N ўРҚ-387 "Қимматли қОҒозлар бозори тўҒрисида"ги ўзбекистон республикаси

36-
модда. Қимматли қоғозларга бўлган ҳуқуқларни 
ҳисобга олишни ташкил этиш 
Қимматли қоғозларга бўлган ҳуқуқларни ҳисобга олиш Қимматли қоғозлар 
марказий депозитарийсида ва (ѐки) инвестиция воситачисида очиладиган қимматли 
қоғозлар эгаларининг депо ҳисобварақларида амалга оширилади, қонун 
ҳужжатларида назарда тутилган ҳоллар бундан мустасно. 
Инвестиция воситачиси ўз мижозларининг ҳисобварақларида унинг Қимматли 
қоғозлар марказий депозитарийсидаги ҳисобварақларида жамлаб ҳисобга олиб 
бориладиган ҳужжатсиз қимматли қоғозларга бўлган ҳуқуқлари ҳисобини юритади. 
37-
модда. Қимматли қоғозларга бўлган ҳуқуқларнинг ўтиши 
Ҳужжатсиз қимматли қоғозга бўлган ҳуқуқлар олувчига унинг депо ҳисобварағи 
бўйича тегишли кирим ѐзуви киритилган пайтдан эътиборан ўтади ва депо 
ҳисобварағидан кўчирма билан тасдиқланади. 
Неттингдан фойдаланилганда қимматли қоғозларга бўлган ҳуқуқлар ўтишининг 
ўзига хос хусусиятлари қимматли қоғозлар бозорини тартибга солиш бўйича 
ваколатли давлат органи томонидан белгиланади. 

---

Эгасининг номи ѐзилган ҳужжатли қимматли қоғозга бўлган мулк ҳуқуқи олувчига 
қимматли қоғоз бланкасига белгиланган тартибда тегишли ѐзув киритилган пайтдан 
эътиборан ўтади. 
Қимматли қоғоз билан тасдиқланадиган ҳуқуқлар ушбу қимматли қоғозга бўлган 
ҳуқуқлар ўтган пайтдан эътиборан олувчига ўтади. 
38-
модда. Қимматли қоғозлар 
марказий депозитарийси 
Қимматли қоғозлар марказий депозитарийси давлат унитар корхонаси шаклида 
ташкил этилади ҳамда фаолиятини хизматлар кўрсатишдан олинган даромадлар ва 
бошқа тушумлар ҳисобидан амалга оширади. 
Қимматли қоғозлар марказий депозитарийси хизматлари учун тарифларнинг 
миқдорлари Ўзбекистон Республикаси Молия вазирлиги билан келишилган ҳолда 
қимматли қоғозлар бозорини тартибга солиш бўйича ваколатли давлат органи 
томонидан тасдиқланади.