Okoz: 07. 00. 00. 00 Moliya va kredit to‘g‘risidagi qonunchilik. Bank faoliyati / 07. 03. 00. 00 Pul tizimi va pul muomalasi. Inflyatsiya / 07. 03. 02. 00 Naqd pul emissiyasi, pul muomalasini tashkil qilish va tartibga solish



[OKOZ:

1.07.00.00.00 Moliya va kredit to‘g‘risidagi qonunchilik. Bank faoliyati / 07.03.00.00 Pul tizimi va pul muomalasi. Inflyatsiya / 07.03.02.00 Naqd pul emissiyasi, pul muomalasini tashkil qilish va tartibga solish. Inflyatsiya]

[TSZ:

1.Moliya / Pul tizimi. Hisob-kitoblar]

O‘zbekiston Respublikasi Prezidentining

Farmoni

Inflatsion targetlash rejimiga bosqichma-bosqich o‘tish orqali pul-kredit siyosatini takomillashtirish to‘g‘risida

Inflatsiya darajasini yanada pasaytirish borasidagi chora-tadbirlarning amalga oshirilishi aholi turmush darajasini yaxshilash va barqaror iqtisodiy o‘sish uchun sharoitlar yaratishga qaratilgan iqtisodiy islohotlar samaradorligini ta’minlashning muhim omili hisoblanadi.

Xalqaro tajriba bozor iqtisodiyoti sharoitida pul-kredit siyosatini yuritishning samarali usullaridan biri inflatsion targetlash rejimi ekanligini ko‘rsatmoqda, bunda pul-kredit bozoridagi markaziy bankning faol ishtiroki, shuningdek, iqtisodiy rivojlanishning muntazam tahlili va davlat siyosati rejalarining keng yoritib borilishi inflatsiyaning miqdoriy maqsadlariga erishishni ta’minlaydi.

Shu bilan birga, inflatsion targetlash rejimini joriy etish O‘zbekiston Respublikasi Markaziy banki va Vazirlar Mahkamasining quyidagi yo‘nalishlarga qaratilgan muvofiqlashtirilgan tayyorgarlik ishlarini talab etadi:

inflatsiyaning nomonetar omillari rolini bosqichma-bosqich pasaytirish, shu jumladan, tariflarni tartibga solishni isloh qilish, iqtisodiyotning real sektorida tarkibiy iqtisodiy islohotlar samaradorligini ta’minlash va ichki bozorni iste’mol tovarlari bilan to‘ldirish;

Markaziy bankning makroiqtisodiy tahlil va kommunikatsiya siyosati sifatini oshirish;

regulyatorning kredit bozoriga samarali ta’sir etishini ta’minlab beruvchi, pul bozorini tartibga solishning yangi instrumentlarini joriy etish.

Makroiqtisodiy barqarorlikni ta’minlash uchun iqtisodiyotni tartibga solishning bozor mexanizmlari va instrumentlarini qo‘llashni kengaytirish, shuningdek, pul-kredit siyosati samaradorligini tubdan oshirish maqsadida:

1. O‘zbekiston Respublikasi Markaziy banki inflatsiya darajasini 2021-yilda 10 foizgacha pasaytirish hamda 2023-yilda 5 foiz darajadagi doimiy inflatsion maqsadni (target) o‘rnatish yo‘li bilan 2020-yilning 1-yanvaridan boshlab pul-kredit siyosati mexanizmlarini bosqichma-bosqich inflatsion targetlash rejimiga o‘tkazishni ta’minlasin.

2. Quyidagilar O‘zbekiston Respublikasi Markaziy banki pul-kredit siyosatining asosiy tamoyillari etib belgilansin:

inflatsiyaning doimiy amal qiladigan maqsadini belgilash va uni keng jamoatchilikka yetkazish;

pul bozoridagi foiz stavkalarini tartibga solish va inflatsion jarayonlarni boshqarish maqsadida pul-kredit siyosatining keng qamrovli instrumentlarini qo‘llash;

pul-kredit siyosati sohasida obyektiv qarorlar qabul qilish maqsadida ichki va tashqi bozorlarda mavjud bo‘lgan ochiq ma’lumotlarni hisobga olgan holda batafsil makroiqtisodiy tahlil va prognozlarni amalga oshirish;

pul-kredit siyosati maqsadlarini keng jamoatchilikka yetkazish, makroiqtisodiy holatning oldindan ko‘ra bilinishini ta’minlash va bozor ishtirokchilari ishonchini shakllantirish maqsadida O‘zbekiston Respublikasi Markaziy bankining kommunikatsiya siyosatini takomillashtirish.

3. O‘zbekiston Respublikasi Vazirlar Mahkamasi va Markaziy banki inflatsion targetlash rejimiga to‘liq o‘tish uchun sharoitlar yaratish bo‘yicha kompleks chora-tadbirlar amalga oshirilishini ta’minlasin, xususan:

muvofiqlashtirilgan monetar-fiskal va monopoliyaga qarshi siyosat yuritish;

raqobatdosh bozor iqtisodiyotiga o‘tishni tezlashtirish, mahalliy ishlab chiqaruvchilar raqobatbardoshligini oshirish hamda tovarlar va xizmatlarning to‘laqonli bozorlarini shakllantirish orqali iqtisodiyot tarmoqlarida tarkibiy islohotlarni amalga oshirishni davom ettirish;

monopoliyaga qarshi kurashish va narxlarni tartibga solishning zamonaviy usullariga o‘tishga, shuningdek, ishlab chiqarish infratuzilmasini kengaytirishga yo‘naltirilgan tartibga solinadigan narxlarni bosqichma-bosqich erkinlashtirish;

jamg‘armalarni investitsiyalarga transformatsiya qilish uchun moliyaviy vositachilik institutlarini rivojlantirish maqsadida bank tizimi hamda moliya bozorlarini isloh etish, shuningdek, moliyaviy oqimlarni uzoq muddatli rejalashtirish uchun imkoniyat yaratish.

[OKOZ:

1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.01.00 Davlat dasturlari, konsepsiyalar va boshqalar]

4. Quyidagilar:

O‘zbekiston Respublikasi Vazirlar Mahkamasi va Markaziy bankining inflatsiyani pasaytirish va narxlar barqarorligini ta’minlash bo‘yicha birgalikdagi harakatlari konsepsiyasi (keyingi o‘rinlarda — Konsepsiya) 1-ilovaga muvofiq;

2020-yilda inflatsiyani pasaytirish va narxlar barqarorligini ta’minlash bo‘yicha “Yo‘l xaritasi” (keyingi o‘rinlarda — “Yo‘l xaritasi”) 2-ilovaga muvofiq ma’qullansin.

5. O‘zbekiston Respublikasi Markaziy banki quyidagilarni joriy etish orqali pul-kredit siyosati instrumentlari, mexanizmlari va jarayonlarini inflatsion targetlash rejimi standartlariga muvofiqlashtirish choralarini ko‘rsin:

2020-yilning 1-yanvariga qadar pul bozori foiz stavkalariga ta’sir ko‘rsatuvchi bozor instrumentlari, shu jumladan Markaziy bank obligatsiyalari, overnayt depozitlar, doimiy tusdagi depozit auksionlari, davlat qimmatli qog‘ozlari va xorijiy valyuta garovi ostida kredit auksionlari va overnayt kreditlari;

2020-yil davomida foiz va valyuta xatarlarini boshqarishda hosilaviy instrumentlar (svop, opsion va fyucherslar) va tijorat banklarining valyuta kursi shakllanishidagi rolining bosqichma-bosqich oshirib borilishi;

bir oy muddatda Markaziy bankning banklararo pul bozoriga muntazam intervensiyasi orqali moslashuvchan foiz siyosatini amalga oshirishda asosiy foiz stavkasining foiz koridori mexanizmi;

2020-yilning 1-apreliga qadar xalqaro moliya institutlarining texnik ko‘magi hamda ilg‘or xalqaro tajriba asosida ekonometrik modellashtirish instrumentlarini rivojlantirishni nazarda tutuvchi makroiqtisodiy tahlil va prognozlash tizimi;

ikki oy muddatda Markaziy bank tomonidan iqtisodiyotdagi joriy holat, inflatsion jarayonlarning asosiy omillari va pul-kredit siyosati choralarining o‘z vaqtida yoritilishini ko‘zda tutuvchi kommunikatsion siyosatning zamonaviy tamoyillari;

inflatsiya va inflatsion kutilmalar omillarini doimiy o‘rganib borish, xalqaro moliya institutlari va boshqa davlatlar markaziy banklari texnik ko‘magini jalb etish orqali ilg‘or xorijiy tajribani o‘rganish.

6. Inflatsiya darajasini pasaytirish va narxlar barqarorligini ta’minlash borasidagi chora-tadbirlarni muvofiqlashtirish bo‘yicha komissiya (keyingi o‘rinlarda — Komissiya) 3-ilovaga muvofiq tarkibda tashkil etilsin.

