jihatidan ittifokdosh respublikalar orasida eng oxirgi oʻrinlardan birida turibmiz. Oyiga oʻrta hisobda 75 soʻmdan kamrok yalpi daromad oladigan aholining ulushi mamlakatda 12 foizdan sal koʻprok bulsa, bizning respublikamizda 45 foizga boradi. Bir millionga yaqin kishi ijtimoiy ishlab chiqarishda oʻzining qoʻlidan keladigan ishni topa olmagan. Ijtimoiy infrastruktura tarmoqlari: sogʻlikni saqlash, xalq taʼlimi, maktabgacha bolalar muassasalari juda ogʻir ahvolga tushib qolgan. Maktab va kasalxonalarning 60 foizi nobop binolarda joylashtirilgan. Oʻzbekiston 80-yillarda ijtimoiy infrastrukturani rivojlantishning bir qancha koʻrsatkichlari yuzasidan mamlakatda eng oxrigi oʻrinlardan birida edi. Masalan, uy-joy bilan oʻrtacha taʼminlanishi yuzasidan ittifoq oʻrtacha koʻrsatkichining 65 foiz (ittifoqdosh respublikalar orasida 12-oʻrin), kasalxonadagi joylar yuzasidan 82 foiz (9-oʻrin), bir smenada shugʻullanishi uchun maktablardagi joylar yuzasidan 72 foiz (12-oʻrin), doimiy maktabgacha tarbiya bolalar muassasalari yuzasidan 34,2 foizni (12-oʻrin) tashkil qilgan.
Do'stlaringiz bilan baham: |
