Mustaqil ishi pedagogika fanining asosiy tushunchalari

Tarbiya - yosh avlodni ma‘lum faoliyatiga tayyorlash uchun ma‘lum maqsadga qarata rejali va bir tizimda ta‘sir etish jarayonidir.
Ma‘lumot - ta‘lim - tarbiya jarayonida olingan va tartibga solingan bilim, egallangan ko‘nikma va malakalar, hamda tarkib topgan dunyoqarashlar majmui.
Ta‘lim, tarbiya va ma‘lumot inson shaxsini aqliy, jismoniy va ma‘naviy jihatdan shakllantirish va rivojlantirishga qaratiladi.
Ta‘lim, tarbiya, ma‘lumot va shaxsning shakllanishi, rivojlanishi o‘zaro bog‘langan bo‘lib, bir jarayonda amalga oshiriladi. Ta‘lim va tarbiya tarkibiy jihatdan bir yaxlit jarayondir. Ta‘lim jarayonida bolalar tarbiyalanadi, tarbiyaviy vazifalarni amalga oshirish uchun ta‘lim jarayonidan foydalanamiz. Masalan: ta‘lim jarayonida Vatan haqida, uning o‘tmishi, hozirgi hayoti va kelajak haqida bilimga ega bo‘lib, o‘quvchilar vatanparvarlik ruhida tarbiyalanadilar. Ikkinchi tomondan Vatanga muhabbat qo‘yib, uning istiqlolini mustahkamlash va kelajagini yaratish ko‘proq bilimli kadrlarga bog‘liqligini anglab, o‘quvchilar o‘zlarining o‘qishlariga, bilim va ko‘nikmalar egallash vazifalariga mas‘uliyat bilan qaray boshlaydilar. Ma‘lumot, ana shu ta‘lim va tarbiyaning mahsuli bo‘lib, shu jarayonda amalga oshiriladi. Bularning hammasi shaxsning shakllanishi va rivojlanishiga olib keladi.
2.3. Pedagogika fanlari tarkibi va uning boshqa fanlar bilan aloqasi
Har bir fan o‘rganilayotgan ob‘ektdan o‘zi tadqiq qiladigan predmetni - ob‘ektiv dunyoning u yoki bu yashash shaklini, tabiat va jamiyat taraqqiyoti jarayonining u yoki bu tomonini ajratib oladi. Murakkab ob‘ektiv holda mavjud hodisa bo‘lgan tarbiyani ko‘pgina fanlar o‘rganadi. Masalan, falsafa tarbiyani jamiyat, uning ishlab chiqaruvchi kuchlari va ishlab chiqarish munosabatlari taraqqiyotning alohida momenti deb hisoblaydi; tarix uni sinfiy kurash va sinfiy tuzumning ayrim qismi deb biladi: psixologiya uni kamol topayotgan inson shaxsini shakllanishining tadqiq qilish munosabati bilan o‘rganadi. Har bir fanning mustaqil fanligi uning o‘zi tadqiq qiladigan, boshqa hech qanday fan tomonidan maxsus ravishda o‘rganilmaydigan alohida tekshirish ob‘yekti borligi bilan belgilanadi. Fanlarning umumiy tuzilmasida pedagogika insonni o‘zining tarbiya ob‘yekti qilib olgan yagona fandir.
Turli yoshdagi bolalarni o‘qitish va tarbiyalashning nazariy va amaliy tomonlarini yolg‘iz pedagogika fanining o‘zi hal qila olmaydi. Ta‘lim tarbiyaga oid bilim va tajriba kengayib borishi bilan pedagogika fani ham rivojlanib boradi va pedagogika fanlar tizimi vujudga keladi.
Pedagogika fanlari tizimi deb, ta‘lim - tarbiya ishlari bilan shug‘ullanadigan fanlarning yig‘indisiga aytiladi. Pedagogika fanlari tizimiga quyidagidagilar kiradi:
1. Umumiy pedagogika - tarbiya nazariyasi va didaktika ( o‘qitish nazariyasi). U tarbiyaning barcha sohalariga xos qonuniyatlarni o‘rganadi va tekshiradi.
2. Yoshlar pedagogikasi. U maktabgacha tarbiya pedagogikasi, maktab pedagogikasi, kattalar pedagogikasiga bo‘linadi.
3. Maxsus pedagogika - surdopedagogika - kar bolalarni o‘qitish va tarbiyalash tizimini, tiflopedagogika - yaxshi ko‘rmaydigan va butunlay ko‘rmaydigan bolalarni o‘qitish va tarbiyalash tizimini, olegofrenopedagogika - aqli zaif bolalarni o‘qitish va tarbiyalash xususiyatlarini o‘rganadi.
4. Xususiy metodika - ayrim o‘quv fanlarining o‘qitish metodikasini o‘rganadi.
Pedagogika tarixi - ta‘lim tarbiya ishining paydo bo‘lishi va taraqqiy etishini o‘rganadi.
Pedagogika quyidagi fanlar bilan aloqador:
Adabiyotlar:
1. I.Karimov. “ Barkamol avlod - O‘zbekiston taraqqiyotining poydevori. Toshkent. 1997 yil.
2. “Ta‘lim to‘g‘risida” gi Qonun. “ Barkamol avlod - O‘zbekiston taraqqiyotining poydevori. Toshkent. 1997 yil.
3.“Kadrlar tayyorlash Milliy Dasturi”.“Barkamol avlod-O‘zbekiston taraqqiyotining poydevori. Toshkent. 1997 yil.
4. Sh. Qurbonov, E.Seytxalilov. “ Kadaralar tayyorlash Milliy modeli; XXI asrni ko‘zlab. “Xalq ta‘limi” jurnali. 1998 yil 4-son 21-29 betlar.
5. Ibragimov X., Abdullayeva Sh. Pedagogika nazariyasi. – T. Fan va texnologiya nashriyoti, 2008.