Quyidagilar Komissiyaning asosiy vazifalari etib belgilansin:

inflatsiya omillari va narxlar oshishiga olib kelayotgan sabablarni bevosita joyiga chiqqan holda tahlil etish va tanqidiy baholab borish;

barcha vazirlik va idoralar sa’y-harakatlarini iqtisodiyotda inflatsiya darajasini pasaytirish hamda amalga oshirilayotgan siyosatning o‘zaro muvofiqligini ta’minlashga qaratish;

respublika pul-kredit siyosatini inflatsion targetlash rejimiga o‘tkazishga qaratilgan chora-tadbirlarning o‘z vaqtida va samarali ijro etilishidagi kamchilik va muammolarni aniqlash, shuningdek, ularni bartaraf etish hamda ushbu sohadagi vakolatli organ va tashkilotlar rahbarlarining mas’uliyatini oshirish bo‘yicha takliflar ishlab chiqish;

vakolatli organ va tashkilotlar rahbarlari va boshqa vakillari ishtirokida har oyda kamida ikki marta ichki bozorda narxlarni barqarorlashtirish va inflatsiyani pasaytirishga qaratilgan chora-tadbirlar ijrosini muhokama qilishni tashkillashtirish, shuningdek, amalga oshirilgan ishlar to‘g‘risida O‘zbekiston Respublikasi Prezidentiga axborot kiritib borish.

7. Belgilansinki:

2020-yil 1-yanvardan boshlab tijorat banklari tomonidan (milliy valyutada) yangidan beriladigan barcha turdagi kreditlar, shu jumladan davlat dasturlari doirasida ajratiladigan kreditlar bo‘yicha foiz stavkalari Markaziy bankning qayta moliyalashtirish stavkasidan kam bo‘lmagan darajada belgilanadi, ipotekani kreditlash bo‘yicha davlat dasturlari hamda paxta xomashyosi va boshoqli don ekinlarini yetishtirish uchun qishloq xo‘jaligi mahsulotlari ishlab chiqaruvchi korxonalarga ajratiladigan kreditlar bundan mustasno;

2021-yil 1-yanvardan, zarur hollarda, foiz xarajatlarining ma’lum bir qismini kompensatsiya qilish mexanizmlarini joriy etish orqali tijorat banklariga foiz stavkalarini mustaqil belgilash huquqini bergan holda kreditlarni imtiyozli foiz stavkalarida berish amaliyoti bekor qilinadi.

8. O‘zbekiston Respublikasi Moliya vazirligi:

2020-yilning 1-fevraliga qadar Energetika vazirligi, Monopoliyaga qarshi kurashish qo‘mitasi, Iqtisodiyot va sanoat vazirligi hamda boshqa manfaatdor vazirlik va idoralar bilan birgalikda 2020-2021-yillarda tartibga solinadigan narxlar (tariflar)ni, inflatsiya maqsadlariga ta’sirini hisobga olgan holda erkinlashtirish grafigini ishlab chiqsin va O‘zbekiston Respublikasi Vazirlar Mahkamasiga tasdiqlash uchun kiritsin;

umumiy fiskal balans taqchilligini 2022-yilda 1,5 foizdan oshmaydigan darajagacha bosqichma-bosqich kamaytirishni ta’minlasin;

O‘zbekiston Respublikasi Davlat budjetining belgilangan parametrlar doirasidagi qat’iy ijrosini, shuningdek, Markaziy bank bilan birgalikda soliq-budjet va pul-kredit siyosati muvofiqligini ta’minlasin.

9. O‘zbekiston Respublikasi Kapital bozorini rivojlantirish agentligi Moliya vazirligi va Markaziy bank bilan birgalikda 2020-yilning 1-iyuliga qadar norezidentlarga moliya bozoriga kirishga ruxsat berish shartlari, mexanizmlari va muddatlari bo‘yicha takliflarni yuzaga kelishi mumkin bo‘lgan salbiy oqibatlarini bartaraf qilishning aniq mexanizmlari va instrumentlarini ishlab chiqqan holda O‘zbekiston Respublikasi Vazirlar Mahkamasiga kiritsin.

10. O‘zbekiston Respublikasi Vazirlar Mahkamasi va Markaziy banki:

Konsepsiya va “Yo‘l xaritasi”ning sifatli va o‘z vaqtida ijro etilishini;

“2019 — 2021-yillarda O‘zbekiston Respublikasida tarkibiy islohotlar asosiy yo‘nalishlarining “Yo‘l xaritasi”ni amalga oshirishni ta’minlash bo‘yicha Iqtisodiy kengash yig‘ilishlarida soliq-budjet va pul-kredit siyosati muvofiqligi hamda tarkibiy islohotlarning amalga oshirilishi holati masalalarini ko‘rib chiqish va muhokama qilishni;

jahon bozorlaridagi real vaziyatning rivojlanishi va tarkibiy iqtisodiy islohotlarning amaliy natijalaridan kelib chiqqan holda moslashuvchan makroiqtisodiy siyosat yuritish, shuningdek, inflatsiyaning uzoq muddatli maqsadli ko‘rsatkichi (targeti) darajasigacha pasayishini;

“Yo‘l xaritasi”ning amalga oshirilishi va narxlar barqarorligini ta’minlash bo‘yicha ko‘rilayotgan choralar samaradorligi to‘g‘risidagi ma’lumotlarni, shuningdek, inflatsiya bo‘yicha qo‘yilgan maqsadga erishish omillari va xatarlarini ko‘rsatgan holda O‘zbekiston Respublikasi Prezidenti Administratsiyasiga har chorakda ma’lumot kiritib borishni ta’minlasin.

11. O‘zbekiston Respublikasi Markaziy banki, Oliy va o‘rta maxsus ta’lim vazirligi Moliya vazirligi va Monopoliyaga qarshi kurashish qo‘mitasi bilan birgalikda 2020-yilning 1-apreliga qadar Jahon bankining texnik ko‘magi asosida ishlab chiqilayotgan Moliyaviy ommaboplikni oshirish milliy strategiyasi doirasida moliyaviy savodxonlikni oshirishga yo‘naltirilgan chora-tadbirlar rejasini ishlab chiqsin va tasdiqlasin.

12. O‘zbekiston Respublikasi Markaziy banki Moliya vazirligi, Adliya vazirligi hamda boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.

13. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Markaziy banki raisi M.B. Nurmuratov zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2019-yil 18-noyabr,

PF-5877-son

O‘zbekiston Respublikasi Prezidentining 2019-yil 18-noyabrdagi PF-5877-son Farmoniga

1-ILOVA

O‘zbekiston Respublikasi Vazirlar Mahkamasi va Markaziy bankining inflatsiyani pasaytirish va narxlar barqarorligini ta’minlash bo‘yicha birgalikdagi harakatlari

KONSEPSIYASI

Ushbu Konsepsiyaning maqsadi chuqur tarkibiy islohotlar o‘tkazilayotgan sharoitda iqtisodiyotda inflatsiya darajasini pasaytirishni ta’minlash hisoblanadi.

Konsepsiya pul-kredit siyosatini takomillashtirishning asosiy yo‘nalishlarini, shuningdek, soliq-budjet siyosati va iqtisodiyot tarmoqlarining tarkibiy o‘zgarishi sohalaridagi zaruriy chora-tadbirlarni belgilaydi.

1-BOB. INFLATSIYA OMILLARI TAHLILI

Tartibga solinadigan narxlar (tariflar) hamda davlat sektorida ish haqining yillik oshirib borilishi, shuningdek, pul-kredit siyosatining o‘ziga xosliklari (iqtisodiyotdagi pul massasi o‘sishi bilan birgalikda oltin-valyuta zaxiralarining jamg‘arib borilishi, milliy valyutaning doimiy devalvatsiyasi va spekulyativ kursli parallel valyuta bozorining mavjudligi) respublikada oldingi yillarda shakllangan inflatsiyaning fundamental omillari bo‘lib hisoblanib kelmoqda.

Yillar davomida yig‘ilib kelgan investitsion yetishmovchilik va iqtisodiyotda shakllangan nomutanosibliklar mamlakatni rivojlantirishning yangi bosqichida ushbu muammolarni hal qilish uchun muhim qadamlar tashlashni taqozo etmoqda.

Iqtisodiyotdagi ushbu ijobiy tarkibiy o‘zgarishlar sharoitida iqtisodiyotda inflatsiya bosimining obyektiv (muqarrar) shakllanishi kuzatildi.

Ushbu jarayonda quyidagilar asosiy omillar sifatida namoyon bo‘lmoqda:

a) oshirilgan iqtisodiy, kredit va investitsion faollik. Ijtimoiy va ishlab chiqarish infratuzilmasini modernizatsiya qilish vazifalari, hududlarda aholi turmush sharoitlarini yaxshilash zaruriyati, agrar sohadagi islohotlar, davlat sektorida ish haqi darajasidagi tuzatishlar, tadbirkorlik faoliyati rivojlanishi va aholining o‘zini-o‘zi ish bilan ta’minlashi uchun shart-sharoitlar yaratish bo‘yicha choralar iqtisodiyotga sezilarli moliyaviy resurslar yo‘naltirilishini talab etdi;

b) tartibga solinadigan narxlarni erkinlashtirish. Narxlarni tartibga solish tizimini isloh qilish va bozor narxlarini shakllantirishga ushbu tovar va xizmatlarning mazkur guruh tomonidan inflatsion bosimini shakllantiradi.

Jahon tajribasi shuni ko‘rsatadiki, narxlarni erkinlashtirish jarayonining kechiktirilishi islohotlar samaradorligini pasaytirishi va natijada uzoq muddatli inflatsion kutilmalarni yuzaga keltirishi mumkin. Tartibga solinadigan narxlarni bozor darajasiga yetkazish iqtisodiyotning tegishli sektoriga xususiy kapitalni jalb qilishni ta’minlashga imkon beradi.

