Nókis-2022 udk : Isakov J. Ya., Toymuxamedov L. R., Tojiev R. R., Baymuratova Z. A., Isakov I. J., «Pul hám bankler» páni boyınsha oqıwlıq. –Nókis: 2022 jıl, 271 bet. Pul hám bankler

Inflyaciyanı júzege shıǵarıw formaları

Inflyaciyanı júzege shıǵarıw formaları

Ónimler hám xızmetler bahası artıwı nátiyjesinde puldıń qunsızlanıwi

Milliy pul birliginiń sırt el valyutasına salıstırǵanda kursı túsiwi

Altın hám sırt el valyutasınıń milliy valyutadaǵı bahasınıń kóteriliwi

Milliy pul birliginiń satıp alıw qábileti tómenlewi

Xalıq hám xojalıq subyektlerinde sırt el valyutasınıń jıynalıwı

Mámleket xalqında altınnıń toplanıwı (tezavraciya)

Usı sızılmada kórinip turǵanınday, inflyaciya tiykarınan úsh baǵdarda payda boladı. Birinshisinde ónimler, jumıs hám kórsetiletuǵın xızmetlerdiń bahaları tiykarsız túrde artıp ketiwi sebepli pul qádirsizlene baslaydı. Nátiyjede milliy valyutanıń satıp alıw qábileti túsedi. Ekinshisinde, sırt el valyutalarına salıstırǵanda milliy valyutanıń kursı tómenleydi. Nátiyjede xojalıq júrgiziwshi subyektler hám mámleket xalqı erkin aylanıstaǵı sırt el valyutaları (AQSh dolları, evro, shveycariya franki hám t.b.) jıynay baslaydı. Úshinshisinde, altınǵa bolǵan milliy pul birliginde kórsetiletuǵın baha kóterilip ketedi. Nátiyjede mámleket xalqı arasında altınnıń toplanıp qalıwı, yaǵnıy tezavraciya ámelge asadı.