Nókis qalalıq Xalıq Bilimlendiriw mekemeleri xızmetin metodikalıq támiyinlew hám shólkemlestiriw bólimine qaraslı 41-sanlı ulıwma bilim beriw mektebiniń baslawısh klass muǵallimi Tajenova Gúlbaxardıń oqıw páninen ótken ashıq sabaǵınıń bir

Nókis qalalıq Xalıq Bilimlendiriw mekemeleri xızmetin metodikalıq támiyinlew hám shólkemlestiriw bólimine qaraslı 41-sanlı ulıwma bilim beriw mektebiniń baslawısh klass muǵallimi Tajenova Gúlbaxardıń oqıw páninen ótken ashıq sabaǵınıń bir saatlıq

Tema: “Tınıshlıq jasasın!”
Nókis – 2017j


Dúziwshi: Tajenova Gúlbaxar
Pán: Oqıw
Sáne: 2-may
Klass: 4b-klass
Tema: “Tınıshlıq jasasın!”
Waqıt: 45 minut


Sabaqtıń maqseti:
a) bilim beriwshilik: Oqıwshılar “Tınıshlıq jasasın!” qosıǵınıń mazmunı boyınsha túsinikler aladı.
b) tárbiyalıq: Oqıwshılardı tema arqalı Watan súyiwshilikke, onı qádirlewge, Watanımız rawajlanıwına óz úleslerin qosıwǵa tárbiyalaw.
v) rawajlandırıwshı: Oqıwshılardıń Watan, ǵárezsizlik, tınıshlıq haqqındaǵı pikirleri rawajlanadı.


Sabaq túri: Jańa bilim beriwshi.
Sabaq usılı: erkin pikirlew, soraw-juwap, klaster.
Sabaqtı qurallandırıw: plakatlar, tarqatpalar, slayd.
Kútiletuǵın nátiyje: Oqıwshılar Watanımızdıń ǵárezsizligi, onıń rawajlanıwı haqqında qısqasha hám túsinikli tárizde túsinikler aladı.


Sabaqtıń barısı:
I. Shólkemlestiriw. 3 minut
II. Úyge tapsırma soraw. 10 minut
III. Úyge tapsırmanı bekkemlew. 3 minut
IV. Taza temanı túsindiriw. 10 minut
V. Taza temanı bekkemlew. 13 minut
VI. Dem alıw minutı. 3 minut
VII. Sabaqqa juwmaqlaw jasaw hám úyge tapsırma beriw. 3 minut


I. Shólkemlestiriw. 3 minut (Soraw-juwap metodı)
Oqıwshılar menen sálemlesiw. Náwbetshi oqıwshı arqalı qatnastı anıqlaw.
Oqıwshılar menen soraw-juwap ótkeriw.
Muǵallim: Oqıwshılar házir qanday sabaq?
Oqıwshılar: Oqıw sabaǵı.
Muǵallim:
1. Búgin klasta kim náwbetshi?
2. Oqıwshılar házir neshinshi jıl?
3. Oqıwshılar házir qanday máwsim?
5. Báhár máwsimine qaysı aylar kiredi?
6. Báhár máwsiminde qanday bayramlar belgilenedi?
7. Búgin hawa rayı qanday?

II. Úyge tapsırma soraw. 10 minut (Soraw-juwap)

Ótken sabaq boyınsha oqıwshılardıń alǵan bilimlerin tekseriw maqsetinde úyge tapsırma soraladı. Úyge tapsırma “Ulım, sirá urıs bolmaydı” qosıǵı.

III. Úyge tapsırmanı bekkemlew. 3 minut

Úyge tapsırmanı bekkemlew ushın oqıwshılar menen soraw-juwaplar ótkeriw.

IV. Taza temanı túsindiriw. 10 minut

“Tınıshlıq jasasın!”
Jawızlıq iske, “Birewge gór qazsań”,
Kim qolın ursa. Túseseń óziń.
Bilemiz ondaydıń, Seniń de uzamay,
Ómiri qısqa. Jumılar kóziń.

Watanın satqan, Tuwısqan xalqıma,

Júzi qaralar. Tınıshlıq kerek.
Jerkenip qaraydı, Tınıshlıq ushın,
Oǵan adamlar. Soǵadı júrek.

Jawızlıq hesh qashan, Tınıshlıq jasasın,

Iske aspaǵan. Qanxorǵa ólim!
Tınısh ómirde, Márdana jasaydı,
Xalqım jasaǵan. Ǵárezsiz elim.


V. Taza temanı bekkemlew. 13 minut
Taza temanı bekkemlew ushın “Venn diagramması”nan paydalanamız. Oqıwshılar úsh toparǵa bólinedi. Taxtanı úshke bólip diagrammalar tómendegi kóriniste sızıladı:

Toparlarǵa tarqatpa materiallar tiykarında tapsırmalar beriledi.

1-topar:
1) Siz Watan rawajlanıwına qanday úles qosa alasız?
2) Watan degende neni túsinesiz?


2-topar:
1) Watan rawajlanıwına óz úleslerin qosqan insanlardı bilesiz be?
2) Sizińshe, Watan tuyǵısı degen ne?


3-topar:
1) “Ózge elde sultan bolǵansha, óz elińde shopan bol” naqılın qalay túsinesiz?
2) Ózińiz jasap atırǵan máhálleni táriylep beriń

Toparlar tárepinen tapsırmalar orınlanǵannan soń, hár bir topardan bir lider shıǵıp oqıwshılar tárepinen bildirilgen pikirlerdi ulwımalastırıp, taxtada berilgen diagrammalardı toltıradı.

Qaysı topar birinshi bolıp tapsırmanı orınlap, óz diagrammaların toltırsa sol topar jeńimpaz boladı hám bahalanadı.

VI. Dem alıw minutı. 3 minut

Appaq bolıp tań attı,
Tútin tikke shıǵadı,
Qarlıǵashlar qanatın,
Qaǵıp biyik ushadı.
VII. Sabaqqa juwmaqlaw jasaw hám úyge tapsırma beriw. 3 minut
Sabaqta belsene qatnasqan oqıwshılar xoshametlenedi hám bahalanadı. Oqıwshılar gúbelekler menen bahalanadı.
Úyge tapsırma “Tınıshlıq jasasın!” qosıǵın tásirli etip oqıp keliw.