Nomi º Mashg'ulot Semestr

3.5. Магистрлик диссертациясига ёзиладиган тақризлар

Магистрлик диссертациясига илмий раҳбарнинг хулосаси, ички ва ташқи тақриз берилади. Улар ҳам маълум қоида асосида ёзилиши керак. Илмий раҳбарнинг хулосаси, ички ва ташқи тақриз қуйидагича ёзилиши шарт:

Илмий раҳбар хулосаси:
1. Диссертация мавзусининг долзарблиги;
2. Мавзунинг магистрант амалиёт жойи билан боғланганлик даражаси; 3. Магистрлик диссертациясининг мақсад ва вазифалари муаллиф томонидан қай даражада ёритилганлиги;
4. Тадқиқотнинг илмий жиҳатдан янгилиги;
5. Тадқиқот натижаларининг асосланганлиги;
6. Тадқиқотчининг илмий таҳлил қилиш қобилиятини қисқача таърифлаш;
7. Магистрант берган хулоса ва таклифларининг сифати;
8. Диссертациянинг қўйилган талабларга мос келиш ёки келмаслиги;
9. Диссертацияда профессионал этика қоидаларининг бузилиш ҳолатларини (плагиат, маълумотларни сохталаштириш ҳамда ёлғон цитата келтириш) аниқлаш;
10. Белгиланган дастлабки ҳимоя санасидан камида 3 кун олдин диссертацияга ёзма тақриз бериш.

Ички ва ташқи тақризчиларни олий таълим муассасасининг тегишли кафедраси тавсия этади ва уларнинг рўйхати олий таълим муассасасининг илмий ишлар бўйича проректори томонидан тасдиқланади.

Тақризчилар вазифаларига қуйидагилар киради:
 тақриз ёзиш учун унга тақдим этилган диссертацияда профессионал этика қоидаларининг бузилиш ҳолатларини (плагиат, маълумотларни сохталаштириш ҳамда ёлғон цитата келтириш) аниқлаш ва диссертациянинг долзарблиги, илмийлиги ва якунланганлиги ҳақида хулосалар бериш;
 белгиланган дастлабки ҳимоя санасидан камида 3 кун олдин диссертацияга ёзма тақриз бериш.
 тақризчи диссертацияда талаба томонидан профессионал этика қоидалари бузилганлигини (плагиат, маълумотларни сохталаштириш ҳамда ёлғон цитата келтириш) аниқлаган тақдирда, мазкур қоида бузилишларини қисқа муддатда тузатиш имконияти мавжуд бўлмаса, мазкур диссертацияни дастлабки ҳимояга тавсия этмаслик ҳақида тақриз беради.
Талаба томонидан диссертация дастлабки ҳимоя санасига қадар кафедрага босма муқоваланган ҳамда электрон шаклда тақдим этилиши лозим.
Тақриз ҳажми компьютерда ёзилган 2-5 бетдан иборат бўлади. Диссертация ютуқлари ва камчиликларини далилий тарзда ёритувчи ушбу ҳужжат ҳимоя пайтида диссертация натижалари муҳокама қилинаётганда Кичик илмий махсус кенгаш йиғилишида ўқиб эшиттирилади.
Кафедра ишни кўриб чиққач, дастлабки ҳимоя куни ва вақтини белгилайди. Дастлабки ҳимоядан муваффақиятли ўтган диссертация кафедра қайдномаси билан расмийлаштирилиб, очиқ ҳимояга тавсия этилади.