Nasos stansiyalar binolari turlari

Nasos stansiyalar binolari turlari

Suv xo’jaligi va meliorativ tizimlardagi ko’chmas nasos stansiyalarning binolarini uch xil turga bo’lish qabul qilingan [9,32,33]:

a) «blokli» yoki «shaxta-blokli» bino (5.1 a, b.v-rasm). Bu turdagi binolarning asosini ulkan beton blok tashkil etib, nasoslarning suv keltirish truboprovodlari shu blok ichiga quriladi.
b) «bo’linmali» yoki «shaxta-bo’linmali» bino, o’z navbatida turli ko’rinishda bo’lishi mumkin ya’ni «quruq bo’linmali» (5.1.g,d,ye,j,z-rasm), nasos suvga botirilgan «xo’l bo’linmali» (5.2, v-rasm) va nasos suvga botirilmagan «xo’l bo’linmali» (5.1, i va 5.2, a,b-rasm). «Bo’linmali» binolarning asosini beton plita tashkil etib, nasoslarning truboprovodlari poydevor ustiga yotqiziladi.
v) «yer ustki» binosi (5.2,g,d-rasm) odatdagi sanoat imorati ko’rinishida yer ustiga bir qavatli shaklda quriladi.
«Blokli» va «bo’linmali» binolar ikki qavatli ya’ni yer ostki va yer ustki qismlaridan iborat bo’ladi. Yer ostki qismi chuqur bo’lgan hollarda «shaxtali» bino deb ataladi.
Binoning turini 5.1-jadvalda keltirilgan tavsiyalar asosida tanlanadi [9,31].
5.1-jadval
Binoning turini tanlash bo’yicha tavsiyalar

Binoning turini belgilovchi omillar	«Blokli» bino	«Bo’linmali» bino			«Yer ustki» bino
		«quruq bo’linmali»	nasos suvga botirilgan «ho’l bo’linmali»	nasos suvga botiril-magan» ho’l bo’linmali»
Nasosning suv haydashi Qx, m^3/s	2	<2	<2	<2		<1,5
Nasosning turi	V,OV,OPV	har qanday	OV, OPV	har qanday		gorizontal valli
Nasosning geodezik so’rish balandligi hs, m	manfiy	har qanday	manfiy	har qanday		musbat
Pastki b’efdagi suv sathining o’zgarishi Kpb , m	har qanday	har qanday	nasosning o’lchamiga bog`liq	o’rtacha 8 m gacha		s

«Хo’l bo’linmali» turdagi binolar ekspluatatsiyasi ancha noqulay bo’lganligi sababli boshqa turdagi binolarni qo’llashning iloji bo’lmagan hollardagina qabul qilinadi.

5.1-rasm. Nasos stansiya binolarining turli shakllari

5.2-rasm. Nasos stansiya binolarining turli shakllari

5.3-rasm. Vertikal valli nasoslarning suv keltirish truboprovodlari shakllari:
a-o’qiy nasos uchun tirsaksimon № 1 shakl; b-o’qiy nasos uchun tirsaksimon
№2 shakl; v- o’qiy nasos uchun to’g`ri to’rtburchak kesim yuzali №3 shakl;
g- ”V” turdagi markazdan qochma nasos uchun tirsaksimon shakl;