Bunda, narxlarning ma’muriy tartibga solish tizimining isloh qilinishi va tariflarning bosqichma-bosqich oshirib borilishi mazkur tovarlar va xizmatlar guruhi tomonidan ma’lum darajadagi inflatsion bosimni yuzaga keltirishi mumkin;

v) nominal ish haqlarining korrektirovkasi. So‘nggi ikki yilda aholi real daromadlarining o‘rtacha yillik o‘sishi 10 — 12 foizni tashkil etdi. Iqtisodiyotning erkinlashtirilishi uning ayrim sohalarida malakali mutaxassislarga bo‘lgan talabi natijasida ularning ish haqlari sekin-asta oshib borishiga olib keldi;

g) tashqi savdoni erkinlashtirish hamda tovarlar, xizmatlar, mehnat resurslari va tovarlar transchegaraviy olib o‘tilishining soddalashtirilishi. Tashqi savdoning erkinlashtirilishi va importning o‘sishi sharoitida valyuta kursining o‘zgarishi ham import, ham mahalliy tovarlar narxlarining shakllanishiga sezilarli ta’sir ko‘rsatdi.

2018-yilda nisbatan barqaror valyuta kursi sharoitida ba’zi tovarlar importi narxlar barqarorlashuviga ta’sir ko‘rsatgan bo‘lsa, meva va sabzavotlar narxlari qo‘shni davlatlardagi narxlar darajasigacha korrektirovka qilinib oldi. Ayni vaqtda, joriy yilda devalvatsiyaning tezlashishi iqtisodiyotdagi narxlar darajasiga salbiy ta’sir ko‘rsatdi.

Makroiqtisodiy barqarorlik, sifatli iqtisodiy o‘sishga va past darajadagi inflatsiyaga erishish nafaqat pul-kredit siyosati instrumentlarini qo‘llash orqali, balki quyidagilarni o‘z ichiga olgan kompleks yondashuv bilan ta’minlanadi:

mahalliy ishlab chiqaruvchilarning raqobatdoshligini oshirishga urg‘u bergan holda, tartibga solinadigan narxlarni bosqichma-bosqich erkinlashtirish;

raqobatbardosh bozor iqtisodiyotiga o‘tishni tezlashtirish hamda tovar va xizmatlarning to‘laqonli bozorini shakllantirish orqali iqtisodiyot tarmoqlaridagi tarkibiy o‘zgarishlarni amalga oshirishni davom ettirish;

ishlab chiqarish, transport va ijtimoiy infratuzilmani kengaytirish va modernizatsiya qilish;

xususiy investitsiyalar kirishini ko‘paytirish va moliya bozorini rivojlantirish orqali moliyaviy resurslarning samarali qayta taqsimlanishini ta’minlash, shuningdek, moliya bozorida “uzoq muddatli” pullar manbasini shakllantirish.

2-BOB. PUL-KREDIT SIYOSATINI TAKOMILLAShTIRISh VA INFLATSION TARGETLAShGA O‘TISh

Chuqur tarkibiy o‘zgarishlar va iqtisodiyotni erkinlashtirish sharoitida pul-kredit siyosatini takomillashtirishning ustuvor yo‘nalishlari quyidagilarni o‘z ichiga oladi:

narxlarning keskin oshishi va spiral xarakterdagi inflatsiyaning oldini olish;

milliy valyuta kursiga nisbatan devalvatsion bosimni ushlab turish;

pul bozorini shakllantirish, imtiyozli kreditlash va pul bozori segmentlashuvi sharoitlarini bartaraf etish;

ichki va tashqi omillarni hisobga olgan holda aholi va biznesning to‘lovga layoqatliligini saqlab turish, va umuman, moliya sektorining barqarorligini ta’minlash.

Ilg‘or xalqaro tajribani inobatga olgan holda, yuqorida keltirilgan ustuvor yo‘nalishlarning amalga oshirilishi pul-kredit siyosati sharoitlarini inflatsion targetlash rejimiga o‘tkazishni talab qilmoqda.

Inflatsion targetlash o‘zida shunday pul-kredit siyosati rejimini aks ettiradiki, unda O‘zbekiston Respublikasi Markaziy banki tomonidan inflatsiya darajasi bo‘yicha doimiy maqsad (target) e’lon qilinadi va uning harakatlari pul-kredit instrumentlari va kommunikatsiyadan faol foydalangan holda joriy inflatsiyani uning maqsadli ko‘rsatkichiga yetkazishga yo‘naltiriladi.

Inflatsion targetlash rejimi ham rivojlangan, ham rivojlanayotgan mamlakatlarda o‘zining keng qamrovli tatbiqini topgan. Mazkur rejim inflatsiyaning tebranuvchanligi va inersionligini pasaytirishda samarali instrument hisoblanadi va bu, o‘z navbatida, o‘rta muddatli istiqbolda mustahkam va barqaror iqtisodiy o‘sish uchun qo‘shimcha sharoitlar yaratadi.

Bundan tashqari, bu rejimda inflatsiyaning maqsadli ko‘rsatkichlariga erishishda Markaziy bank harakatlarida katta erkinlik, maqsadlar va pul-kredit siyosati maqsadlari va ustuvorliklarining aniq identifikatsiyasi, shuningdek, Markaziy bankning inflatsiyaning maqsadli ko‘rsatkichlariga erishishda javobgarligi ko‘zda tutiladi. Jamoatchilik uchun Markaziy bank faoliyatining yuqori darajada shaffofligi iqtisodiyotda maqbul iqtisodiy kutilmalar shakllanishiga imkon yaratadi.

Inflatsion targetlash rejimini samarali joriy qilish uchun pul-kredit siyosati inflatsiyaning belgilangan maqsadli darajasiga erishish zaruriyatidan kelib chiqib, bozor instrumentlari ta’sirini qo‘llagan holda banklararo pul bozoridagi foiz stavkalarini Markaziy bank intervensiyalari orqali samarali boshqarish yo‘li bilan amalga oshirilishi lozim.

O‘rta muddatli davrda inflatsion targetlash rejimini to‘liq joriy etish uchun quyidagi chora-tadbirlar amalga oshiriladi:

O‘zbekiston Respublikasi Markaziy bankining inflatsiyaning monetar va nomonetar omillarini pasaytirishdagi rolini kuchaytirish;

inflatsiyaning qisqa muddatli maqsadlari trayektoriyasini aniqlash va O‘zbekiston Respublikasi Markaziy banki tomonidan uzoq muddatli maqsadga o‘tishni e’lon qilish;

Markaziy bank tomonidan yangi instrumentlarning (overnayt, depozit va kredit auksioni, svop, REPO, qisqa va o‘rta muddatli obligatsiyalar va boshqalar) joriy etilishi;

pul bozoridagi operatsiyalarning asosiy mezoni sifatida foiz stavkalari koridorini qo‘llash;

moslashuvchan foiz siyosatini olib borish orqali tashqi va ichki omillarga o‘z vaqtida javob berish;

davlat qimmatli qog‘ozlari bilan pul bozori operatsiyalarini amalga oshirish va g‘aznachilikning bo‘sh pul mablag‘larini tijorat banklariga joylashtirish uchun yagona platforma yaratish;

qimmatli qog‘ozlar bo‘yicha daromadlilik egri chizig‘ini shakllantirish va iqtisodiyot subyektlarining uzoq muddatli kutilmalarini samarali boshqarish;

ekonometrik modellashtirish instrumentlarini rivojlantirish, makroiqtisodiy tahlil va prognozlashtirish tizimini to‘liq tatbiq etish orqali pul-kredit va makroiqtisodiy ko‘rsatkichlarning o‘zaro bog‘liqligini tizimli baholash;

inflatsion targetlash rejimining mohiyati va maqsadlari, uni muvaffaqiyatli amalga oshirish shart-sharoitlari, bevosita va bilvosita ijobiy ta’sirlari hamda unga erishishning maqsadli muddatlari to‘g‘risidagi ma’lumotlarni keng jamoatchilikka xolisona, aniq va sodda usulda yetkazish orqali O‘zbekiston Respublikasi Markaziy bankining kommunikatsiya siyosatini takomillashtirish;

pul-kredit siyosatining o‘rta va uzoq muddatli istiqbolda makroiqtisodiy ko‘rsatkichlar dinamikasiga ta’sirini baholash bo‘yicha ekonometrik modellarni qo‘llash.

Banklararo pul bozori foiz stavkasiga ta’sir ko‘rsatish O‘zbekiston Respublikasi Markaziy bankiga moliya bozorida shart-sharoit shakllanishiga imkon beradi hamda bu iqtisodiy holat talablaridan kelib chiqib, pul-kredit siyosati maqsadlariga erishishni ta’minlaydi.

O‘zbekiston Respublikasi Markaziy banki pul bozoridagi likvidlilik hajmini baholaydi va prognoz qiladi, mablag‘lar taqchilligi yoki ortiqchaligini, shuningdek, tegishli (likvidlilikni taqdim etish va yig‘ib olish bo‘yicha) instrumentlarning mavjudligini aniqlaydi.

Bank tizimida likvidlilikka bo‘lgan talab va taklif o‘rtasida nomutanosiblik yuzaga kelganda, doimiy harakat operatsiyalari bo‘yicha stavkalari banklararo pul bozoridagi stavkalar tebranishini ushlab turadi.

Shu bilan birga, majburiy zaxiralarni o‘rta darajaga keltirish mexanizmi banklararo bozor stavkalarini boshqarish jarayonida qo‘shimcha moslashuvchanlik yaratadi. O‘rta muddatli istiqbolda koeffitsiyentning ko‘tarilish tomonga o‘zgarishi banklarning banklararo pul bozoridagi faolligini oshiradi va bu orqali transmissiya foiz kanali ishini mustahkamlaydi.

