Mustaqil ishi O‘qituvchi: Axunov Fayzulla Talaba

O‘ZBEKISTON RESPUBLIKASI AXBOROT TEXNOLOGIYALARI VA
KOMMUNIKATSIYALARINI RIVOJLANTIRISH VAZIRLIGI
MUHAMMAD AL-XORAZMIY NOMIDAGI
TOSHKENT AXBOROT TEXNOLOGIYALARI UNIVERSITETI


Metrologiya fanidan
Mustaqil ishi


O‘qituvchi: Axunov Fayzulla


Talaba: Axmedov Abdunabi
Toshkent 2023
6-variant
O`zbekiston Respublikasida metrologik faoliyatining qonuniy asoslari
Reja:

1. 
   O‘lchashlar birliligini taʼminlash tizimi.
   
2. 
   O‘lchashlar birliligini taʼminlash bo‘yicha xalqaro tashkilotlar
   

3 O‘zbekiston Respublikasi “Metrologiya to‘g‘risida”gi qonuni.
4.Metrologik tekshiruv va nazorat.

1. 
   O‘lchashlar birliligini taʼminlash tizimi.
   

O‘lchashlar birliligini taʼminlash tizimiga doir maʼlumotlarni yoritishdan oldin o‘lchashlar va birlik etalonlar to‘g‘risidagi asosiy tushunchalarni qarab chiqamiz.
O‘lchov bu berilgan noaniq qiymatni oldindan birlik qilib qabul qilingan etalonlardan biri bilan solishtirishdir.
O‘lchov bizga berilgan o‘lchanadigan kattalikni mikdoriy tavsiflashga imkon beradi.
O‘lchov muxandislik va ilmiy soxalarda muxim ro‘l o‘ynaydi.[1]
O‘lchov birligining 2 ta asosiy talabi bor:

1. 
   Taqqoslashda ishlatiladigan etalonlarning aniqligi yuqori va xalqaro miqyosda kelishilgan bo‘lishi kerak.
   
2. 
   Taqqoslashda ishlatiladigan apparatura va uskunalar metrologik tasdiqlangan bo‘lishi kerak.[1]
   

O‘lchash jarayoni 3.1-rasmda keltirilgan

3.1-rasm.O‘lchash jarayoni

O‘lchash obʼekti bu yerda o‘lchanishi lozim bo‘lgan kattalikni ifodalaydi.
Qiymat oldindan mavjud bo‘lgan massa, uzunlik, vaqt va shu kabi etalonlar bilan taqqoslanib natijani xosil qiladi. [1]
Turli qiymatlarni (o‘lchov birliklarini) ifodalash uchun etalonlar ishlab chiqilgan bo‘lib, Parij yaqinidagi Sevr shahrida ”O‘lchov va Tarozilar” xalqaro byurosida saklanadi.
O‘lchov birliklarining etalonlari quyidagi sinflarga bo‘linadi:

