqtida, maqsadli ishlatilishi, ya’ni investitsion loyihalarni moliyalashtirishda aholi qo’lidagi bo’sh pul mablag’larining keng jalb qilinishi ham aholi daromadlarining oshishiga ham korxonalar faoliyati kengayishiga olib keladi.
To’rtinchidan, investitsion loyihalarni amalga oshirish natijasida jamiyat uchun ijtimoiy va iqtisodiy samaraga erishiladi. Masalan, meditsina sohasini rivojlantirish uchun sarflangan pul mablag’lari jamiyatda insonlar salomatligini ta’minlash nuqtayi nazardan ijtimoiy naf, aholiga pullik tibbiy xizmatlar ko’rsatish nuqtayi nazardan iqtisodiy naf hisoblanadi.