Inflatsion targetlash rejimiga muvaffaqiyatli o‘tish uchun zarur shartlardan biri bu erkin shakllanadigan ayirboshlash kursi bo‘lib, uning o‘zgarishi to‘laligicha talab va takliflarning muhim omillariga sabab bo‘ladi. Bu, o‘z navbatida, banklararo valyuta bozorini modernizatsiya qilishni va O‘zbekiston Respublikasi Markaziy bankining valyuta intervensiyasi sohasidagi siyosatini tegishli ravishda takomillashtirilishini talab etadi.

Valyuta bozori rivojlanishidagi asosiy omillardan biri ichki valyuta bozorida O‘zbekiston Respublikasi Markaziy banki faolligining asta-sekin pasayishi va tijorat banklarining market-meyker sifatidagi rolining oshirilishi hisoblanadi.

Valyuta kursining moslashuvchan shakllanishga o‘tish va banklararo valyuta savdolarini amalga oshirish valyuta intervensiyasi uslublarini takomillashtirishni nazarda tutadi. Shu munosabat bilan, O‘zbekiston Respublikasi Markaziy banki bozor faoliyatiga aralashishni minimallashtirishga qaratilgan va ayirboshlash kursini aniqlashda uning fundamental o‘zgarish trendiga ta’sir o‘tkazmaydigan Valyuta intervensiyasi strategiyasini ishlab chiqishni nazarda tutadi.

Yuqoridagilarni inobatga olib, quyidagilar, valyuta bozorini erkinlashtirish jarayonini yakunlash orqali inflatsion targetlashga o‘tish uchun zaruriy shartlardan hisoblanadi:

banklarning market-meyker sifatida bozordagi faolligini rag‘batlantirish va ularning ayirboshlash kursini shakllantirishdagi rolini oshirish;

valyuta intervensiyalari siyosatini takomillashtirish va ularning O‘zbekiston Respublikasi Markaziy banki intervensiyalari maqsadlari va usullarini belgilab beruvchi strategiya va taktikalarini ishlab chiqish;

valyuta bozori ishtirokchilariga valyuta xatarlarini xedjirlash imkonini beruvchi hosilaviy instrumentlar bozorini rivojlantirish.

Uzoq muddatli istiqbolda narxlar barqarorligini ta’minlash butun moliya tizimining barqaror ishlashini talab qiladi. Bunda, barqaror makroiqtisodiy sharoitda ham bank sektorida tizimli xatarlar shakllanishi mumkin.

Inflatsiyani belgilangan maqsadga yaqinlashtirish va ushlab turish uchun O‘zbekiston Respublikasi Markaziy banki, shu jumladan prudensial nazorat choralari orqali moliyaviy xatarlarni kamaytirishi zarur.

Bank nazorati hamda banklarni moliyaviy sog‘lomlashtirish choralari. Tijorat banklari balanslarini tozalash ular barqarorligining oshishiga, omonatchilar va kreditorlar mablag‘larining saqlanishiga, moliya tizimiga bo‘lgan ishonchning mustahkamlanishiga va moliya bozorlarining yanada rivojlanishiga zamin yaratadi.

Bank va moliya tizimlari uchun xatarlar ehtimolini kamaytiruvchi makroprudensial nazorat choralarining o‘z vaqtida va samarali qo‘llanilishi iqtisodiyotning muvozanatli ishlashiga hamda makroiqtisodiy barqarorlikning ta’minlanishiga imkon beradi.

Inflatsion targetlash rejimida narxlar barqarorligi moliyaviy barqarorlikni qo‘llab-quvvatlaydi, chunki bozor ishtirokchilari pul-kredit siyosati harakatlarini oldindan ko‘ra bilishi va tushunishi sababli iqtisodiyot subyektlari qarorlarni qabul qilishda yanada izchil bo‘ladilar va bu noaniqlik elementlarini bartaraf qilishga hamda O‘zbekiston Respublikasi Markaziy bankining minimal ishtiroki bilan butun moliya tizimini barqarorlashtirishga yordam beradi.

Aholi va tadbirkorlarning banklarga va milliy valyutaga bo‘lgan ishonchini oshirish bank tizimini isloh qilishning ustuvor yo‘nalishlaridan hisoblanadi.

Mamlakatda ishonchli bank tizimi va moliya bozorining faoliyati pul-kredit siyosati ta’sir kanallarining to‘la ishlashiga hamda O‘zbekiston Respublikasi Markaziy banki tomonidan narxlar barqarorligini ta’minlash bo‘yicha ko‘rilayotgan choralar samaradorligining oshishiga xizmat qiladi.

Mazkur maqsadlarga erishish uchun bank tizimini yanada rivojlantirish bo‘yicha quyidagilarni o‘z ichiga oluvchi kompleks chora-tadbirlar amalga oshiriladi:

banklarning mijozlarga bo‘lgan e’tiborini oshirish;

mijozlarga elektron va masofaviy xizmat ko‘rsatishni to‘liq joriy etish orqali bank xizmatlari sifati hamda aholining bank va boshqa moliyaviy xizmatlardan foydalanish imkoniyatlarini yaxshilash;

bank xizmatlarini ko‘rsatish tizimini isloh qilish va banklarni transformatsiyalash, korporativ boshqaruv sifatini oshirish;

samarali infratuzilmani yaratish, banklar faoliyatini avtomatlashtirish va zamonaviy moliyaviy texnologiyalarni joriy etish;

davlat banklarini isloh qilish jarayonini tezlashtirish va ularni xususiylashtirish bo‘yicha samarali choralar ko‘rish;

davlat banklarida bank xizmatlarini ko‘rsatishda tezkorlikni oshirish, shu jumladan ularda xodimlar faoliyati samaradorligining asosiy ko‘rsatkichlari (KPI) ijrosini baholash tizimini joriy etish;

banklar tomonidan o‘rnatilgan iqtisodiy me’yorlarga qat’iy rioya qilinishini ta’minlash va zarur bo‘lganda, ayrim banklarning aktiv operatsiyalarini vaqtincha cheklash choralarini qo‘llash orqali prudensial nazorat choralarini kuchaytirish.

3-BOB. VAZIRLAR MAHKAMASI VA MARKAZIY BANKNING INFLATSIYA DARAJASINI PASAYTIRISh BO‘YIChA BIRGALIKDAGI ChORALARI

Narxlar barqarorligini ta’minlash va inflatsiyaning sezilarli darajada o‘sishi xavfining oldini olish maqsadida O‘zbekiston Respublikasi Vazirlar Mahkamasi va Markaziy banki soliq-budjet va pul-kredit siyosatlarini muvofiqlashtirish hamda iqtisodiyotdagi tarkibiy islohotlarni amalga oshirish borasida birgalikdagi harakatlarni olib borishi zarur.

Soliq-budjet siyosati sohasidagi chora-tadbirlar:

umumiy fiskal balans taqchilligini 2022-yilda 1,5 foizdan oshirmaydigan darajagacha bosqichma-bosqich qisqartirib borish;

qonun chiqaruvchi va ijro etuvchi hokimiyat organlari tomonidan budjet intizomiga rioya etilishi ustidan samarali nazoratni ta’minlash;

taqchillikni moliyalashtirishning tashqi manbalarini, shu jumladan inflatsiya xavfini tug‘dirmaydigan resurslar hisobiga jalb qilish tartibini belgilash va uni qonun yo‘li bilan mustahkamlash;

ijtimoiy-iqtisodiy maqsadlarga yo‘naltirilgan markazlashgan investitsiyalar samaradorligini oshirish;

soliq ma’muriyatchiligi tizimida zamonaviy axborot-kommunikatsiya texnologiyalarini joriy etish;

soliq intizomiga o‘z vaqtida rioya qilish bo‘yicha javobgarlikni oshirish va soliq to‘lashdan bo‘yin tovlaganlik uchun jazoning muqarrarligini ta’minlash.

Tarkibiy siyosat sohasidagi chora-tadbirlar:

a) ishlab chiqarish va transport infratuzilmasini modernizatsiya qilish va kengaytirish:

ishlab chiqarish quvvatlarini kengaytirish va yoqilg‘i-energetika kompleksini, shu jumladan xususiy investitsiyalarni jalb qilish orqali modernizatsiya qilish;

avtomobil yo‘llarini qurish va xizmat ko‘rsatishda davlat-xususiy sherikchilik mexanizmini qo‘llash;

temir yo‘l va havo transporti orqali yuk tashish sohasiga xususiy sektorni jalb qilishning yangi mexanizmlarini ishlab chiqish;

ko‘rsatilayotgan transport xizmatlari tarif va narxlarini asosiy tashqi savdo hamda sayyohlik yo‘nalishlari o‘tadigan boshqa davlatlar darajasidan oshmaydigan darajagacha tushirish;

logistika xizmatlari, ulgurji savdo va tovarlarni saqlash infratuzilmasi sifatini oshirish;

b) raqobat muhitini yaxshilash va biznes yuritishning teng imkoniyatlarini yaratish:

mulk huquqi va tadbirkorlik faoliyati kafolatlarining institutsional asoslarini mustahkamlash;

raqobatbardosh tovar va moliya bozorlarida faoliyat yurituvchi korxonalar ustav kapitalida davlat ulushini kamaytirish, shu jumladan tabiiy monopoliyalarning asosiy faoliyatiga xos bo‘lmagan obyektlarini xususiy sektorga sotish;

