Обезболивание

Ingalyatsion narkozga ko’rsatma va qarshi ko’rsatmalar

Hozirgi kunda inglyatsion narkozga ko’rsatmalar keng. Ingalyatsion narkoz ostida barcha qiyin operatsiyalarni va kichik operatsiyalarni ham o’tkazish mumkin. Ammo imkon boricha mahalliy anesteziya bilan o’tkazish maqsadga muvofiq.

Ingalyatsion narkozga qarshi ko’rsatmalar

Absolut
Yurak- qon tomir tizimi kasalliklari
O’pka yetishmovchiligi bilan ifodalangan nafas olish tizimi kasalliklari
Jigar va buyrak funksiyasining keskin buzilishi bilan bog’liq holatlar
Anemiya va kaxeksiyaning og’ir darajalari
Kalla ichi bosimining oshishi bilan namoyon bo’ladigan kasallikla(o’smalar)
nisbiy.
Yuqoridagi kasalliklarning kam ifodalangan funksional buzilishlarida.

Bemorni narkozga tayyorlash

Bemorni narkozga va operatsiyaga tayyorlashda anesteziolog bevosita ishtirok etadi.

• Operarsiyadan oldin bemorning asosiy va yondosh kasalliklariga diqqat qaratiladi. Agar bemor rejali operatsiyaga tayyorlanayotgan bo’lsa yondosh kasalliklar davolanadi, og’iz bo’shlig’i sanatsiya qilinadi. Vrach bemorning psixik holatini aniqlaydi va baholaydi, allergologik anamnez yig’iladi, oldingi o’tkazgan kasalliklari va operatsiyalari, narkozlari haqida ma’lumot to’ldiriladi. Yuz shakli, ko’krak qafasi, bo’yni, teri osti yog’ qavati ifodalanishiga diqqat qilinadi. Bularning barchasi og’riqsizlantirish usuli va narkotik moddani tanlashda asos bo’lib xizmat qiladi.
• Narkozga tayyorlashning muhim qoidalaridan biri oshqozon ishak traktini tozalash hisoblanadi (oshqozonni yuvish, tozalov klizmasi).

Bemorning psixo-emotsional holatini reaksiyasini bostirish va adashgan nerv funksiyasini pasaytirish operatsiyadan oldin mahsus medikamentoz tayyorgalik qilinadi. Bu — premedikatsiya:

• Bemorning psixo-emotsional holatini reaksiyasini bostirish va adashgan nerv funksiyasini pasaytirish operatsiyadan oldin mahsus medikamentoz tayyorgalik qilinadi. Bu — premedikatsiya:
• Tunda bemorga uyqu dorilar beriladi. Nerv tizmida muammosi bor bemorlarga 1 sutka oldin trankvilizatorlar(sedukden, relanium) buyuriladi.
• Operatsiyadan 40 minut oldin mushak orasiga yoki teri ostiga narkotik analgetiklar yuboriladi: 1 ml 1-2 % li promedol yoki 2 ml fentanil. Adshgan nerv funksiyasi pasaytirish va so’lak ajralishini kamaytirish uchun 0,5 ml 0,1% li atropine eritmasi yuboriladi. Allergologik anamnezli bemorlarga premedikatsiga qo’shimcha antigistamin preperatlar ham qo’llaniladi.
• Bevosita operatsiyadan oldin og’iz bo’shlig’i ko’zdan kechiriladi, olinadigan tishlar va protezlar chiqarib olinadi.