• 
  Xalqaro etalonlar
  
• 
  Birlamchi etalonlar
  
• 
  Ikkilamchi etalonlar
  
• 
  Ishchi etalonlar
  

Xalqaro etalonlar - xalqaro o‘zaro kelishuvni ifodalaydi.Ular doimiy ravishda rivojlanib boradi va absolyut fizik o‘lchov birliklari orqali tekshirilib turiladi. Ushbu xalqaro etalonlar o‘lchash va kalibrlash kabi oddiy metrologik tadbirlarni bajarilishda ishlatilmaydi.[1]
Birlamchi etalonlarning asosiy funksiyasi ikkilamchi etalonlarni kalibrlash va tekshirib turishdir. Birlamchi etalonlar turli davlatlarning Milliy Standart Labaratoriyalarida saqlanadi. Birlamchi etalonlar Milliy Labaratoriyalardan tashkarida foydalanish mumkin emas.[1]
Ikkilamchi etalonlar sanoat labaratoriyalarida o‘lchash va kalibrlash uchun asosiy etalon xisoblanadi. Ikkilamchi etalonlar kaysi sanoat yo‘nalishiga tegishliligidan kelib chiqgan xolda tasdiklanadi. Xar bir ikkilamchi etalonlar kalibrlash va birlamchi etalonlar bilan taqqoslash uchun Milliy Standartlash Labaratoriyalariga yuboriladi. [3]
O‘lchashlar birliligiga erishish mahsulotlar, xizmatlar, texnologiyalarning sifatini, xavfsizligi va raqobatbardoshligini taʼminlash bo‘yicha bajaradigan ishlarning asosidir. O‘lchashlar birliligini taʼminlash dunyodagi har bir mamlakat uchun davlat ahamiyatidagi masaladir. Maʼlumki, o‘lchashlar birliligi O‘zbekistonda o‘lchashlar birliligini taʼminlash tizimi asosida amalga oshiriladi.
O‘lchashlar birliligi hozirgi zamon metrologiya faoliyatidagi asosiy tushunchasi bo‘lib hisoblanadi va o‘lchashning shunday holatini tavsiflaydiki, unda o‘lchash natijalari kattaliklarni qonunlashtirilgan birliklarida ifodalangan ularning xatoliklari esa berilgan ehtimollik bilan o‘rnatilgan chegarada bo‘ladi.
O‘lchashlar birliligini taʼminlashning ilmiy asosi bo‘lib o‘lchashlar to‘g‘risidagi “Metrologiya” fani hisoblanadi. Hozirgi zamon metrologiya 3 bo‘limdan iborat:
− nazariy metrologiya;
− qonuniy metrologiya;
− amaliy metrologiya;
O‘lchashlar birliligini taʼminlash tizimining texnikaviy asoslari bo‘lib hisoblanadi:
− Milliy etalonlar kompleksi bo‘lib ular kattalik birliklarini takrorlash va saqlash uchun mo‘ljallangan.
− O‘lchash vositalari va o‘lchashlarni bajarish usullarining qonuniyligini o‘rnatish tizimi.
− Birliklar o‘lchamligini etalonlardan ular bilan o‘zaro bo‘ysunishda bo‘lgan o‘lchash vositalariga uzatish tizimi.
Tizimning tashkiliy asosi bo‘lib, O‘zbekiston metrologiya xizmati hisoblanadi. Ushbu xizmat davlat metrologiya xizmati va yuridik shaxslarning metrologiya xizmatidan tashkil topgan.
Tizimning qonuniy asosi bo‘lib O‘zbekiston Respublikasining “Metrologiya to‘g‘risida”dagi qonuni hisoblanadi.
Metrologiya xizmatining rahbariy va yetakchi markazi bo‘lib metrologiya bo‘yicha milliy organ O‘zstandart hisoblanadi. O‘zbekiston standartlashtirish, metrologiya va sertifikatlashtirish agentligi (“O‘zstandart agentligi”)ning tashkiliy tuzilishi 1-rasmda, “O‘zstandart” agentligi markaziy apparatining tuzilmasi 2-rasmda ketirilgan.
Vazirlar Mahkamasining 2004 yil 5 avgustdagi 373-son «O‘zbekiston davlat standartlashtirish, metrologiya va seritifikatlashtirish agentligi tuzilmasini takomillashtirish va uning faoliyatini tashkil etish to‘g‘risida”gi qarorinning 3-ilovasida “O‘zstandart” agentligi to‘g‘risida nizom keltirilgan.
“O‘zstandart” agentligi tuzilishi quyidagilar kiradi:

• 
  Hududiy standartlashtirish va metrologiya boshqarmalari (3-rasm);
  
• 
  Respublika sinov va sertifikatlashtirish markazi hamda uning hududiy sinov va sertifikatlashtirish markazlari;
  
• 
  Metrologiya xizmatlari ko‘rsatish markazi;
  
• 
  Standartlashtirish, metrologiya va sertifikatlashtirish ilmiy-tadqiqot instituti (4-rasm);
  
• 
  Milliy etalonlar markazi (5-rasm);
  
• 
  Shtrixli kodlashtirish markazi ;
  
• 
  Axborot-maʼlumotlar markazi ;
  

Yuridik shaxslarning metrologiya xizmati Davlat boshqaruv organlari, birlashmalar va tashkilotlar tomonidan zaruriy hollarda “Bosh metrologiya xizmati” yoki “Asos metrologiya xizmati” shaklida ochilishi mumkin.

O‘lchashlar birliligini taʼminlash tizimining normativ-huquqiy asosi bo‘lib O‘zbekistonda o‘lchovlar birliligini taʼminlash Davlat sistemasining hujjatlar kompleksi hisoblanadi.
Bu kompleks tarkibiga xalqaro, davlatlararo va milliy normativ va uslubiy hujjatlar kiradi. Bu hujjatlar o‘lchashlar birliligini taʼminlash bo‘yicha qancha, normativ va ishlarni bajarish tartibini aniqlaydi, bu esa Davlatning ishlab chiqarish va iqtisodiy integratsiyasiga va savdodagi to‘siqlarni bartaraf qilinishga imkon beradi.