Mustaqil ish mavzu: pul tizimi: mazmuni, turlari va elementlari bajardi: fu

O’ZBEKISTON RESPUBLIKASI OLIY TA’LIM, FAN VA INNOVATSIYALAR VAZIRLIGI


MIRZO ULUG’BEK NOMIDAGI O’ZBEKISTON MILLIY UNIVERSITETI
“IQTISODIYOT” FAKULTETI
“BANK ISHI” FANIDAN

MUSTAQIL ISH

MAVZU: PUL TIZIMI: MAZMUNI, TURLARI VA ELEMENTLARI

BAJARDI: FU-22 1-KURS TALABASI
HASANOVA SEVINCH
QABUL QILDI: _______________
TOSHKENT- 2023
REJA:
KIRISH…………………………………………………….………………………………..3

1. 
   PUL TIZIMI MAZMUNI……………………………………………...…………………4
   
2. 
   PUL TIZIMI TURLARI………………………………………………………….………8
   
3. 
   PUL TIZIMI ELEMENTLARI………………………………………………………….12
   

XULOSA…………………………………………………………………………………..17
FOYDALANILGAN ADABIYOTLAR…………………………………………….…….18

KIRISH

Mavzuning dolzarbligi va zarurati. Jahonda tarixan shakllangan hamda har bir mamlakat tomonidan qonuniy ravishda mustahkamlab qo‘yilgan pul muomalasining turli tizimlari amal qiladi. Mamlakat pul tizimimng muhim tarkibiy qismlari quyidagilardan iborat:
1) milliy pul birligi (so‘m, dollar, funt sterling va h.k.);
2) naqd pul muomalasida qonuniy to'lov vositasi sifatida amal qiluvchi qog‘oz, tanga va krcdit pullar tizimi;

3. 
   pul emissiyasi, ya’ni belgilangan qonuniy tartibda pulni muomalaga chiqarish tizimi;
   
4. 
   pul muomalasini tartibga soluvchi davlat idoralari.
   

Pul muomalasi naqd va kredit pullar yordamida amalga oshiriladi. Naqd pul muomalasiga bank biletlari va metall tangalar (pul belgilari) kiradi. Naqd pulsiz cheklar, kredit kartochkalari, veksellar, akkreditivlar, to‘lov talabnomalari kabilar yordamida amalga oshiriladi.
Mavzuning maqsadi va vazifalari. Agar biz, hozirgi kunda pul to‘g‘risida yozilgan va chop qilingan adabiyotlar soni bir necha marta oshib ketgan, desak mubolag‘a bo‘lmasa kerak. Tadqiqotlar shunchalik ko‘p bo‘lishiga qaramasdan, pul va uning xususiyatlari, har bir tizimda ishlatilishi, ro’li, iqtisodiyotga ta’siri, nega alohida olingan individumlar qo‘lida pulning ko‘payishi, ular boyligining ko‘payishiga olib keladiyu, jamiyat miqyosida muomaladagi pul massasining ko‘payishi jamiyat boyligi ortib borishiga salbiy ta’sir ko‘rsatadi, degan savollarga hali to‘liq javob berilgan emas.
Pul va uning vazifalari to‘g‘risida mavjud xorijiy mamlakatlar iqtisodchilarining qo‘llanmalarini olib qaraydigan bo‘lsak, pulning kelib chiqishi to‘g‘risida ikki xil g‘oya mavjudligini ko‘rishimiz mumkin. Bular ratsionalistik va evolyutsion g‘oyalardir.
Tadqiqotning ob’ekti sifatida Xalqaro Valyuta Fondi tanlab olindi.