Noan’anaviy dars ishlanmalari 4 sinf

O’quvchilar: Tinchlik, quyosh, osmon va ona haqida.
O’qituvchi: Endi birinchi topshiriqni eshiting!
1 - Topshiriq: Yusuf Xos Xojibning “Qutadg’u bilig” asaridan bahor tasvirlangan so’zlarni eslaymiz.
1- Guruh:
O’quvchi: Sharqdan bahor nafasi esib keldi. Olamni bezamoq uchun firdavs yo’lini ochdi.
O’quvchi: Zerikarli qishni bahor nafasi haydadi. Musaffo bahor yana o’z hukmiga kirdi.
2 – Guruh:
O’quvchi: Turli – tuman chechaklar qiyg’os ochildi. Olam ichi ifor bilan to’ldi.
O’quvchi: Bo’z yer yuziga yashil parda tortdi.
3 - Guruh:
O’quvchi: G’oz o’rdak, oqqushlar osmonni to’ldirib, qag’illashib, yuqori, quyi uchmoqda.
O’quvchi: Gulzorda bulbul ming ohangda navo qilmoqda.
2 – Topshiriq: Tabiat bilan bog’liq sahna ko’rinishi.
1- Guruh: Bobo va nevara.
Bobo: Mana, Nodirjon bolam, bularni ko’rginchi, bir – biridan farqlay olasanmi? Ko’zim yaxshi ko’rmayapti, adashib aralashtirib ekib qo’ymaylik tag’in/
Nevara: Hammasini to’g’ri ajratganman bobojon.
Bobo: Hozir kuz fasli oxirlab qoldi. Bu anor, anjir, tok, jiyda, tol, terak novdalarini yerga qadasak, qishning qori-yu, bahorning yomg’iri suvlaridan to’yinadi-da bolam.
Bahorda barg chiqaradi. Qarabsanki, bir yildan so’ng, ildiz otadi, joylashadi.
Bularni shu usulda ko’paytiriladi.
Nevara: Bobojon bu ish menga yoqdi. Qiziqib ketyapman. Boshqa daraxtlarni qanday o’tqazishadi, qanday payvand qilishadi? Men ham bog’bon bo’lgim kelyapti.
Bobo: Menga qarashib yursang, ba’zi narsalarni o’rganib olasan. “Yaxshidan bog’ qolar” deyishgan. Katta bo’lganingda albatta bog’ yaratasan, bolam. Senga ishonaman.
Nevara: Harakat qilaman, o’rganaman bobojon.
Bobo: Barakalla, bu xayrli ish. Tabiatni sev!
Bobo va nevara chiqib ketishadi.
2 - Guruh:
Amir Temir vaziri bilan chiqib kelishadi.