Namoz-moʻminning-meʼrojidir pdf

Tahajjud namozi
Bu namozning ozi 2, ko’pi 8 rakatdir.
Alloh taolo bunday degan:

---

“Kechasida tahajjud(namozi)qil, senga nofila bo’lur. Shoyadki,Robbing seni Maqomi mahmudda
tiriltirsa”
Ushbu oyat ila tahajjud namoziga targ’ib qilish Qur’onda kelgani eslatilmoqda. Kechasi bir uxlab
turib o’qiladigan namoz “tahajjud namozi” deb ataladi. Shuningdek, bu namoz “qiyom namozi” deb
ham ataladi. Avval boshida bu namoz vojib bo’lgan edi, bir yilchadan keyin vojibligi nasx qilingan.
Abu Umoma roziyallohu anhudan rivoyat qilinadi:
“Payg’ambar sollallohu alayhi vasallam:”Sizlarga kechaning qiyomi lozimdir. Chunki u sizlardan
oldingi solihlarning odati. U Robbingizga qurbatdir, yomonliklarga kafforatdir, gunohlarni
qaytaruvchidir”, dedilar”. Boshqa bir rivoyatda:”U jismdan dardni quvuvchidir”,ham deyilgan.
(Termiziy,Ahmad,Hokim)
Nafl namozlarining eng afzali tahajjud hisoblanadi. Chunki bu namoz hamma uxlab yotganda
o’qilgani uchun riyodan uzoq,ixlosga yaqin bo’ladi.
Izoh:Tahajjud xuftondan so’ng uxlab, kechaning ikkinchi yarmida bedor bo’lishdir. Uyg’onishiga
ishonchi bo’lmasa, xufton namozidan keyin o’qib olsa ham joiz. Raddul muhtor sohiblari tahajjud
namoziga:”Har bir xuftondan keyin o’qilgan namoz” deb ta’rif bergan. Afzali esa, bir uxlab turib
o’qishdir.
“Mo’minning me’roji”
@manfaatlii