monopol korxonalarning narx belgilash bo‘yicha shaffofligini ta’minlash, inflatsiyaning maqsadlarini hisobga olgan holda o‘rta muddatli istiqbolda tartibga solinadigan narxlarni (tariflar) erkinlashtirish muddatlarini o‘rnatish;

individual soliq va bojxona imtiyozlari, subsidiyalar, preferensiyalar va imtiyozli kreditlar berish amaliyotini tanqidiy qayta ko‘rib chiqish;

davlat xaridlari sohasida bozor mexanizmlarini rivojlantirish, ularning shaffofligi va hisobdorligini oshirish;

narxlarni erkinlashtirish bo‘yicha islohotlarning mohiyati, maqsadi, amalga oshirish bosqichlari va erishilgan natijalarni tushuntirish va asoslash bo‘yicha faol kommunikatsiya siyosatini yuritish;

v) xususiy investitsiyalar oqimining o‘sishi va moliya bozorining rivojlanishi:

qarzlarni moliyalashtirish instrumentlarini kengaytirish;

mahalliy korxonalar aksiyalarini jahon fond maydonlarida birlamchi va ikkilamchi joylashtirish jarayonlarini faollashtirish;

aksiyadorlik kompaniyalarini tashkil etish va tugatish mexanizmini soddalashtirish;

elektr va gaz ta’minoti sohasiga xususiy investorlar hamda to‘g‘ridan to‘g‘ri xorijiy investitsiyalarni raqobat asosida kirishiga imkoniyat yaratish va ularni faol jalb etish;

g) ishlab chiqarish omillari unumdorligini oshirish:

ishlab chiqarish unumdorligini oshirishga va energiya sarfini pasaytirishga qaratilgan modernizatsiyalash va texnologik yangilash tarmoq dasturlarini amalga oshirish;

unumdorlikni rag‘batlantirish hamda sifatni oshirishga qaratilgan davlat dasturlarini amalga oshirish va ijtimoiy ahamiyatga ega oziq-ovqat mahsulotlari ishlab chiqarishni kengaytirish uchun yer ajratish orqali qishloq xo‘jaligini rivojlantirish strategiyasini samarali amalga oshirish;

mehnat unumdorligini oshirish va mehnatga munosib haq to‘lash orqali tarmoqlar tayyor mahsulotlari tannarxi tarkibidagi xarajatlarni optimallashtirish;

xalqaro standartlar va normativlarni joriy etish orqali energiya samaradorligini oshirish bo‘yicha maxsus tarmoq dasturlarini amalga oshirish;

davlat ulushiga ega korxonalar faoliyati ustidan jamoatchilik nazoratini oshirish maqsadida ularning samaradorlik reytingini e’lon qilib borish;

asbob-uskunalarning samaradorligi va unumdorligi, shu jumladan foydalanish muddatlari bo‘yicha talablarni ishlab chiqish va tasdiqlash.

4-BOB. KUTILAYOTGAN NATIJALAR

Pul-kredit siyosatining takomillashtirilishi hamda O‘zbekiston Respublikasi Vazirlar Mahkamasi va Markaziy banki tomonidan muvofiqlashtirilgan harakatlarning amalga oshirilishi iqtisodiyotda narxlar barqarorligiga va inflatsiyaning 5 foizlik darajasi bo‘yicha uzoq muddatli maqsadga erishishni ta’minlaydi.

Narxlar barqarorligi aholining turmush darajasi, ishchanlik faolligiga, ularning milliy valyutaga bo‘lgan ishonchining mustahkamlanishiga, iqtisodiyotda dollarlashuv darajasining pasayishiga, milliy iqtisodiyotga ichki va tashqi investitsiyalarning o‘sishiga ijobiy ta’sir ko‘rsatadi.

Shu bilan birga, ko‘rsatilgan chora-tadbirlarning samarali amalga oshirilishi iqtisodiyot agentlarining O‘zbekiston Respublikasi Markaziy banki tomonidan amalga oshirilayotgan pul-kredit siyosatiga bo‘lgan ishonchining oshishiga xizmat qiladi va bu, o‘z navbatida, inflatsion kutilmalarni sezilarli darajada pasaytirish imkonini beradi.

Barqarorlikni, shuningdek, iqtisodiy siyosat shaffofligi va oldindan ko‘ra bilinishini ta’minlash mamlakatning investitsion jozibadorligini oshiradi, kreditlashning tashqi manbalari bo‘yicha tavakkalchilik mukofotini kamaytirish omili bo‘lib xizmat qiladi.

O‘zbekiston Respublikasi Prezidentining 2019-yil 18-noyabrdagi PF-5877-son Farmoniga

2-ILOVA

2020-yilda inflatsiyani pasaytirish va narxlar barqarorligini ta’minlash bo‘yicha

“YO‘L XARITASI”

