Muhammad al-Xorazmiy nomidagi Toshkent axborot texnologiyalari universiteti Samarqand filialida “TechnoWays” texnologik rivojlanish marafonini o‘tkazish tartibi to‘g‘risidagi Nizom

3. Ishlanmalarni baholash mezonlari 
3.1. Marafonda ishtirok etish uchun ajratib olingan ishlar nizomning
3-ilovasida belgilangan mezonlar asosida baholanadi:
3.2. Marafon ishtirokchilari Komissiya aʼzolariga loyihaning ilmiy va amaliy 
hamda ijtimoiy ahamiyatini tushuntirib bera olishini namoyish etishi lozim.
3.3. G‘oliblarni aniqlashda baholash jarayoni davomida har bir ishtirokchiga 
komissiya a’zolari tomonidan qo‘yilgan ballar umumlashtiriladi va komissiya 
a’zolari soniga bo‘linadi. Eng yuqori ball to‘plagan 3 nafar ishtirokchi g‘olib deb 
hisoblanadi.
3.4. Ishtirokchilar tomonidan to‘plangan ballar soni bir xil bo‘lib qolgan 
taqdirda, komissiya a’zolari tomonidan ovoz berish usuli bilan g‘olib aniqlanadi.
3.5. Loyihaning ilmiy yangiligini va zamonaviyligini ko‘rsatish maqsadida 
uning analoglari bilan solishtirish imkonini beruvchi maʼlumotlarni, stendlar yoki 
boshqa qurilmalarda test va sinovdan o‘tkazilganligi to‘g‘risida maʼlumot berishlari 
lozim. Agar ishlanma tanlovda ishtirok etgan yoki patentlangan bo‘lsa bu haqda 
tegishli maʼlumotlar taqdim etiladi.
4. Tanlov g‘oliblarini mukofotlash 
4.1. Marafon yakunlariga ko‘ra eng yuqori natijaga ega bo‘lib, 1-2-3-oʻrinlarni 
egallagan gʻoliblar (jamoalar) pul mukofotlari yoki mazkur qiymatdagi qimmatbaho 
esdalik sovg‘alar bilan taqdirlanadilar.
4.2. Mukofot Marafonda g‘olib bo‘lgan loyihalarga, uning mualliflari sonidan 
qatʼiy nazar, belgilangan qiymatda beriladi. Agar jamoa shaklida ishtirok etgan 
ishtirokchilarning loyihasi g‘oliblikni qo‘lga kiritsa, jamoa a’zolarining har biriga 
mukofot summasi teng miqdorlarda taqsimlanadi.

---

4.3. Mukofotlash Marafonda g‘olib bo‘lgan talaba-yoshlarning bank plastik 
kartochka hisob-raqamlariga pul o‘tkazish yo‘li bilan amalga oshiriladi.
4.4. Marafonni g‘oliblarini taqdirlash bilan bog‘liq sarf-xarajatlar Muhammad 
al- Xorazmiy nomidagi TATU Samarqand filiali budjetdan tashqari mablag‘lari 
hisobidan amalga oshiriladi.
4.5. Homiylar taqdim etgan qimmatbaho buyum va yoki esdalik sovg‘alar 
homiylar bilan kelishilgan tartibda g‘oliblarga yoki yuqori ko‘rsatkichlarga ega, faol 
ishtirokchilarga ham (rag‘batlantiruvchi sovg‘a sifatida) topshiriladi.
4.6. Ushbu Nizom, Marafon to‘g‘risidagi maʼlumotlar va uning natijalari 
Muhammad al- Xorazmiy nomidagi TATU Samarqand filiali rasmiy web-sayti va 
boshqa ommaviy axborot vositalarida eʼlon qilinadi.
4.7. Nizomning ilovalari uning ajralmas qismi hisoblanadi.

---

“TechnoWays” 
texnologik 
rivojlanish 
marafonini o‘tkazish tartibi to‘g‘risidagi 
Nizomga 1- ilova