Nazorat uchun savollar va topshiriqlar

2-topshiriq:
1. Quyida berilgan ma’lumotlarga asosan korxonada asbob-uskunalardan foydalanish darajasini baholash uchun taqqoslash usulining qaysi xillarini qo‘llaymiz:
ushbu korxonada asbob-uskunalarning smenali ishlash koeffitsienti - 1,7; o‘rtacha tarmoq bo‘yicha - 1,6; tarmoqning eng ilg‘or korxonasida - 1,8; boshqa tarmoqlarning eng ilg‘or korxonalarida -2,5.
Taqqoslash usulining shartlarini hisobga olgan holda tahlil qilinayotgan korxonada asbob-uskunalarning smenali ishlash koeffitsientini oshirish imkoniyatini aniqlang.
2. Quyidagi berilgan mahsulot ishlab chiqarish uchun 10 norma-soat rejalashtirilgan, haqiqatga - 12, o‘tgan yili esa - 13; A - korxona - 15, V – korxona - 10.
3. Mahsulot hajmining o‘zgarishiga ta’sir qiluvchi omillar –mehnat resurslari, mehnat vositalari va mehnat predmetlari omillari tizimi bo‘yicha tahliliy formula tuzib, ularning bir-biri bilan uzviy ravishda bog‘langanligi ta’riflab bering va tegishli xulosa yozing.
4. Quyida berilgan jadval ma’lumotlariga asosan pirovard ko‘rsatkichni aniqlang va uning o‘zgarishiga ta’sir qiluvchi omillarni mutlaq
farq va zanjirni almashtirish usullari orqali aniqlang va xulosa yozing (ming so‘m hisobida).

Ko‘rsatkichlar	SHartli belgi	Reja bo‘yicha	Haqiqatda
1. Sotilmagan mahsulotning yil boshiga qoldig‘i 2. Tovar mahsuloti 3. Sotilmagan mahsulotning yil oxiriga qoldig‘i	T1 M T2	1000 40000 800	1500 42000 900