T/r	Chora-tadbirlar	Amalga oshirish shakli va mexanizmi	Ijro muddati	Mas’ul ijrochilar
I. Pul-kredit siyosati sohasida
1.	Pul-kredit siyosatining pul bozoridagi likvidlilik hajmi va foiz stavkalarini tartibga solish instrumentlarini takomillashtirish.	Pul-kredit operatsiyalarini joriy qilish bo‘yicha Markaziy bank boshqaruvining qarori, jumladan: Markaziy bankning overnayt depozitlari; muddati 2 haftagacha bo‘lgan muntazam depozit auksionlari; Markaziy bank obligatsiyalarini muomalaga chiqarish; Markaziy bankning davlat qimmatli qog‘ozlari va xorijiy valyuta garovi ostida overnayt kreditlari; Markaziy bankning davlat qimmatli qog‘ozlari va xorijiy valyuta garovi ostida 2 haftagacha muddatda kredit auksionlari.	2020-yil yanvar	Markaziy bank (Nurmuratov)
2.	Markaziy bankning pul-kredit operatsiyalari bo‘yicha asosiy stavkasi va foiz koridorini o‘rnatish.	Quyidagilarni nazarda tutuvchi Markaziy bank boshqaruvi qarori: pul-kredit operatsiyalari bo‘yicha asosiy mo‘ljal sifatida Markaziy bankning asosiy stavkasini o‘rnatish; pul-kredit operatsiyalari bo‘yicha foiz koridorini joriy etish.	2020-yil yanvar	Markaziy bank (Nurmuratov)
3.	Foiz siyosati yuqori moslashuvchanligini ta’minlash.	Quyidagilarni nazarda tutuvchi Markaziy bank boshqaruvi qarori: inflatsiya maqsadidan chetga chiqish xavflariga o‘z vaqtida javob qaytarish maqsadida asosiy stavka darajasini ko‘rib chiqish bo‘yicha yig‘ilishlar oralig‘ida qo‘shimcha yig‘ilishlarni joriy etish yo‘li bilan ko‘paytirish; asosiy stavkani bir yilda kamida sakkiz marotaba e’lon qilish.	2020-yil yanvar	Markaziy bank (Nurmuratov)
4.	Banklararo pul bozorini va davlat qimmatli qog‘ozlarining ikkilamchi bozorini yanada rivojlantirish.	Pul bozorida davlat qimmatli qog‘ozlari bilan operatsiyalarni amalga oshirish va g‘aznachilikning bo‘sh mablag‘larini tijorat banklariga joylashtirish uchun yagona platforma yaratishni nazarda tutuvchi tashkiliy choralar.	2020-yil fevral	Markaziy bank (Nurmuratov), Moliya vazirligi (Ishmetov)
5.	Ekonometrik tahlil va prognozlar asosida qarorlar qabul qilish hamda ularni asosiy stavkani o‘rnatishdan oldin muhokama qilish tizimini rivojlantirish.	Markaziy bank boshqaruvining makroiqtisodiy tahlil va prognozlash tizimini (FPAS) amaliyotga to‘liq joriy qilish bo‘yicha quyidagilarni nazarda tutuvchi qarori: ekonometrik modellashtirish instrumentlarini rivojlantirish; pul-kredit va makroiqtisodiy ko‘rsatkichlarning o‘zaro aloqadorligini tizimli baholash; o‘rta va uzoq muddatli istiqbolda pul-kredit siyosatining makroiqtisodiy ko‘rsatkichlar dinamikasiga ta’sirlarini baholash; bank tizimi likvidliligi va uning shakllanish omillarini prognoz qilishni takomillashtirish.	2020-yil aprel	Markaziy bank (Nurmuratov)
6.	Valyuta bozorini yanada rivojlantirish strategiyasini ishlab chiqish va qabul qilish.	Quyidagilarni nazarda tutuvchi Markaziy bank boshqaruvining qarori: ayirboshlash kursini belgilashda banklarning faol ishtiroki orqali ularning bozordagi faolligini rag‘batlantirish; derivativlar bozori, xedjirlash instrumentlari va market-meykyerlar institutini rivojlantirish; banklararo valyuta savdolarining joriy “fiksing” usulidan uzluksiz auksion savdolari “metching” usuliga o‘tish.	2020-yil davomida	Markaziy bank (Nurmuratov)
7.	Inflatsion targetlash rejimini muvaffaqiyatli joriy etish va inflatsiyaning maqsadli mo‘ljallariga erishish uchun xalqaro moliya institutlarining texnik ko‘magini jalb qilish.	1. Xalqaro valyuta jamg‘armasi va boshqa xalqaro moliya institutlariga texnik ko‘mak taqdim etish to‘g‘risida murojaatlar yuborish.	2019-yil dekabr	Markaziy bank (Nurmuratov)
		2. Inflatsion targetlash bo‘yicha doimiy maslahatchini (ekspertni) tanlash va jalb qilish. Doimiy ekspert shartnomasi shartlari va mo�iyalashtirish manbalarini kelishish.	Donorlar bilan kelishishga qarab
8.	Har chorakda pul-kredit siyosati sharhlarini hamda inflatsion kutilmalar so‘rovlarini tayyorlash va e’lon qilish.	Pul-kredit siyosati sharhlarini hamda aholi va xo‘jalik yurituvchi subyektlarning inflatsion kutilmalari so‘rovlarini tayyorlash va e’lon qilish.	Har chorakda	Markaziy bank (Nurmuratov)
9.	Pul va valyuta bozorlari ishtirokchilarining malakasini oshirish.	Makroiqtisodiy tahlil va prognozlash sohasida seminar va treninglar o‘tkazish.	Doimiy asosda	Markaziy bank (Nurmuratov), tijorat banklari
10.	Makroprudensial bank nazorati mexanizmlarini takomillashtirish.	Quyidagilar orqali makroprudensial nazorat amaliyotini kuchaytirish: Bazel qo‘mitasi talablarini bosqichma-bosqich tatbiq etish; iqtisodiy o‘sish davrida kredit faolligi keskin o‘sib ketishining oldini olish maqsadida banklar kapitali kontrsiklik buferini kiritish; muayyan ko‘rsatkichlarning kritik qiymatlaridan chetga chiqqan hollarda banklarning kapitali yetarliligi uchun qo‘shimcha talablar o‘rnatish.	2020-yil fevral	Markaziy bank (Nurmuratov)
11.	Markaziy bank kadrlari salohiyatini oshirish.	1. Mutaxassislar malakasini oshirish va xorijiy markaziy banklar tajribasini o‘rganish. 2. Istiqbolli yosh mutaxassislarni ilg‘or xorijiy oliy ta’lim muassasalarida magistratura va doktorantura dasturlari bo‘yicha o‘qitishni tashkil qilish. 3. Markaziy bankning yosh mutaxassislarini har tomonlama qo‘llab-quvvatlash va samarali rag‘batlantirish.	Doimiy asosda	Markaziy bank (Nurmuratov)
12.	Markaziy bankning kommunikatsion siyosatini takomillashtirish.	1. Inflatsion targetlash rejimi mohiyati va maqsadlari to‘g‘risidagi ma’lumotlarni aholining keng qatlamiga xolis va aniq ko‘rinishda yetkazishni nazarda tutuvchi kommunikatsion siyosatning yangi strategiyasini ishlab chiqish va tasdiqlash. 2. Markaziy bankning pul-kredit siyosati sohasidagi operatsiyalari shaffofligini ta’minlash.	2020-yil fevral	Markaziy bank (Nurmuratov)
13.	Jamoatchilikka inflatsion targetlashning mohiyati va maqsadlarini yanada batafsil tushuntirish maqsadida press-brifing tashkillashtirish va press-relizlar chiqarish.	Markaziy bankning press-konferensiyasini o‘tkazish. Press-reliz chiqarish.	bir hafta muddatda	Markaziy bank (Nurmuratov)
II. Soliq-budjet siyosati sohasida
14.	Muvofiqlashtirilgan soliq-budjet siyosatini yuritish.	Umumiy fiskal balans taqchilligini 2022-yildan boshlab YIMning 1,5 foizidan oshirmaydigan darajagacha bosqichma-bosqich qisqartirib borish.	2020-yil may	Moliya vazirligi (Ishmetov)
15.	Davlat tashqi qarzini jalb qilishning yuqori chegaralarini belgilash mexanizmini joriy qilish.	O‘zbekiston Respublikasi Prezidentining “Davlat qarzlarini boshqarish samaradorligini oshirish to‘g‘risida”gi Farmoni loyihasi, jumladan mazkur Farmonda tashqi va ichki omillar o‘zgarishini hisobga olgan holda davlat qarzlarini boshqarish bo‘yicha o‘rta muddatli strategiyani har yili yangilab borishni nazarda tutish.	2019-yil dekabr	Moliya vazirligi (Ishmetov)
16.	Ijtimoiy-iqtisodiy maqsadlarga yo‘naltirilgan markazlashgan investitsiyalar samaradorligini oshirish.	Quyidagilarni nazarda tutuvchi Hukumatning qarori loyihasi: investitsion loyihalarni tanlash va amalga oshirish bilan bog‘liq mavjud muammolarni tahlil qilish maqsadida davlat investitsiyalarini boshqarishni baholash (PIMA) tizimini joriy qilish; ijtimoiy soha tarmoqlari, yo‘l-transport infratuzilmasi va boshqa tarmoqlar bo‘yicha investitsion loyihalarni tanlash me’yorlari va muhimliligini belgilash tartibini o‘rnatish; markazlashgan investitsiyalar va xalqaro moliya institutlari mablag‘lari hisobidan amalga oshiriladigan va amalga oshirishga taklif etiladigan loyihalar ma’lumotlarining har yili yangilanadigan yagona bazasini yaratish; Investitsiya dasturini markazlashgan investitsiyalar hisobidan amalga oshirish doirasida hududiy loyihalarni mahalliy resurslar yoki tarmoq vazirliklari va idoralarning budjetidan tashqari o‘z mablag‘lari hisobidan bajarish orqali Davlat budjeti ulushini bosqichma-bosqich kamaytirish.	2020-yil avgust	Iqtisodiyot va sanoat vazirligi (Xo‘jayev), Moliya vazirligi (Ishmetov), Investitsiyalar va tashqi savdo vazirligi (Umurzakov)
III. Makroiqtisodiy siyosatni muvofiqlashtirishni ta’minlash sohasida
17.	Ichki bozorni iste’mol tovarlari bilan to‘ldirish bo‘yicha davlat siyosati choralarini amalga oshirish.	Quyidagilarni nazarda tutuvchi chora-tadbirlar kompleksini amalga oshirish: bozorda raqobatni rivojlantirishga �aratilgan tashqi savdo erkinlashtirilishini saqlab qolish; ichki bozorni iste’mol tovarlari bilan to‘ldirish maqsadida ishlab chiqarishni rag‘batlantirish hamda sanoat sohalari uchun zarur bo‘lgan ishlab chiqarish infratuzilmasini rivojlantirish.	Doimiy asosda	Iqtisodiyot va sanoat vazirligi (Xo‘jayev), Investitsiyalar va tashqi savdo vazirligi (Umurzakov), Moliya vazirligi (Ishmetov), Markaziy bank (Nurmuratov)
18.	Ijtimoiy-iqtisodiy islohotlarni amalga oshirishga to‘sqinlik qiluvchi muammolar va xatarlarni aniqlash mexanizmini takomillashtirish.	“2019 — 2021-yillarda O‘zbekiston Respublikasida tarkibiy islohotlar asosiy yo‘nalishlarining “Yo‘l xaritasi”ni amalga oshirishni ta’minlash bo‘yicha Iqtisodiy kengash yig‘ilishlarida soliq-budjet va pul-kredit siyosatlari muvofiqligi hamda tarkibiy islohotlarning amalga oshirilish holati masalalarini ko‘rib chiqish va muhokama qilish.	Doimiy asosda (yili�a kamida 4 marotaba)	Iqtisodiy kengash kotibiyati (Ishmetov)
19.	Davlat qimmatli qog‘ozlarini chiqarish grafigini har bir yil uchun aniq sanasini ko‘rsatgan holda oldindan e’lon qilishni amaliyotga joriy etish.	Quyidagilarni nazarda tutuvchi Hukumatning qarori loyihasi: pul bozori “benchmark”ini shakllantirish uchun so‘ndirish muddati har xil bo‘lgan davlat qimmatli qog‘ozlarini chiqarish chastotasi va hajmlarini oshirish;	Har yili yil boshlanishidan oldin va grafikni yangilash zarur bo‘lgan hollarda	Moliya vazirligi (Ishmetov), Markaziy bank (Nurmuratov)
		iqtisodiyotda daromadlik egri chizig‘ini shakllantirish uchun uzoq muddatli davlat qimmatli qog‘ozlarini (so‘ndirish muddati 5 — 10 yil) chiqarish v� ichki bozorda joylashtirish.	2020 — 2023-yy.
20.	Moliya vazirligi va Markaziy bank o‘rtasida doimiy ravishda o‘zaro ma’lumotlar almashinuvi amaliyotini yo‘lga qo‘yish.	Moliya vazirligi va Markaziy bankning quyidagilarni nazarda tutuvchi hamkorlikdagi chora-tadbirlari kompleksini amalga oshirish: ma’lumotlar almashinuvi bo‘yicha kundalik aloqa kanallarini o‘rnatish; moliyaviy va iqtisodiy ko‘rsatkichlar tahlili uchun zarur ma’lumotlar ro‘yxatini hamda ularni taqdim qilish muddatlarini belgilab olish; bank tizimida likvidlilikni qisqa muddatli prognoz qilish maqsadida davlat budjeti kunlik daromadlari va xarajatlarining kutilayotgan hajmi bo‘yicha oldindan (bir kun avval) baholashlarni taqdim qilish; Moliya vazirligi va Markaziy bank mutaxassislarining onlayn-rejimda axborotlarni eksport qilish imkonini beruvchi dasturiy ta’minotga ulash.	2020-yil fevral	Markaziy bank (Nurmuratov), Moliya vazirligi (Ishmetov)
21.	Aholining moliyaviy savodxonligini oshirish kurslarini joriy qilish.	O‘rta va kasb-hunar ta’limi muassasalarida moliyaviy savodxonlikni oshirish bo‘yicha kurslarni ishlab chiqish va joriy qilish.	2020-yil sentyabr	Oliy va o‘rta maxsus ta’lim vazirligi (Majidov), Xalq ta’lim vazirligi (Shermatov), Markaziy bank (Nurmuratov), Moliya vazirligi (Ishmetov), Monopoliyaga qarshi kurashish qo‘mitasi (Sharipov)
IV. Iqtisodiyotning boshqa soha va sektorlaridagi tarkibiy islohotlar sohasida
