Образование наука и инновационные идеи в мире

 
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
 
 
http://www.newjournal.org/
Выпуск журнала № – 17
Часть–2_ Март–2023  
10 
2181-3187 
йўналтириладиган даромадларсиз соҳанинг кенг кўламдаги фаолиятига эришиб 
бўлмайди, шу нуқтаи назардан ушбу жараённинг бошқарилиш воситаси ҳам 
мавжуд бўлмайди. 
Бошқарув жараёнлари бўйича туристик ташкилотлар олдига иккита ўзаро 
боғлиқ муҳим вазифа қўйилади: 
- туризм бошқарувига бозор муносабатлари мазмунини сингдириш, яъни 
бозор муносабатларини соҳа амалиётига тўлиқ киритиш; 
- жаҳонда шу йўналишда юз бераётган ўзгаришларни ҳисобга олган ҳолда 
туризм соҳасидаги янгиликларини шароитга мослаштириш. 
Бугунги тараққиёт жараёнида иқтисодиётнинг асосий тармоқларидан 
бирига айланиб бораётган туризм соҳаси, жумладан, соҳанинг ички туризм 
йўналиши ҳам миллий иқтисодиётнинг бошқа тармоқ ва соҳалари билан чуқур 
алоқадаги тизим ҳисобланади. 
Ички туризм тизимлари ва корхоналари фаолиятида ҳам бошқарувнинг 
анъанавий шаклида кўрсатиб ўтилган бошқарув қонунлари ва тамойилларига 
амал қилади, ички туризм фаолияти билан шуғулланувчи тузилмалари ҳам 
умумий белгиланган бошқарув мақсадлари, функциялари ва вазифалари 
доирасида фаолият кўрсатади. Бироқ, ички туризм фаолиятини бошқариш 
жараёнлари иқтисодиётнинг бошқа тизим ва корхоналаридан фарқланувчи ўзига 
хос жиҳатларга ҳам эгадир. Ички туризм фаолиятида ҳам туризмнинг бошқа 
йўналишлари каби менежментнинг асосий вазифаси умумий тенденция ва унинг 
ривожланиш қонуниятларини аниқлаш ҳамда ўзига хос томонларини топишдан 
иборат.
Ички туризм фаолиятини бошқариш жараёнларида менежментнинг 
қонунлари 
(ихтисослаштириш, 
интеграция, 
марказлаштириш, 
демократлаштириш ҳамда вақт қонунлари), шу билан бирга бошқарув 
тамойиллари (яккабошчилик ва коллегиаллик, илмийлик, режалилик, бошқарув 
шакл ва усулларини такомиллаштириб бориш, кадрлар танлаш ва жойлаштириш, 
агентларнинг мустақиллиги ва эркинлиги, шахсий ташаббус ҳамда жавобгарлик 
ва таваккалчилик) умумий ҳолда амал қилиб, улар бошқа тармоқлардаги 
ҳолатдан соҳадаги фаолиятни ташкил этишдаги хусусиятлардан келиб чиқиб 
фарқланади. 
Ички туризм соҳасидаги фаолиятини бошқариш жараёнида ҳам маркетинг, 
режалаштириш, ташкил этиш, мувофиқлаштириш, рағбатлантириш, ҳисоб ва 
назорат функциялари каби умумий функциялар билан биргаликда асосий 
фаолиятни бошқариш, қўшимча хизматларни бошқариш, хизмат сифатини 
бошқариш ҳамда меҳнат ва иш ҳақини бошқариш каби аниқ функциялар 
бажарилиши таъминланади. 

---