Муаммоларсиз ҳаёт БЎлмайди(МИ?) Мухлиса Акмал қизи

АСОСИЙ МУАММОИНГИЗ 
ФАҚАТ ПУЛМИ?
www.ziyouz.com kutubxonasi

---

81
Ҳар бир инсон кундалик ҳаётда турли муаммоларга тўқ-
наш келади. Тан олиш керакки, кўпчилик одамлар дуч кела-
диган муаммо пул билан боғлиқ бўлади.
Энди одам турли муаммоларга дуч келганда ҳам амал қи-
лиши керак бўлган қоидалар ҳақида фикрлашамиз.
Ёдда тутинг!
Пул билан ҳал этиладиган муаммо муаммо эмас.
Муаммолар билан тўқнаш келганингизда ўзингизга 
беришингиз керак бўлган 4 та савол:
Мен ҳақиқатда муҳим иш билан бандманми?
Ортиқча ваҳима қилмаяпманми?
Муаммони ҳал этиш учун нималар талаб эти лади?
Менга ёрдам бермоқчи бўлганлар нима қилиш керак-
лигини билишадими?
Муаммо борлигини тан олмагунингизча уни ҳал қила 
олмайсиз. Йўлнинг бошидан чекиниш қўрқоқликдир, йўл-
нинг ярмидан чекиниш эса аҳмоқлик. Шундай экан, ҳеч қа-
чон чекинманг!
Тез қарор қабул қилиш учун узоқ ўйлаш зарур. Ҳаё-
тингиз учун керакли бўлган омилларга эътиборли бўлинг. 
Омиллар қанчалик мукаммал бўлмасин, улар Аллоҳнинг 
изнисиз ҳеч нарса қилолмайди.
www.ziyouz.com kutubxonasi

---

82
Муаммони ҳал этаётганда эътибор қилинг:
Хотиржамликни сақланг, чунки сиз уни ҳал эта бош-
ладингиз.
Юмор ҳиссини йўқотманг. Бу кучингизга куч қўша-
ди.
Ўзингизни табрикланг. Сиз энди бу каби муаммолар-
ни қандай ҳал этишни биласиз.
Ўзингизни мақтанг. Сиз энди бу каби муаммоларга 
қандай йўлиқмасликни биласиз.
Ҳар бир муаммонинг тўғри ва нотўғри ечими бўлади. 
Баъзи муаммоларнинг ечими муаммонинг ўзидан ҳам ёмон. 
Муаммонинг ҳақиқий сабабини топиш ечимнинг 99 фоизи-
ни топиш демакдир.
Муаммони ҳал этмоқчимисиз?
Сизга доимо ёрдам қўлини чўзиб келаётган одамни 
кўз олдингизга келтиринг ва у қандай ечимлар так-
лиф этиши мумкинлигини тасаввур қилинг.
Ўзингиздан: «Шу ечимни амалда қўллашим учун нима 
қилишим керак?» «Қандай тўсиқлар учрайди ва қан-
дай енгиб ўтаман?» – деб сўранг.
Бу ишда сизга ким ёрдам бера олишини ўйланг.
Келаси 3 кунда қиладиган ишларингизни режалашти-
ринг.
Ҳар қандай ечим янги муаммоларни келтириб чиқаради. 
Ё вазиятни ўзгартиринг, ё ўзингизни! «Бунинг ечими йўқ» 
ёки «Боши берк кўчадаман» деган гапларни кўпроқ мавжуд 
ечимлардан кўнгли тўлмай турган одам айтади.
www.ziyouz.com kutubxonasi

---

83
Аксарият муаммолар кундалик ишларнинг бетартибли-
гидан келиб чиқади. Бунга қуйидагилар мисол бўлади:
1. Ўз чегарангизни билмаслик.
2. Одам танлаш малакангизни ривожлантирмаслик.
3. Ички қувватингизни йўқотиш.
Баъзан муаммоларга шу даражада ўралашиб қолгани-
миздан янгиларини яратаётганимизни ҳам билмай қола-
миз. Шунинг учун ҳар бир қарорни ўйлаб қабул қилиш ке-
рак. Муаммони ҳал этишга уринмаслик эса яна бир муам-
мога сабаб бўлиши мумкин.