Nizomni tasdiqlash haqida

O`ZBEKISTON RESPUBLIKASI
ADLIYa VAZIRLIGI TOMONIDAN
RO`YXATGA OLINGAN
29.08.2012 y.
N 2387

O`ZBEKISTON RESPUBLIKASI
SOG`LIQNI SAQLASh VAZIRINING
10.07.2012 y.
N 200
BUYRUG`I


Xodimlarni tibbiy ko`rikdan o`tkazish tartibi
to`g`risidagi nizomni tasdiqlash haqida

(2012 yil 8 sentyabrdan kuchga kiradi)

O`zbekiston Respublikasi Mehnat kodeksiga (O`zbekiston Respublikasi Oliy Majlisining Axborotnomasi, 1996 y., 1-songa ilova), O`zbekiston Respublikasining "Aholining sanitariya-еpidemiologik osoyishtaligi to`g`risida"gi, "Mehnatni muhofaza qilish to`g`risida"gi (O`zbekiston Respublikasi Oliy Kengashining Axborotnomasi, 1993 y., 5-son, 223-modda) va "Fuqarolar sog`lig`ini saqlash to`g`risida"gi (O`zbekiston Respublikasi Oliy Majlisining Axborotnomasi, 1996 y., 9-son, 128-modda) qonunlariga muvofiq BUYURAMAN:

1. Xodimlarni tibbiy ko`rikdan o`tkazish tartibi to`g`risidagi nizom ilovaga muvofiq tasdiqlansin.

2. O`zbekiston Respublikasi sog`liqni saqlash vazirining 2000 yil 6 iyundagi 300-son "Xodimlarni ishga kirishdan oldin dastlabki va davriy tibbiy ko`riklardan o`tkazish tizimini takomillashtirish to`g`risida"gi buyrug`i (ro`yxat raqami 937, 2000 yil 23 iyun) (O`zbekiston Respublikasi vazirliklari, davlat qo`mitalari va idoralarining me’yoriy hujjatlari axborotnomasi, 2000 y., 12-son) o`z kuchini yo`qotgan deb hisoblansin.

3. Mazkur buyruq O`zbekiston Respublikasi Adliya vazirligida davlat ro`yxatidan o`tkazilgan kundan boshlab o`n kun o`tgandan keyin kuchga kiradi.

Vazir A. Ikramov

"O`zbekiston Respublikasi qonun hujjatlari to`plami", 2012 yil, 35-son, 407-modda

Ўзбекистон Республикаси
Адлия вазирлигида