22.	Iqtisodiyot tarmoqlari va sohalarini rivojlantirishning, provardida ichki ishlab chiqarish hajmlarini doimiy oshirish va narxlar barqarorligini ta’minlash maqsadlariga javob beruvchi tamoyillarga va vazifalarga asoslangan strategiyasi va dasturiga muvofiq tartibni o‘rnatish.	Quyidagi vazifalardan kelib chiqqan holda, iqtisodiyotni, uning tarmoqlari va sohalarini rivojlantirish strategiyalari va dasturlarini ishlab chiqish tizimi ustidan tartib va nazoratni o‘rnatishni amaliyotga joriy etishni nazarda tutuvchi Hukumat qarori loyihasi: mahalliy ishlab chiqaruvchilar raqobatbardoshligini va ularning tashqi iqtisodiy sharoitlardagi o‘zgarishlarga moslashuvchanligini oshirish; ishlab chiqarish, transport va ijtimoiy infratuzilmani rivojlantirish; markazlashgan moliyaviy resurslardan foydalanish samaradorligini oshirish, xususiy va to‘g‘ridan to‘g‘ri xorijiy investitsiyalar ulushini ko‘paytirish hisobiga uzoq muddatli investitsiyalarni moliyalashtirish manbalari tuzilmasini optimallashtirish; mehnat unumdorligi va ishlab chiqarish energiya samaradorligini oshirish; ishlab chiqarish xarajatlarining asossiz oshishiga olib keluvchi omillarni doimiy ravishda qidirish va bartaraf etishga asoslangan holda ishlab chiqarilayotgan mahsulotlar tannarxini kamaytirish.	2020-yil fevral	Iqtisodiyot va sanoat vazirligi (Xo‘jayev), Moliya vazirligi (Ishmetov), manfaatdor vazirlik va idoralar
23.	Ishlab chiqarish xarajatlarining asossiz oshishiga olib keluvchi omillarni doimiy ravishda qidirish va bartaraf etish asosida ishlab chiqariladigan mahsulotlar tannarxini kamaytirish.	Har yili ishlab chiqarish xarajatlarini qisqartirishning yillik maqsadli parametrlarini o‘rnatishni nazarda tutgan holda vazirliklar, idoralar va boshqa tashkilotlar tarkibiga kiruvchi sanoat tarmoqlari korxonalarining ishlab chiqarish xarajatlarini kamaytirish bo‘yicha tashkiliy chora-tadbirlar kompleksi.	Har yili dekabr oxirigacha	Iqtisodiyot va sanoat vazirligi (Xo‘jayev), tarmoq vazirliklari va idoralari
		Tarmoq sanoat korxonalarida 2020-yilda ishlab chiqarish xarajatlarini qisqartirish bo‘yicha qabul qilingan chora-tadbirlarni amalga oshirish jarayonini monitoring qilish va har chorakda ko‘rib chiqish.	Har chorakda
24.	Iqtisodiyot tarmoqlarida mahsulot tannarxi shakllanishini tahlil va monitoring qilish mexanizmini joriy etish.	Har haftalik iste’mol narxlari indekslarini hisoblash uchun qisqartirilgan iste’mol savatchasiga kiritilgan 65 turdagi tovarlar va xizmatlar tannarxining shakllanishi to‘g‘risidagi har choraklik ma’lumotning so‘rov usuli asosidagi statistik hisobotini 2020-yil statistik ishlar rejasiga kiritish.	2019-yil dekabr	Davlat statistika qo‘mitasi (Begalov), Moliya vazirligi (Ishmetov), Iqtisodiyot va sanoat vazirligi (Xo‘jayev)
		Doimiy ravishda yuqorida ko‘rsatilgan tovarlar (xizmatlar) bo‘yicha tannarx va narxlar shakllanishini tahlil qilish va har chorakda tegishli ma’lumotlarni O‘zbekiston Respublikasi Prezident Administratsiyasi va Vazirlar Mahkamasiga taqdim etish.	Har chorakda
25.	Iqtisodiyot tarmoqlarining energiya sarfini kamaytirish hamda texnik va texnologik jihatdan yangilash.	1. Mahalliy korxonalar va tashkilotlarda xalqaro standartlarga (ISO 50001) mos keluvchi energetik menejment tizimini bosqichma-bosqich joriy qilish bo‘yicha quyidagilarni nazarda tutuvchi mexanizmni ishlab chiqish: energiya sarfi samaradorligini shaffoflik va xolislik asosida baholash, korxonalarning energiya sig‘imini kamaytirish; resurslar, birinchi navbatda, moliyaviy resurslarni minimal sarflagan holda energiya iste’molini boshqarish samaradorligini, korxonalar aktivlari kapitallashuvini oshirish; ishlab chiqarilayotgan mahsulotlar, ko‘rsatilayotgan xizmatlar raqobatbardoshligini oshirish.	2020-yil yanvar	Energetika vazirligi (Sultanov), “O‘zstandart” agentligi (Sattarov), Iqtisodiyot va sanoat vazirligi (Xo‘jayev), Innovatsion rivojlanish vazirligi (Abduraxmonov)
		2. Energetik menejment tizimini xalqaro standart talablariga (ISO 50001) muvofiq joriy qilish tarmoq jadvallarini “O‘zstandart” agentligi bilan kelishgan holda vazirliklar va idoralar tomonidan ishlab chiqish va tasdiqlash. 3. Energetik menejment tizimini joriy qilish, xodimlarini o‘qitish va sertifikatlash bo‘yicha ishlarni tashkil etish.	2020-yil fevral
		4. “O‘zstandart” agentligi tomonidan vazirlik va idoralarning energetik menejment tizimini xalqaro standart talablariga muvofiq joriy qilishni nazorat qilish.	Doimiy
		5. “O‘zstandart” agentligi tomonidan vazirlik va idoralarning energetik menejment tizimini xalqaro standart talablariga muvofiq joriy qilishi jarayoni to‘g‘risidagi hisobotni Vazirlar Mahkamasiga kiritish.	Har chorakda
26.	Ustav fondida davlat ulushi 50 foizdan ortiq bo‘lgan korxonalar, shuningdek, strategik ahamiyatga ega bo‘lgan korxonalar faoliyati samaradorligini baholash maqsadida samaradorlikning asosiy ko‘rsatkichi (KPI) va energiya sig‘imi indikatorini joriy qilish.	1. Korxonalar faoliyati samaradorligini baholash uchun samaradorlikning asosiy ko‘rsatkichi (KPI) va energiya sig‘imi indikatorini belgilash metodikasini ishlab chiqish va tasdiqlash.	2020-yil aprel	Davlat aktivlarini boshqarish agentligi (Bekenov), Energetika vazirligi (Sultanov), “O‘zstandart” agentligi (Sattarov), Iqtisodiyot va sanoat vazirligi (Xo‘jayev)
		2. Korxonalar tomonidan faoliyat samaradorligini baholash uchun samaradorlikning asosiy ko‘rsatkichi (KPI) va energiya sig‘imi indikatori bo‘yicha oylik statistik hisobotlar taqdim etilishini ta’minlash.	Har oyda
		3. Har chorakda Energetika vazirligi va Davlat statistika qo‘mitasi veb-saytlarida, shuningdek, ommaviy axborot vositalarida yuqorida keltirilgan ko‘rsatkichlarni e’lon qilish.	Har chorakda
27.	Tartibga solinadigan narxlar (tariflar)ni erkinlashtirish jadvalini ishlab chiqish va O‘zbekiston Respublikasi Vazirlar Mahkamasiga tasdiqlash uchun kiritish.	Inflatsiya bo‘yicha maqsadli ko‘rsatkichlarni hisobga olgan holda, 2022-yilgacha bo‘lgan davr uchun tartibga solinadigan narxlar o‘zgarishi jadvalini tasdiqlovchi Hukumat qarori loyihasi.	2020-yil yanvar	Moliya vazirligi (Ishmetov), Iqtisodiyot va sanoat vazirligi (Xo‘jayev), Monopoliyaga qarshi kurashish qo‘mitasi (Sharipov)
28.	Nohalol raqobat, suiiste’molchilik va import tovarlari narxlarini asossiz oshirishni to‘xtatish bo‘yicha amaliyotni takomillashtirish.	Nohalol raqobat, suiiste’molchilik hamda mahalliy va import tovarlar narxlarini asossiz oshirish holatlarini aniqlash mexanizmini ishlab chiqish.	2020-yil yanvar	Davlat soliq qo‘mitasi (Musayev), Davlat bojxona qo‘mitasi (Azimov), Monopoliyaga qarshi kurashish qo‘mitasi (Sharipov)
29.	Temir yo‘l va havo transporti xizmatlari bozorida raqobatni rivojlantirish.	O‘zbekiston Respublikasi Vazirlar Mahkamasiga temir yo‘l va havo transporti xizmatlari bozoriga ishtirokchilarning kirishini ochish va xususiy operatorlar sonini ko‘paytirish orqali raqobat muhitini shakllantirish bo‘yicha quyidagilarni nazarda tutuvchi takliflarni kiritish: ko‘rsatiladigan transport xizmatlari tarif va narxlarini MDH davlatlari va asosiy tashqi savdo va turistik yo‘nalishlar hududidan o‘tuvchi boshqa davlatlardagi tarif va narxlardan oshmaydigan darajagacha pasaytirish; temir yo‘lda va aviatsiyada xususiy yuk tashuvchilar bozorini shakllantirish bo‘yicha dasturni tasdiqlash; infratuzilmadan foydalanganligi uchun xususiy operatorlar bilan hisob-kitoblar tartibi va tariflarni o‘rnatish.	2020-yil fevral	Transport vazirligi (Maxkamov), Monopoliyaga qarshi kurashish qo‘mitasi (Sharipov), manfaatdor vazirlik va idoralar
30.	Elektr va gaz ta’minoti sohasiga xususiy investorlar hamda to‘g‘ridan to‘g‘ri xorijiy investitsiyalarni tanlov asosida kirishiga ruxsat berish va ularni faol jalb qilish.	Elektr va gaz ta’minoti sektorida raqobatni rivojlantirish maqsadida, shu jumladan davlat-xususiy sheriklik mexanizmini qo‘llagan holda, to‘siqlarni bartaraf etish va imkoniyatlar yaratish bo‘yicha “Yo‘l xaritasi”.	2020-yil aprel	Energetika vazirligi Sultanov), Moliya vazirligi (Ishmetov), Iqtisodiyot va sanoat vazirligi (Xo‘jayev), Monopoliyaga qarshi kurashish qo‘mitasi (Sharipov)
31.	Tadbirkorlik subyektlari uchun raqobat muhitini yaxshilash.	Quyidagilarni nazarda tutuvchi O‘zbekiston Respublikasi Prezidentining qarori loyihasi: tadbirkorlik subyektlarining huquqiy kafolatlarini mustahkamlash; subsidiyalar, preferensiyalar va imtiyozli kreditlar berish amaliyotini qayta ko‘rib chiqish; davlat organlari xo‘jalik yurituvchi funksiyalarni bajaradigan muayyan sohalarga xususiy sektorni jalb qilish bo‘yicha dasturlarni tayyorlash; davlat organlari tomonidan ta’sis etiladigan davlat korxonalari, shuningdek, davlat ishtirokidagi yirik xo‘jalik yurituvchi jamiyatlar va raqobatga salbiy ta’sir ko‘rsatuvchi tabiiy monopoliya subyektlari bo‘lgan afillangan korxonalar sonini qisqartirish; tabiiy monopoliyalar tarmoqlari bilan turdosh bozorlarda raqobat shart-sharoitlarini yaratish bo‘yicha choralar ko‘rish; davlat xaridlari, tendyerlarni amalga oshirishda va resurslarni (shu jumladan, yoqilg‘i-energetika va tog‘-kon sanoatida) taqsimlashda ular o‘tkazilishining shaffofligini oshirish orqali bozor mexanizmlarini rivojlantirish.	2020-yil fevral	Monopoliyaga qarshi kurashish qo‘mitasi (Sharipov) Iqtisodiyot va sanoat vazirligi (Xo‘jayev), Moliya vazirligi (Ishmetov, Adliya vazirligi (Davletov)
32.	Iqtisodiyotda raqobat muhitini rivojlantirish uchun individual soliq va bojxona imtiyozlari, subsidiyalar, preferensiyalar berish amaliyotini qaytadan tanqidiy ko‘rib chiqish.	1. Quyidagilarni kiritishni nazarda tutuvchi O‘zbekiston Respublikasining “Raqobat to‘g‘risida”gi Qonuniga o‘zgartirish va qo‘shimchalar kiritish to‘g‘risida O‘zbekiston Respublikasining Qonuni loyihasi: soliq, bojxona imtiyozlari, subsidiyalar, narx preferensiyalari va grantlar ko‘rinishida davlat ko‘magi taqdim qilinishiga hamda davlatning tadbirkorlik faoliyatida ishtirok etishiga nisbatan monopoliyaga qarshi talablar; faoliyat olib borishga eksklyuziv huquqlar berishni nazarda tutuvchi normativ-huquqiy hujjatlar loyihalari bo‘yicha monopoliyaga qarshi organning dastlabki roziligini olish mexanizmi.	2020-yil dekabr	Monopoliyaga qarshi kurashish qo‘mitasi (Sharipov) Iqtisodiyot va sanoat vazirligi (Xo‘jayev), Adliya vazirligi (Davletov)
		2. Quyidagilarni ko‘zda tutuvchi amaliy chora-tadbirlar rejasi: eksklyuziv huquqlarni to‘liq xatlovdan o‘tkazish; raqobat muhitiga salbiy ta’sir ko‘rsatayotgan davlat ishtirokidagi korxonalarga berilgan eksklyuziv huquqlarni bekor qilish.	2020-yil yanvar
33.	Monopol korxonalar va xo‘jalik yurituvchi subyektlar mahsulotlari narxini belgilanishning shaffofligini ta’minlash.	Monopol korxonaning internetdagi rasmiy veb-saytida ishlab chiqarish xarajatlari tarkibi va monopol mahsulotni (ishlar, xizmatlar) �ealizatsiya qilish hamda moliyaviy natijalar shakllanishi tartibi to‘g‘risida ma’lumotlarni e’lon qilish tartibini ishlab chiqish va joriy qilish.	2020-yil yanvar	Monopoliyaga qarshi kurashish qo‘mitasi (Sharipov), Davlat aktivlarini boshqarish agentligi (Bekenov)
34.	Sud hokimiyati mustaqilligi, shuningdek, xususiy mulk huquqlari himoyasini ta’minlash bo‘yicha ta’sirchan choralarni ishlab chiqish.	O‘zbekiston Respublikasi Prezidentining sud hokimiyatini isloh qilish va uning mustaqilligini ta’minlash, sud qarorlarini o‘z vaqtida ijro etish, shuningdek, sa’y-harakatlarni xususiy mulk huquqlarini himoya qilishni ta’minlashga qaratishni yanada rivojlantirish chora-tadbirlari to‘g‘risidagi qarori loyihasi.	2020-yil mart	Oliy sud (Kamilov), Iqtisodiyot va sanoat vazirligi (Xo‘jayev), Adliya vazirligi (Davletov)

