Muqimiy toshkent «MA’naviyat» 2009

Furqatingga — do‘zax-u vaslingga — ruzvon o‘xshamas.
Ko‘zlaringga ohui Chin, sochlaringga mushki Chin,
Dur — tishingga, la’lingga la’li Badaxshon o‘xshamas.
Ulki raftoring ko‘rub, tovus bog‘larda yurub,
Aylagay taqlid etib harchand javlon, o‘xshamas.
Sho‘xi beboke ЬоЧак hojat emas qatlim uchun,
Isfahoni qoshinga shamshiri burron o‘xshamas.
Xo‘blig‘da ko‘p yoron, ammo barobar kelmagay 
Sanga, ko‘rdimkim, ukang ham bo‘lsa chandon o‘xshamas.
Aylamas mehrobi abro‘ying ko‘rib, ulkim namoz,
Hech mazhabda o‘zin olsa musulmon o‘xshamas.
Nogahon har she’rimi bir-bir agar olsang, 
M uqim, 
Nazmi vasfing chiqmasa yolg‘on-u yolg‘on о xshamas.
37

---

XAYRIYAT
Jon ramaqqa kelgan erdi, keldi yorim, xayriyat, 
Topdi jon dubora bu jismi figorim, xayriyat.
Orzular g‘unchasi hargiz ochilmas, der edim, 
Chiqdi hijron chillasi, keldi bahorim, xayriyat.
Bul kecha bir oh urdim gul yuzingni shavqida, 
Dahmi kuydirmadi o‘tliq sharorim, xayriyat.
Necha kun bo‘lmishki, vaslidin yiroq tashiab edi, 
Sog‘inib yo‘qlab kelibdur guruzorim, xayriyat.
Xira erdi sham’i umrim shomi hijroni bilan, 
Ravshan o‘ldi oy yuzidin ro‘zg‘orim, xayriyat.
Aql ila hushimni olib ketti yodidin chiqib,
Qoldi o‘xshaydir magar sabr-u qarorim, xayriyat.
Tog‘larni g‘arq etib seli sirishkim, yiqmadi,
Ko‘k binosin ikki chashmi ashkborim, xayriyat.
Va’da qilmay qat’i ummid aylasa neylar edim, 
Termulib yo‘lida chashmi intizorim, xayriyat.
U1 kunekim bir nigoh qilding Muqiming sorig‘a, 
Afzun o‘ldi misli gavhar e’tiborim, xayriyat.
38

---