Мутахассислик фанларини ўҚитишга инновасион ёндашув

Муаммоли таълим турлари (М.Н.Скаткин):
1. Билимларни муаммоли баён қилиш (муаммоли маъруза).
2. Муаммоли топшириқларни ҳал қилиш (муаммоли амалий машғулот).
3. Кичик илмий тадқиқотларни олиб бориш (муаммоли тажриба).
Муаммоли таълимнинг асосини муаммо (юн. “тўсиқ”, “қийинчилик”) ёки муаммоли вазият ташкил этиб, муаммоли ТТ уларнинг ечимини топишга хизмат қилади. Кўп ҳолатларда муаммо ва муаммоли вазият синонимлардек қабул қилинади. Аслида эса улар бир-биридан фарқ қилади.
Муаммонинг таркибий қисмлари:
1) маълум билимлар;
2) номаълум билимлар;
3) мавжуд тажриба.
Педагогик муаммо – ҳал қилиниши зарур, бироқ, ҳали ечиш усули номаълум бўлган педагогик характердаги масала.
Муаммони қўйиш қуйидаги босқичларда кечади:
1. Муаммони излаш.
2. Муаммони қўйиш.
3. Муаммони ҳал қилиш.
Таълим жараёнида муаммони қўйиш бир неча сатҳда кечади. Улар:
Муаммони қўйиш сатҳлари

1-сатҳ	Ўқитувчи муаммони қўяди ва талабаларни уни ҳал қилишга йўналтиради
2-сатҳ	Ўқитувчи муаммоли вазиятни баён қилади ва талабаларнинг ўзлари мустақил равишда муаммони шакллантиради
3-сатҳ	Ўқитувчи муаммони қўрсатиб бермайди, балки унга талабаларни рўпара қилади. Талабалар муаммони англаган ҳолда уни ўзлари шакллантириб, муаммони ечиш усулларини таҳлил қилади

Муаммоли вазият – талабаларнинг маълум топшириқларни бажариш (масалани ечиш, саволга жавоб топиш) жараёнида юзага келган зиддиятни англаши билан боғлиқ руҳий ҳолати бўлиб, у ҳал этилаётган масала билан боғлиқ янги билимларни излашни тақозо этади.
Муаммоли вазиятларни ҳал қилиш босқичлари:
1. Муаммоли вазиятни яратиш.
2. Вазиятни таҳлил қилиш асосида муаммони қўйиш.
3. Фаразларни илгари суриш.
4. Ечимни текшириш.
Педагогикада муаммоли вазият методи ҳам қўлланилади.