O‘zbekiston Respublikasi Prezidentining 2019-yil 18-noyabrdagi PF-5877-son Farmoniga
3-ILOVA

Inflatsiya darajasini pasaytirish va narxlar barqarorligini ta’minlash borasidagi chora-tadbirlarni muvofiqlashtirish bo‘yicha komissiya

TARKIBI

R.A. Gulyamov	—	O‘zbekiston Respublikasi Prezidenti maslahatchisi, Komissiya rahbari
J.A. Qo‘chqorov	—	O‘zbekiston Respublikasi Bosh vazirining o‘rinbosari — moliya vaziri, Komissiya rahbari o‘rinbosari
M.B. Nurmuratov	—	O‘zbekiston Respublikasi Markaziy banki raisi, Komissiya rahbari o‘rinbosari
O.Z. Nasritdinxo‘jayev	—	O‘zbekiston Respublikasi Prezidenti maslahatchisi o‘rinbosari
M.P. Olloyorov	—	O‘zbekiston Respublikasi Prezidenti Administratsiyasi departamenti rahbari o‘rinbosari
O.A. Hakimov	—	O‘zbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi direktori
B.A. Begalov	—	Davlat statistika qo‘mitasi raisi
N.Sh. Sharipov	—	Monopoliyaga qarshi kurashish qo‘mitasi raisi
O.B. Rustamov	—	iqtisodiyot va sanoat vazirining birinchi o‘rinbosari
T.A. Ishmetov	—	moliya vazirining birinchi o‘rinbosari
M.M. Mirzayev	�	Davlat soliq qo‘mitasi raisining birinchi o‘rinbosari
I.I. Norqulov	—	Markaziy bank raisining birinchi o‘rinbosari
A.Y. Haydarov	—	moliya vazirining o‘rinbosari
A.J. Ortiqov	—	O‘zbekiston Respublikasi Vazirlar Mahkamasining Makroiqtisodiy tahlil, tarkibiy o‘zgartirishlar, moliya-bank tizimi va xususiy tadbirkorlik masalalari kotibiyati mudiri
Sh.Z. Shukurov	—	Prognozlashtirish va makroiqtisodiy tadqiqotlar instituti direktorining birinchi o‘rinbosari
A.Sh. Bekmurodov	—	O‘zbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasi direktori vazifasini bajaruvchi
N. Sirojiddinov	—	Jahon iqtisodiyoti va diplomatiya universiteti professori
Z.T. Parpiyev	—	Toshkentdagi Xalqaro Vestminster universiteti professori
B.S. Hamrayev	—	O‘zbekiston Respublikasi Markaziy banki Pul-kredit siyosati departamenti direktori, Komissiya kotibi

Izoh:

1. Komissiya a’zolari boshqa ishga o‘tgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklangan shaxslar kiritiladi.

2. Zarur hollarda, Komissiya ishiga tegishli davlat boshqaruvi organlari, xo‘jalik birlashmalari va boshqa tashkilotlarning mutaxassislari jalb etiladi.
(Qonun hujjatlari ma’lumotlari milliy bazasi, 19.11.2019-y., 06/19/5877/4036-son)